饞。台式食堂 (如心廣場二期)

营业中

休息中

位於如心廣場既饞 台式幸福食堂, 坐位唔多, 見到套餐都有跟一份前茶, 當日就係芝麻醬菠菜, 菠菜夠乾身, 撈埋木魚芝麻醬, 味道開胃之餘, 又唔會濕der der噁心。 鳳梨蝦球, 配滷肉飯 ($88+$10)先講滷肉飯, 我覺得10蚊值得加, 雖然香味唔係好夠, 但份量都唔少, 味道ok, 肉肥瘦適 都夠軟諗。鳳梨蝦球, 就遜色啲, 沙津醬太多了, 浸濕左炸蝦之餘, 味道都因為沙津醬, 變得太酸甜, 食多幾舊就厭了, 但份量同蝦既肉質係ok的。紅燒半筋半肉面 ($88)好好食, 湯底比較偏藥材味, 深色但唔會好咸, 刀削面食落有咬口, 牛肉味濃都軟, 牛筋都係, 夠諗先好食, 滿滿骨膠原。芋香珍珠奶茶 (+$14)味道濃, 冇用水溝到好稀個種, 珍珠都煮到岩岩好。蒟蒻球白桃烏龍 (+12)清新好飲, 加埋蒟蒻球, 口感加分

之前去荃灣如心staycation既印象係覺得樓下d野食偏貴, 所以行番去路德圍果邊食 勁遠. 最近去見到開左間新台灣野, 都幾抵食! 店內樓底夠高, 仲播住台灣歌, 好chill!-🦁 適合人士｜自己一個, 屯馬線人士, 情侶 (聽講7月份情侶到店post story, 會送台式手搖飲品!)🦁 適合場合｜荃灣如心staycation唔想去太遠食, 行完DONKI食-✅ 一人套餐｜香酥雞排 ($69)好貼心有得揀味! 椒鹽, 麻辣同咖哩之間我揀左椒鹽! 炸得夠脆好香口 但雞扒依然保留肉汁!-➡️ 手撕台灣走地雞肉飯 (+$18)配個飯可以升級做滷肉飯 (+$10) 或者依個手撕雞肉飯. 如果鍾意多汁可以揀前者, 鍾意雙重雞肉可以揀後者~-✅ 台式酸辣湯個SET仲可以揀配湯/甜品. 我揀左湯,啖啖都超足料! 好開胃-✅ 黃金泡菜 ($25)想食d菜, 所以左個小食. 第一次食台灣既泡菜, 原來係咁好食!!-✅ 蒟蒻球白桃烏龍 (+$12)跟餐好平就多杯台式飲品! 夠多蒟蒻 味道幾好!-🦁 饞•台式幸福食堂地址:荃灣大河道98號如心廣場二期1樓122號舖🦁 人均消費：<$100 ｜

台灣近在彼岸，但偏偏只能遠觀，不過荃灣仲近啦喺如心零零舍舍就有一間好文青嘅台灣餐廳，格調非常清雅嚟返個台灣最經典嘅鹽酥雞，炸得非常香脆，肉質嫩滑有汁配埋手撕雞肉飯，真係惹味到不得了黑胡椒牛肉撈埋溫泉蛋，真係可以好食過日本嘅牛肉丼用嚟送台灣蓬萊米，唔使三分鐘就食晒碗飯小食方面，滷水豆腐入味之餘，仲好彈口胃弟就驚歎台灣香腸神還原當地大腸包小腸嘅味道，而且有過之而無不及𠻹酸辣湯味道濃厚，辣又真係幾辣，祛濕一流愛玉凍超香青檸味，而青檸又吸收晒愛玉嘅冰涼跟餐嘅飲品亦好出色，三料奶茶真係第一次試，有珍珠、仙草同紅豆，茶底又好濃，必叫蒟蒻粒嘅白桃烏龍亦係驚喜不斷，怕肥嘅可以嗌杯少甜嘅試吓，蒟蒻健康又好食

假期去了如心酒店 staycation，樓下的如心廣場有不少餐廳選擇，其中位於二樓及主打台灣菜的「饞•台式幸福食堂」，以開放式玻璃及木色調設計，裝潢簡約有質感，我跟友人二話不說就被吸引入內試試。餐廳主打一人套餐，落單後大約十分鐘已經上餐，非常快手。店家用簡約木盤上餐，配以藍白色帶有日系感的餐具，伸延餐廳的設計美學。🚩 海鮮芋頭米粉湯 HK$88｜ 台式酸辣湯｜三寶奶茶 +HK$16✣ 友人減肥進行中，見到海鮮米粉二話不說即叫，配料都幾豐富，有蝦、花枝、八爪魚、肉絲及冬菇等，湯底鮮甜，翻食之選！✣ 套裝配台式酸辣湯，餐湯來說材料頗多，用上大量木耳絲烹製，微辣及酸度恰到好處。✣ 貪心了點選了三寶奶茶，用上三種配料：珍珠、仙草及紅豆。🚩 溫泉蛋黑胡椒牛肉 配 台灣蓬萊米 HK$76｜青檸愛玉凍｜蒟蒻球白桃烏龍 +HK$12✣ 黑胡椒牛肉份量頗多，餐廳用上靚黑胡椒，口感微辣香口。餐廳用上台灣外銷米種中口碑甚好的台灣蓬萊米，非常有飯香兼軟熟！✣ 套裝配青檸愛玉凍，店家以青檸汁調配，酸酸甜甜好解暑。✣ 第一次食蒟蒻球，都幾好咬口，配埋白桃烏龍，味道不錯！🚩 滷水豆腐 HK$25✣ 豆腐用蔥花點綴，

Set lunch 配的開胃前菜很特別，是有蒜泥的泡菜，蒜味很正，非常開胃🥰鳳梨蝦球外皮酥脆，蝦肉熟度剛好，口感新鮮彈牙。蝦球很多，鳳梨份量相對較少，有啖啖蝦肉餸飯😎白飯是用台灣蓬萊米，吃起來的口感軟硬適中，有台灣便當的味道！吃了一塊朋友點的鹽酥雞，這個酥脆的外皮帶點鹹鹹的，味道比較重，份量也不少，好像更好送飯呢！加了$10轉做滷肉飯，滷汁很正我還加了$12點了一杯蒟蒻球白桃烏龍，很好喝的一杯烏龍茶😋 蒟蒻球煙韌又彈牙，好QQ😆👍🏻店員提供口罩套和消毒酒精綿給客人使用，非常貼心！

話說荃灣西新開左幾間商場後，食肆方面好多選擇，呢度生活圈超方便！今次試咗呢間主打新派台灣菜，裝修風格走年輕路線，開業不久便客似雲來😛1️⃣鹽酥雞配台灣蓬萊米（$70）開胃菜係泡菜，但同平時食開嘅幾唔同，相對無咁辣，容易入口～鹽酥雞炸得香脆可口，外層唔會過分油膩👍🏻而飯粒煮得軟熟且粒粒飽滿，口感不錯啊！2️⃣超大碗滷肉飯（$50）份量幾足，不過醬汁略嫌少咗啲～滷肉肥瘦比例正常，但係如果滷水蛋再入味啲會更佳😸3️⃣台式香腸（$26）香腸燒得啱啱好，外皮帶有少少焦香，好正！4️⃣蒟蒻球白桃烏龍（加$12）蒟蒻低卡健康，而且烏龍茶有解膩作用，整體飲品屬少甜，啱晒怕肥嘅人士💕