木蘭館 (已結業)

石硤尾嘅黃店唔太多，多數集中喺白田購物中心，所以要搵嘢食都好容易😚雖然位置有啲夾涉，但為咗支持小店都照去！💪🏼呢間整體嚟講回頭率極高，超抵食，質素又唔差，最重要係所有嘢都係即叫即整🤤==============================🍱 木蘭館 @magnolia_pavilion📍 石硤尾偉智里1-3號白田購物中心地下5號舖⏰ 星期一至日 11:30 - 21:30==============================1️⃣ 【蒲燒鰻魚飯】$49聽講呢間日本菜係出名鰻魚飯，就叫咗佢嘅招牌菜😋鰻魚好滑又夠淋，唔會太多細骨，啖啖都係肉，再加埋鰻魚汁撈飯好正🙈配菜有醃蘿蔔同煎玉子燒🍳都係正正常常唔伏，如果再加多幾條菜成個飯就均衡好多🤫份量方面男仔食都夠飽，呢個價錢有得食鰻魚而且質素又唔差已經冇得彈🤣（🔥 怒食指數：8/10）.2️⃣ 【芝士忌廉蟹肉薯餅】$24/3個呢個竟然超出我預期，首先佢勁熱辣辣👍🏻睇表面完全無煙出，以為唔太熱，點知一咬落去啲忌廉爆出嚟，辣親我個嘴😖😂味道方面就無乜蟹肉味，以忌廉汁為主，忌廉汁嘅味道有啲似出街食嘅白汁，但唔會太creamy，而且炸得好夠脆，勁鍾意佢

呢間小店位於石硤尾白田購物中心corner位飯盒大件夾抵食舖位屬微舖，隔離都有少量座位可供堂食大多數人都會叫外賣未夠兩點，飲品最先售罄小店靠日式飯盒、炸物小食變得門庭若市價錢上的確係平價飯盒選擇招牌之一係蒲燒鰻魚飯 $49有普通版、厚身版同特厚版，價錢介乎$49至$89普通版都有大條鰻魚，夠經濟實惠最平嘅鰻魚厚度中等，以火槍輕輕炙燒，表皮帶焦香兼有微脆感火喉十足，魚肉肥厚，醬汁鹹中帶甜飯量充足，有大半碗飯，珍珠米表面灑有大量海苔粉配料有微酸嘅醃蘿蔔、滑溜嘅玉子燒，唔會單調另一款招牌係特盛照燒牛肉飯 $69同樣使用珍珠米，飯粒煙韌，亦灑有大量海苔粉牛肉份量超多，炒得幾香口，油脂滿滿，可以撈飯不過相比鰻魚，牛肉肉質略粗糙，唔夠軟嫩，juicy感較輕

早前同幾位朋友一齊去到呢間最近新開嘅小食店食吓下午茶。一去到老闆已經好熱情咁招呼我哋，主動介紹我哋佢嘅招牌飯，仲推介埋幾款小食比我哋班為食鬼添。呢間小食店最正嘅地方就係即叫即炸！所以真係好熱辣辣！正呀！同埋炸嘅程度都剛剛好呀，無話太over令到食物好乾身！值得一讚！仲有佢個皇牌 鰻魚飯！真係大件夾抵食，只係$49咋。不過我最最最鍾意嘅係泡菜雞翼餃呀！少少辣伴住隻雞翼！真係諗起都又想再去食過唯一唔好嘅地方係，地方真係細咗啲囉😅😅😅