小漁港海鮮舫 鮮蒸‧鮮味火鍋

营业中

休息中

天氣開始轉涼、所以前晚同朋友訂左檯一行4人黎左呢間主打蒸氣火鍋🍲既《小漁港》，嘩！黎到都好滿場，好好生意！店員比左個menu 地睇，我地就叫左個是日廚師精選套餐，$298/位，週一至週四埋單價雜項全免包括(加一.茶芥.小食），真係超值！店內有個大魚🐠缸，裝修風格都幾有葡萄牙🇵🇹階磚設計。我地等左一陣店員送上一盤好鮮味既刺身拼盤（北寄貝，吞拿魚，象拔蚌同帶子），超鮮甜肥美！😋😋😋 店員將瀨尿蝦放係蒸爐上，而下面就有生米，瑤柱同南瓜🎃，較好時間一夠鐘就有得食，而我地就叫左一款小食，避風塘鮮魷（$68），好多香蒜辣椒🌶️炒好香口，食完就夠鐘，店員好窩心幫我地夾住放係碟上，幫瀨尿蝦按摩完食特別鮮甜好味，之後就到蒸大蝦🍤，粉絲扇貝同鮑魚，再蒸聖子，蜆同象拔蚌仔，所有海鮮蒸完鮮味出晒黎，原汁原味！😍到蒸條馬友魚，完全唔腥同唔太多骨！魚肉鮮滑！終於到最期待既膏蟹登場，蒸完變左鮮橙色好靚！好多蟹膏同蟹肉都好鮮味！最尾到食雞肉冬蟲草烏冬，索晒雞汁味！寶物沉鍋底！南瓜🎃瑤柱粥吸晒所有海鮮汁精華，粥底很棉，食唔停口！個套餐仲有甜品：抹茶🍵和菓子，綠茶味很濃，晶瑩剔透！秋冬最佳選擇就係又健康唔太熱氣既蒸氣火鍋！

搵番大半年前舊相，好想介紹呢間蒸海鮮餐廳。Openrice 推廣有7折優惠，於是約埋幾個朋友book 檯去聚一聚。因為7折優惠只限散叫，大家唔想諗又想乜都試，最後揀左個位位$258 套餐。 有花竹蝦、鮑魚、蜆、青口、蒸馬友、大閘蟹、菜類、甜品蒸海鮮唔係第一次食，但呢度特別在用藤蓋，成頂草帽咁。原來話蒸嘅時候疏氣好D就唔會有倒寒水落番食第上面第一道係蒜茸粉絲蒸扇貝，size 都算大，好鮮味！如果我地自己睇時間可能會靱，但呢度有專人幫你較好時間，再開蓋分食物之後係蝦同蟶子，唔大但好甜再嚟蜆同熊本蠔，不過不失啦呢條蒸馬友真係不得了！咸香滑溜重魚鮮味，我以前剩係鍾意食海班，貪無乜骨。從來唔知做咸魚嘅馬友咁蒸咁好味，真係食過番尋味！至於大閘蟹，我係大嘥鬼皆因成檯人都唔食慣大閘蟹，唔識邊部分唔食得，我將成隻蟹公最珍貴嘅透明蟹膏放棄咗....（）最後仲有菜同用蒸海鮮煮嘅南瓜粥，好飽但好好味！見隔離檯有糯米飯，好香好吸引，於是叫咗一客試，老闆見我地咁捧場，免費送比我地，堅好食！甜品係抹茶果子，唔太甜都幾好，呢餐值回票價，大滿足

由於朋友飯局大家一致決定想食火鍋，比我無意中搵到小漁港⋯ 地點確實有點難搵必須花小小時間😅但一入店內便發覺裝修有點漁村感覺,樓低高感覺不錯👍🏻 座位與座位之間有點距離⋯食物方面我們點咗10 種⋯ 蒸聖子王，馬刀貝，馬友全部都好新鮮😃 特別一讚馬友超滑👍🏻👍🏻而肉類就楝咗安格斯肥牛粒，肥牛卷，蟲草花蒸雞（烏冬底），當中蒸雞好有驚喜但個人認為有點咸，韮菜餃子就一般，另一推介梅菜翠肉瓜！老闆強烈推薦是日膏蟹勁正，於是再追加2隻膏蟹二食，爆膏蟹蓋配紫薯瑶桂肉碎粥，其他陪份就清蒸⋯大家一致食後感得三個字（冇得輸）😬真心推介⋯掂！

小弟第一次寫食評，點解呢，因為真係feel 到小漁港非常貼地，係平民之福。經朋友胃食mike 介紹，有晚一行五人去夜襲小漁港的宵夜set ，一試難忘，廢話唔講太多，去片😎😎