瘋狂小面 (佳德商業大廈)

营业中

休息中

好唔起眼的樓上店中午約左個中環番工既外國朋友佢介紹呢間上到去都幾大間價錢算唔錯 特別係中環By request可以叫店員拎English menu啲面口感幾唔錯下次可再encore

這間專門食重慶麵食的餐廳裝修成重慶小店一樣。午市餐牌只有一張紙，全是套餐，有三種組合，主食可加配飲品、小吃和甜品。全日都要加一。酸辣粉套餐（$120）正宗重慶酸辣粉+烏梅汁+棒棒雞酸辣粉用了粗身薯粉，又爽又滑，配以肉碎，芹菜粒、芫荽、花生和青菜等配料，酸辣交織在口腔中，令人回味無窮。棒棒雞類似口水雞，雞絲無骨啖啖肉，非常滋味。最後飲杯偏酸帶甜的烏梅汁，滿足。蕃茄牛肉麵套餐（$109）蕃茄牛肉麵+羅漢果冬瓜茶+蒜泥青瓜+成都老冰粉麵條是新鮮水麵（即重慶鹼水麵），幼滑有嚼勁，搭配酸酸辣辣的蕃茄湯汁，牛𦟌切得薄而鮮嫩，與湯汁味道相互融合，口感出眾。蒜泥青瓜完全不辣，爽脆清甜。冰粉甜而不膩，清涼解渴。羅漢果冬瓜茶味道清爽、甜潤。

今日同朋友諗住去中環SOHO飲嘢之前喺附近食個dinner，喺士丹利街附近見到呢間叫「瘋狂小面」嘅樓上舖，諗諗吓好似好耐無食四川麻辣麵，所以揀咗呢間食。餐廳入面嘅裝修好中國風，有屏風、摺檯同川劇變臉嘅圖案，好又四川嘅特色，座位都有一個人嘅間隔或者三至四人嘅枱，相信平日都唔少喺中環返工嘅人會過嚟食晏。食物方面有唔同嘅set可以揀，例如麵加飲品$87，再加小食$98，再加甜品$109。麵食可以揀乾撈麵或者湯麵，唔同程度嘅麻同辣，仲有好多款唔同嘅小食同飲品，任君選擇。我哋嗌咗個少麻少辣嘅瘋狂擔擔麵、蕃茄牛肉麵、冰糖雪梨汁、羅漢果冬瓜茶同高湯蒸蛋。呢間嘅麵唔會太淋身有啲咬口，蕃茄湯底唔算濃，但牛腱切得夠薄身同煮得夠入味，擔擔麵肌肉碎同醬汁都唔會太鹹，麻辣得嚟又大又花生醬嘅香口，撈完之後每一條麵都可以掛到醬汁，加埋青瓜絲同花生，非常香口惹味。冰糖雪梨汁同羅漢果冬瓜茶都係幾甜嘅飲品，可以解一解麻辣感，而小食嘅高湯蒸蛋喺限量供應，蒸得又滑又有高湯嘅鮮味，好有家嘅味道。喺中環可以食到一個below $100嘅set，味道同質感都對得住佢嘅價錢，CP價好高！📍中環士丹利街66-72號佳德商業大廈1樓位置

放工約左朋友去中環行下donki， 又吾想食快餐店，於是周圍搵下有咩食。呢間小面係正donki附近，食完去行donki一流雖然要行入去商業大廈上樓先見到間鋪，但是係地下樓梯旁邊就有一張指示入去既牌，跟住行上樓梯再搭1層樓電梯，一出電梯就係呢間瘋狂小面了。呢間瘋狂小面主打既係重慶小面，對於我曾經去過大陸食過吾知算吾算正宗既重慶小面既人黎講，的確係有一定既吸引力，因為都好耐無食過了。碗雜面係我的最愛，但是我今日卻想簡個湯面試下，本來想試下燒白面，因為見到佢講一日限量15碗，然後睇圖好似好好食甘樣，但係今晚去得遲了，應該是中午時間去先有機會試到，下次搵日試下中午黎試下燒白面先~套餐有分三種: (一種係單叫面)A+B 面加飲品A+B+C/D面加飲品加小食或甜品A+B+C+D 面加飲品加小食加甜品我地叫既係ABCD,咩都想試下😂😂面我就簡左個大排面，大排也即係比較大塊既排骨，食落還可以，肉還算多，重點係個面，簡紅湯可以簡辣同麻，由於我怕食吾到太辣，所以只敢試BB辣同BB辣，事實證明我係岩既，佢既辣度相對其他出面餐廳既辣係要再辣一點，平時我食辣可以食到少辣或者係通常講開既5小辣(比大家個參考，到時

位於中環樓上嘅麵館，唔太起眼，如果唔係有人介紹，真係唔會知呢度有間咁嘅餐廳。小麵好似係川菜黎，睇電視話係四川人嘅早餐，成碗都紅色，又麻又辣。呢間餐廳就明顯係主打小麵，今次叫左牛肉小麵，其實我已經食過幾次，但今次無之前咁好食，應該係因為餐廳睇錯order，我只係想要小辣，佢比左小麻小辣我，完全唔夠麻，唔夠香，之前正常情況下係好香又夠麻，超惹味，同埋佢嘅辣係唔會令你食完覺得辛苦，好順口。涼菜叫左蒜泥青瓜同夫妻肺片，味道就正常，都好食嘅，但無乜特別。另外值得一試嘅係門神手工啤，叫左個dragon king ，柚子味啤酒，好飲！柚子味唔算好濃，但遮左少少啤酒花嘅苦澀味，適合女士👍🏻 下次試埋其他款！ 最後朋友因為唔食辣叫左個蕃茄牛肉麵，佢話味道就係正常😂 無乜特別。

「瘋狂小面」這名真不錯，很多人就想來「瘋狂一下」。這樣以中國成都/重慶的食物、麵食為主，裝修也見滿滿中國風。.麵套餐很多選擇，可跟飲品、小食及甜品。..⭐️瘋狂牛肉面如果你是辣的fans，一要要試試「瘋狂牛肉面」，可自行選辣/麻的程度。辣可以很辣哦！湯底濃郁，牛肉是一粒粒的（有筋，正！），滿滿中國風味的牛肉面。.我不敢挑戰辣，所以選了⭐️蕃茄牛肉麵。雖然也是牛，但切的方法不一樣，這裏的牛肉是一片片的。應該選用了牛𦟌，因為除了瘦肉還見到牛筋。我另加了一個煎蛋，我重新排列，這樣看來像拉麵吧哈哈！.小食方面，點了「棒棒雞」及「鐘水餃」。棒棒雞似口水雞，雞切成一塊塊薄片。鐘水餃的餃子皮比較韌，一口一粒，很有特色。.飲品：烏梅湯（即酸梅湯？）⭐️醪糟粉子非常有中國特色的甜品。有米酒的味，但沒有酒精的成份。當然，這比起其他西式甜品如楊枝甘露、pancake 無那麼吸引，但偶然見到有醪糟粉子，懷舊懷舊一下還是相當滋味的。材料有粉子、枸杞及米飯。.下次再來「瘋狂」吧！

今日係Avengers 4既大日子，收工拿臨食麵就要衝去睇之前有人上載過點菜紙（紅白色果張），大家可以睇返有咩套餐可以點。基本就係麵加飲品，想食小吃或者甜品都係加$10姐，好抵首先上枱既烏梅汁因為本身無冰，所以唔會覺得好冰凍，比室溫凍少少。個味似西梅，好濃梅味，偏酸，飲兩啖有解辣功效跟住有麵喇。蕃茄湯幾濃，但未至於好似勝H園果種濃到杰。牛肉切得好薄，好冧，一用筷子夾就會散。麵質方面係煙韌既，幼身既。整體都唔錯正常辣❗️結果我食左一啖係辣到@$/(%\<¥*唔食得太辣既要小心，好麻冰粉之前我未食過，口感似蒟蒻，上面有d甜甜既汁似焦糖甘既味，仲有好多料例如芝麻同提子乾，幾夾最後附上部分之前未有人上載過既餐牌。如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️