阿木台灣麵 (豉油街)

营业中

休息中

阿木台灣麵同大部分台式餐廳一樣，實而不華，價錢相宜，味道唔錯，最推介牛肉麵…..但就一定唔會係超級outstanding果種🤡味道(7.5/10) 環境(6.5/10) 服務(6.5/10) 抵食(7/10)嚟到呢度梗係要試下牛肉麵，今次揀咗蕃茄牛肉麵。蕃茄湯幾濃，牛肉份量多，而且好軟腍，唔錯😋仲有試埋台灣腸便當，台灣腸加埋啲蒜一齊食幾香口，不過便當嘅肉燥飯我覺得太鹹🥲，麻麻。都試過黃金泡菜，無咩特別，可以唔食；反而隨餐送嘅熱台式奶茶，我覺得係超水準☺️，茶味濃，奶都夠，正👍🏻。總括嚟講，係一間平實有一定質素嘅台式店，值得幫襯。📜🥢🥢 蕃茄牛肉麵 $74🥢台灣腸便當 $56

📌 阿木台灣麵 (豉油街) - 旺角豉油街60-102號鴻都大廈地下3-4號舖🗓(5/11) 星期六 ⏰ 晚上6點左右 💈特式：呢間都係少數我係香港一諗起想食台灣野就會先諗起嘅舖頭，我由佢開業已經有幫襯食到而家，品質都一直keep到，呢樣都係比較難得。🥩🍔🌭🌮🥗🥯🥘🍲🍝🍣🥟🍤🍱食物：佢係旺角有兩間店，今日我就去佢豉油街間總店，平時呢間店都係大排長龍，不過我今日就比較早，未夠6點就去，所以都唔洗等就可以直接入坐，今次等我同大家講下台灣味道先。蕃茄牛肉麵🍅🐮🍜 - 既然佢係台灣菜，牛肉麵就一定唔少得，我平時係食開佢原味嘅紅燒牛肉麵，今次就第一次試佢個蕃茄牛肉麵，先講佢個蕃茄湯都做得好濃郁，好香蕃茄味，同埋食得出係用新鮮蕃茄做湯，唔係加茄膏，另外個牛肉就真係值得大大力讚下，份量多唔在講，有5~6大片仲要厚身，個牛肉炆得淋到90歲阿婆都食到，但唔係霉個隻淋，係用長時間炆到入面個隻淋。因為呢間台灣野嘅小食真係相當出色，所以我兩個人只係叫一碗麵，情願叫多幾份小食嘆下。芝士肉鬆蛋餅 - 我特登去食其中一個原因就係想食呢個蛋餅，佢係我係香港食過頭3甲之一，餡料多，蛋皮煙韌，調味適中，真係

今日係旺角行街行到有d肚鋨，就在附近找吓有乜啱食順便休息一吓記得朋友介紹過有間台灣麵好正，一於就找呢間店試吓先去到見到呢間店門囗企左幾多人應該唔差而且都係我幾喜歡嘅台灣美食，一於攞籌入去試吓先，不過要等左30分鐘先可以入座在門囗等候期間見佢哋都有好多自家製嘅物品和台灣直送產品售賣入座後我即刻選左個：蕃茄牛肉麵、滷水豬耳，還叫左杯金鑽鳳梨汁蕃茄牛肉麵：牛肉有分（角）切和（片）切，本來選左（角）切，但話賣晒，（角）切原來係用唔同部位嘅牛，餐牌上有講解，另外我轉左關廟麵，麵質煙煙靭韌，貪佢夠寛掛汁，有五塊厚厚嘅牛展食落軟腍冇根，另外蕃茄湯底好香濃好好味加埋個酸菜和蒽一齊食，超正！滷水豬耳：切得細細條，入口方便，豬耳入晒味，爽脆得來腍腍地金鑽鳳梨汁：入囗清甜滋潤，還有鳳梨粒增加口感，夏天熱辣辣，飲完暑氣全消

#旺角阿木台灣麵呢間咁出名嘅黃店唔多介紹，就係主打足料嘅台灣牛肉麵同地道小食，由台灣老闆娘打理，見佢事事都用手去指導員工，感覺佢對所有嘢要求都幾高﹗難怪牛肉麵同服務都咁好﹗不過就真係成日都大排長龍 ------------------------麻辣牛肉麵 $ 65牛肉真係煮到近乎入口即溶，舊舊都切得好靚﹗有得揀一舊都要薄片，我自己就鍾意食片，仲有4️⃣大舊，超足料﹗除咗嗰種溶化口感超正，仲好入味，而且唔會覺得咸，係真係吸晒湯個種香味😭😭點解可以咁好食😭麵質煙韌有彈性，加埋湯底真係無得彈😍🥰-----------------------蕃茄牛肉麵 另外我另一次食咗蕃茄牛肉麵，湯底都牛肉就一樣入味！基本上個牛肉同其他牛肉麵差唔多。————-------肉燥拌麵 $42夜晚想食平啲啲，又唔想食咁多肉，所以我自己就叫咗個拌麵，出面食胖麵最怕咸同肥，但呢到個肉燥真係啱啱好，香之餘個調味做得好開胃，而且唔會話好口渴，我個人覺得女仔細食啲食呢個就啱啱好——啱啱好可以再揀個小食，好似蛋餅嗰啲食🤣牛肉麵嘅話細食少少嘅女仔就真係可能食唔晒啲牛㗎-----------------------鹽酥雞 $38我就

💛阿木台灣麵 @旺角阿木台麵真系好hit 星期六去到門口超級多人排隊 真係好受歡迎！不過好彩可以用GULU apps 拎籌排隊 咁就慳番好多時間 可以係附近行吓先嚟都得～▫️蕃茄牛肉麵 $65湯底有香濃蕃茄味 酸酸甜甜好開胃😋肉質軟淋淋 牛肉係厚切有4大舊 又厚又淋 成碗份量都好足料😍 性價比好高💯▫️紅燒牛肉牛筋麵 $69牛肉一樣係煮得好淋身 好入味😋牛筋仲配上豐富骨膠原蛋白 入口即溶 而且麵質爽口彈牙👍🏼湯底唔係味精 飲完都唔會頸渴▫️鹽酥雞 $38外皮炸得香脆又入味 香脆可口 又唔會太油膩 不過我覺得雞肉再滑d 就perfect😚 size唔算大舊 我覺得份量啱啱好！▫️甜不辣 $29外脆內軟 好煙韌 質感好似軟彈既魚蛋😆好味到食到唔停口🤪🧋黑糖珍珠奶茶 (飲品半價) $16冇叫到少甜 所以都幾甜下😣 不過珍珠好有咬口 份量都幾多～佢哋舖頭出面有賣自家品牌台灣食品 依家冇得飛去台灣 可以買尼過下癮 買尼送比朋友又得！🤣