莆田 (美麗華廣場2期) (已結業)

今天下午放假，約好朋友逛街。而朋友早到達，所以朋友先在美麗華逛逛。自己中午放工後，才知道朋友已在餐廳等候，就是星加坡的福建菜。今天是平日，客人不多，我倆可以佔用四人圓枱。下單後，要計劃今天的入貨列表。　　莆田扁肉湯　紫菜，好似魚皮餃的扁肉，還有唐芹和芫茜，炸蒜，跟帶微微酸味的湯底，就變為一道開胃湯，喚醒味蕾。　　　冰浸苦瓜　又薄又彎的苦瓜，是如何片出來呢？　排得靚靚以朵花，賞心悅目。苦瓜當然是苦的，但自己喜歡這苦瓜味，無需沾上糖漿。　　看到餐牌推薦蟶子的菜色，每款單點皆要百多元, 但198個大洋，就可選二款蟶子美食。　我倆本著計到盡的性格，當然不會錯過。　　　薑蔥炒蟶子  蟶子較短身，但蟶子肉卻很飽滿，我的母語～廣東話：迫爆個殼！跟香港推崇的長身蟶子有顯分別。薑蔥味不太強，没有蓋過蟶子的甜味。　　　紅菇鮮蟶湯　朋友話紅菇好補，所以點這款蟶子湯。紅色＝補血？　真身是粉紅色的湯底，浸著多件蟶子。　菇類跟貝類，都有豐富的胺基酸，而二者結合就呈現出鮮甜的味道。粉紅色底鮮甜，煮出來的蟶子卻比湯底更甜。實際上，這個紅菇湯的蟶子，比薑蔥炒出來的蟶子更甜。　　興化炒米粉　　招牌菜之一。米粉超幼細，米粉

其實我都幾鍾意黎莆田，最近又係開始食蟶子既季節，梗係要過黎試下😍，$198 有兩款～～✨見隔離枱好多人都點左呢碟青bb 既野，原來係冰浸苦瓜，砌到成朵花咁幾靚。刀工真係超薄，menu 話2mm 厚，真係薄到透光。食落其實唔係好苦，點埋個蜜糖水食，甜甜甘甘涼涼，幾清新幾特別。😚就算唔鍾意食苦瓜我覺得都會接受到。如果個蜜糖可以杰番d, 應該更加正。✨莆田扁肉湯（$22): 廿幾蚊碗都幾抵食，個湯清清甜甜有d 紫菜味。仲有一粒粒好似mini 版既小雲吞，皮好薄好滑，個饀都唔錯，食完都飽飽地😂✨莆田荔枝肉（$89): 個樣有d 似生炒骨，但個味無佢咁酸，反而有淡淡荔枝既甜味。食落真係啖啖肉，外皮少少脆，唔會太熱氣。荔枝真係好好食，好香甜juicy~~唔夠喉✨薑蔥炒蟶子： 估唔到佢size 係幾大隻，好少食到d 蟶子係咁鮮嫩飽滿勁多汁😍😍😍。索埋薑蔥既香味無得彈，如果有豉椒炒應該仲正。✨鐵板鹽焗蟶子： 鹽焗蟶子都係第一次，呢款size 細隻好多。個鐵板超熱，灘左陣隻蟶子都係keep 住由個心熱出黎🤭。本身有諗過d 肉會唔會好韌，點知食落去係好有彈性，而且個鮮味勁過薑蔥炒，真定食到果蟶子個原汁原味

話說之前聽朋友介紹過莆田呢間米芝蓮餐廳，話佢進跓左尖沙咀美麗華。本身都未有太大意慾想食，點知聽到莆田有個蟶子節，即刻挑起左我既興趣，9秒9去試下先。叫左個二人既蟶子套餐，勁期待！前菜先試左個冰浸苦瓜先。生既苦瓜比較重苦味，但係有少許的甘甜味。口感清爽，都算幾特別。咩叫頭水紫菜呢？第一次收成既紫菜就叫頭水，之後就叫二水丶三水丶四水。頭水紫菜特別幼滑，食落真係特別唔同架！到左我最期待既蟶子出場啦！首先既係薑蔥炒蟶子。每隻蟶子都脹卜卜，肉質爽口，隻隻都好甜好肥美，好正！平時出街食飯都好少可會叫到蟶子，呢碟蟶子100蚊都唔洗，而且質素相當正！推介呀椒鹽XX都食得好多，但係椒鹽蟶子真係成世人第一次食！最爽既係咩呀？就係唔洗剥殼，成隻成隻咁食真係勁爽。而且椒鹽個炸皮勁薄，蟶子入面炸得唔會過老，重好多汁，唔錯唔錯最後就當然要加番D澱粉質先夠夠啦！呢個炒米粉真係好正！同平時大家食過個隻炒米粉唔同。麵質幼好多，而且比較軟身，好索味！兩個大男人食到呢度都飽飽地，幾抵食，唔錯！

過去嘅母親節都無機會同媽子食飯，趁今日早收工就同佢黎呢度補返數食餐好嘅。因為西餐媽子唔係咁啱，所以就帶佢黎呢間之前食過覺得唔錯嘅福建菜館，媽子聽到係米芝蓮餐廳即刻心花怒放。隨桌小食依然係紫菜花生。兩者都香脆同好食尤其係紫菜本身偏厚好適合係菜式同菜式之間隔住黎食。因為得兩個人所以都唔點太多。頭盤點左蝦苗伴頭水紫菜，酸酸咸咸的好開胃。同埋紫菜唔會一夾就散仲保持一定程度嘅咬口，中間嘅蝦米仔更為紫菜提供一陣咸鮮味，連媽子都讚。   之後係冰浸苦瓜。因為近排都無返屋企食飯飲湯，所以點佢黎清下熱同下火。苦瓜切成長薄片除左辟走大部分苦澀外，亦更易入口。甘涼爽脆嘅瓜肉配上少少糖漿，真係好消暑。而今晚嘅主角就係蟶子了。因為佢依家做緊個＜哆頭蟶節＞所以我地就聽侍應姐姐推介，點左以下兩款蟶子菜色，發覺哆頭蟶子比見開嘅短細，但飽滿啲。椒鹽蝦子。炸得咸香酥脆而又唔會太乾，加上蟶子好飽滿所以食落口感十足。同埋有苦瓜墊底所以完全唔使怕熱氣。 另一道係薑蔥炒蟶子，雖則微辣但非常鮮味，因為蟶子炒到啱啱離殼所有汁同水分都仍然係度，所以蟶子肉好爽嫩彈牙，一件接一件咁好快就俾我地消滅左了，好適合用黎配飯食。同埋成餐所有蟶子都

今天終於可以食到想吃了很久很久的米芝連一星的福建菜。門口放著「哆頭蟶節」的廣告，似乎是極力推廣蟶子。福建菜是平常比較少接觸到的菜式，認識真的不多，所以都做了少許資料搜集；吃完真的長知識！*蝦苗拌頭水紫菜($52)頭水紫菜是來自莆田附近的小麥島，一年只可以採十二次；首次採割的紫菜就被稱為頭水紫菜，並只有一星期採割時間；一吃，便知道跟平常的紫菜不同；頭水紫菜的口感柔滑一點，味道鮮香，加上有點帶點的汁；很開胃。*冰浸苦瓜($49)切成2MM薄的苦瓜，用冰震著，很爽脆；再配上蜜糖吃，又苦又甜的，很有趣的口味。蜜糖適逢是「哆頭蟶節」，店員都建議可以點兩道蟶子。*椒鹽蟶子($99)什麼是哆頭蟶？原來福建有一條哆頭村，那裡原生態黑泥放養的便是哆頭蟶。哆頭蟶比平日的較肥和較短。*薑蔥炒蟶子($109)個人覺得比起平常吃到的肉質較鮮嫩。無論是椒鹽，還是薑蔥炒，都非常好食！肥DUDU*興化炒米粉($79)和平時早餐吃的米粉完全不同！興化米粉非常幼，口感綿軟，質感非常好；賣相雖然不是吸引，但配上簡單的豬肉、蝦仁已經很好吃！順帶一提，蝦仁很爽滑，和平常到的非常不同。*茶芥($8/位)*前菜($8/碟)