弘 CHIRASHI (已結業)

阿哥生日我難得豪一豪帶佢食最愛的刺身在open rice見到灣仔間"弘"的食評覺得唔錯未有野食張枱已經放了好多碗碗碟碟首先飲品點了巨峰梳打同青蘋果乳酸梳打有D似藥水味, 個職員見到我地飲完個樣就主動話幫我地換個杯, 咁呢樣野多抵讚GE蝦蝦霸霸二段丼個樣好在氣勢上面是龍蝦肉炒飯~好食! 但到我地差不多食完先知原來職員會幫我地拆個鉗的肉出來.....下層的中間是溫泉蛋, 左手邊是吞拿魚, 右手邊忘記了, 阿哥鐘意食, 比佢負責KO豚強燒我個人麻麻, 因為上面是加茄醬......最後是薔薇二段丼, 賣相唔錯~上層是間八+吞拿魚刺身, 刺身新鮮下層我幾LIKE, 最好食是蟹膏其他是飯素+蟹肉飯和海膽魷魚, 中間是八爪魚刺身, 值得推薦!🤤

經歷左咁多年既生日， 已經覺得生日平平淡淡咁同我愛人過，已經好滿足。由於生日當天係平日，無特別請假去安排啲咩節目，但就認真揀左好幾間餐廳去食個飯慶祝，一般日本料理就食得多，有兩層丼既就應該唔係間間都有，最後我揀左呢間-弘。 去到原來都有好多丼既選擇，我地揀左一個薔薇二段丼、一個海膽溫泉蛋丼、一份銀雪魚 同埋一個忌廉薯餅 (兩個人既食量真係有啲過份..) 薔薇二段丼係我成餐飯最期待既，雖然唔算大份，但成束花靚到真係唔捨得食，單係呢個心思已經抵返哂。好彩唔係得個樣，啲玫瑰花(魚生)都好鮮甜。而下面果層飯，最驚喜既可以話係啲蟹膏，完全無過咁足料同咁新鮮(呢刻我仲回味緊）海膽溫泉蛋飯 呢個飯都係我預期既咁細份，係我地眼中佢就只係簡單一個溫泉蛋飯，唔算有驚喜，海膽都唔係多，但都撈埋都係好食既。銀雪魚 對於一個只係鍾意食三文魚刺身既人黎講，成餐飯佢最鍾意就係呢條魚。肉質好滑外皮脆卜卜，又唔腥又唔會太咸，讚呀!!! 忌廉薯餅呢款就不過不失，炸過都唔油，但食一舊都覺得好罪惡感。

在家對面有一間專門經營日本丼飯的料理店，經常都見到有人在排隊，心中早已暗暗擬定多時，希望能跟喜歡嚐鮮的家人去試下，前陣子大家終可夾齊時間一起造訪一下。店內地方不算大，一貫新派日式食店風格，灰白對比的牆身傢俬，感覺氣派時尚，座位算是寬闊，坐得舒適，倘大的壽司及水吧開放式櫃檯，讓客人盡覽師傅的功架。筆者一坐低已被門前的薔薇海鮮二段丼海報所吸引，早已立定心腸要試一下這美極了的海鮮丼，而家人分別點了極丼和溫泉丼，當然還有其他沙律和小食。薔薇二段丼，此丼分為兩層，上層放了由藍鰭吞拿魚與間八捲成的玫瑰花綻放造型，吸睛度極高，一來到已謀殺了不少菲林，藍鰭吞拿魚赤身魚味濃郁，口感軟嫩甜美；經火炙過的間八鮮美大片，帶點魚脂香，肥美嫩滑， 配上鹹香的三文魚子、甜甜的蛋絲和蔥花，多重味覺享受。底層的日本飯上面放了濃香的蟹膏，鮮甜的蟹肉和香甜Q彈的海膽魷魚，中間還有醋漬八爪魚片， 酸香彈牙。黏軟飽滿的飯粒，配上各種食材，每一啖都鮮度爆燈，各自各精彩，鹹香與鮮甜游走於味蕾之間，口感豐富醉人，讓人一粒飯也不願浪費，鮮香味美。極丼，充滿海洋氣息的一款丼飯，新鮮厚切的刺身完全遮蓋了飯粒，油脂滿滿入口即化的粉色大拖羅、

老老實實，對香港的丼飯從來興趣都不大，因為總是吃不到新鮮價格相宜的丼飯，要去到日本才心甘命抵的怒吃。直至朋友send了這間的二段丼飯相片給我，作為吃貨有點想試，那就去吧。門口貼了大大張海報，介紹薔薇二段丼，疑似是情人節/母親節/父親節佳品，(明正言順「一客三食」？)好吧，我承認「期間限定」4隻字總是特別吸引。馬上就選好了。店裡環境頗闊落，座位鬆動坐得舒服。先來奉上麵豉湯和漬物。薔薇二段丼($298)兩層的海鮮丼，上檯一刻不禁嘩一聲！實在擺得幾靚，(又是上網呃like的時候了，笑)中間是吞拿魚，圍邊有捲成花型的火炙間八，中間包著玉子條和三文魚籽，一整塊入口有半溶的魚脂感覺，初時我以為是油甘魚，不過按圖索驥(看memu)應該是間八。漂亮的花好快就成為我肚中的物。揭開上層的碗，下層原來另有乾坤，原本腹黑的我只為二段丼底層一定「冇咁截」，但這個中間是八爪魚片，圍著有滿滿的蟹膏、蟹肉和海膽魷魚。都是相對貴價海鮮，感覺是意料地落足本，即使兩個人share食亦夠分。個人喜愛海膽魷魚的咸鮮和潤滑彈牙的口感，至於蟹膏、蟹肉亦是新鮮貨色，蟹肉層次分明沒有「粉」感，很好。極丼($178)朋友另外叫了個海鮮丼

最近刺身飯熱潮有增無減，facebook每天充斥住各式各樣的剌身飯實在令人不是味兒。今天與友人難得經過銅鑼灣，刺身飯穩起，便順道去弘大吃一番吧由銅鑼灣時代廣場穿過鵝頸橋街市，行多五分鐘左右便到達弘。坐下不久，已被門口的薔薇二段丼吸引住，話明節日限定，二話不說立即點這個飯另外再點了個價錢較為大眾化的極丼每個剌身飯會跟一碗麵豉湯薔薇二段丼 $298甫上枱吸睛度爆燈，超大堆頭，當然手機先食📸上層的玫瑰花剌身是以油甘魚（間八類)包着甜蛋和三文魚子，再用火槍輕炙。中間的是赤身呑拿急不及待先嚐一口，油甘魚煙韌鮮味，赤身魚味十足，兩種魚各有特色正所謂一朵鮮花送給摯愛，帶媽媽來吃最適合不過。而下層有海膽魷魚、松葉蟹碎和蟹羔。松葉蟹碎上加了日本調味香料，而蟹羔加了薑蓉驅鯹。個人認為由海膽魷魚開始，然後順時針方向品嚐是最prefect的蟹羔鹹香鮮濃，撈起飯來心心眼便出來了極丼 $178叫了個高級剌身飯，平平地加多個極丼。剌身分別有日本甜蝦、大呑拿魚腩，海膽、帆立貝和油甘魚甜蝦爽滑勁甜，海膽厚肉新鮮💯💯💯💯💯大呑拿魚腩，夾起來像塊晶瑩剔透的豬肉，一入口油滋滿捨，好味到不得了兩個人叫了兩個剌身飯，埋單$500

每次遇到不快的事情我總會來弘吃刺身飯，可能因為這裡的飯有治癒心情的能力?🤔 朋友繼續一成不變吃她的極丼，因為有她最愛的赤蝦，帆立貝，油甘魚與海膽，刺身蓋滿了整碗飯。新鮮的油甘魚魚真的很鮮甜，雖然不是最豐富油脂的部位，但是滿滿都是大海的味道。海膽的鮮一入口像吃進整個海洋般，讓人不住點頭稱讚。藍鯨吞拿魚大腩厚度讓人十分滿意，軟嫩入口即化。鮮嫩彈牙的赤蝦，品嚐到濃郁的蝦膏，愛蝦的蝦迷定必喜愛。帆立貝吃起來軟嫩中帶著輕微的彈勁和脆度，新鮮美味沒半點腥味，很優質。日本餐廳必備的味噌湯，用料非常實在，裡面的豆腐，海帶滑嫩，不會太鹹的味噌味，又很香濃，不錯的說。美麗的事物總會令人心情愉快起來，包括這薔薇二段丼。喜歡吃蟹膏，蟹肉的我，對於這薔薇二段丼尖叫指數絕對破表。有別於在其他日式餐廳所吃到的，這裡的刺身除了新鮮之外，而且還給得大方。薔薇藍鯨吞拿魚與間八的綻放，一上桌就很吸睛，是不是很美? 不只好看還很好吃~ 吞拿魚口感非常好，清爽美味。火炙的間八新鮮又大片，配上脆卜卜的魚籽與甜香的玉子，多重味覺享受。蟹膏，蟹肉真的是甜得要命，口感又滑又嫩，舌頭輕輕一頂就全數化成蟹的鮮甜味，也將先前的不快一掃而空。

今天看完戲，經過灣仔，突然想吃日式丼飯，就找上了「弘」我們點了兩個丼，可以share食。*極丼（$178）由珍貴的藍鰭吞拿魚大腩、帆立貝、海膽、油甘魚和赤蝦組成的海鮮丼。藍鰭吞拿魚大腩雖然不是入口即溶，但魚肉沒有筋，很軟淋；帆立貝沾了少許青檸汁，帶出其鮮甜味；海膽形狀完整，而且味道鮮甜，沒有加入過多防腐劑而沾上怪味；油甘魚厚肉，魚味重而不鯹；赤蝦只有一隻，所以讓了給友人吃。*薔薇二段丼（$298）期間限定總是令人忍不住一試，怕錯過了就不能回頭吃。這個薔薇二段丼，無論是名稱，還是實物，都非常有薔薇的形態。師傅將輕輕火炙過的間八刺身和藍鰭吞拿魚刺身，卷成一朵玫瑰花像的刺身花，再以魚子、玉子碎和香蔥點綴。每一朵刺身花，都用上了兩三片的刺身，感覺好像是吃一個刺身拼盤多於一個刺身丼。間八鮮甜不鯹，肉質淋但不帶筋。藍鰭吞拿魚雖不是腩的部分，少了入口即溶的口感，但一樣鮮味，但吃完間八後，覺得魚肉味不及間八濃。而為什麼是二段，因為丼有兩層。底下的一層，就像是綠葉的襯托。不過一點都沒有馬虎，由海膽魷魚、蟹肉和蟹膏組成。 店員建議，先吃海膽魷魚，再吃新鮮拆出來的蟹肉和蟹膏。因為先吃了蟹膏，蟹肉的味道未能真

前排好興既二段丼，今日終於食到，就係刺身丼升級版，由二層刺身飯組成，雙重份量，雙倍驚喜。而家仲有期間限定的薔薇二段丼，好華麗好豐富。另外點了極丼，有齊五款刺身。薔薇二段丼 $298，仲有醃菜及麵豉湯。好有氣勢，有二層的刺身飯。米飯調味恰倒好處，微酸醋飯很開胃又煙韌。上層有藍鰭吞拿魚及間八刺身魚，魚生片卷成玫瑰花形，華麗又美觀，淨講賣相已經夠哂吸引，還有三文魚籽、甜蛋碎及蔥花等點綴，真係錦上添花。呢款白身魚叫間八，即紅鰤魚，魚脂分佈平均，肥而不膩肉質細嫩爽口。藍鰭吞拿魚赤身，肉質爽而結實，魚味較淡。下層中間有醃八爪魚，酸酸地又爽口的八爪魚，正好中和一下肥美刺身的膩。下層還有三款食材，分別海膽魷魚、松葉蟹腳肉及蟹膏的刺身丼，店員細心提我地順序食。先食海膽魷魚，柔軟的魷魚很有咬感，配海膽的鮮甜濃郁味道，真係齒頰留香。再食松葉蟹腳肉，一絲絲蟹肉好鮮甜，最後食蟹膏，甘香咸鮮，而且可以伴勻蟹腳肉同食，味道同質感更提升不少。極丼 $178，同樣都有麵豉湯及醃菜，份量較細，但勝在刺身款多。海膽很大塊，味道甘鮮濃郁，軟滑即化。藍鰭吞拿魚拖羅肥美油潤，油甘魚爽中帶點脆，魚油也很豐富。 帶子嫩滑又大隻，牡丹

每逢情人節都是花店旺季，女士們特別喜歡收到男朋友送來的鮮花，最受歡迎的定非玫瑰莫屬。也許是守舊，個人實在覺得送花之舉不設實際，得物無所用之，與其說是浪漫，倒不如說是浪費。最近發現弘推出了精美絕倫的玫瑰花魚生飯，賣相華麗迷人，像我這種以食為天的女生同樣無法抗拒，能將玫瑰花吃進肚子裏，大概是一箭雙雕之舉，達成收花而毫不浪費的夢想。薔薇二段丼 ($298)上層玫瑰花分別以吞拿魚及鯛魚圍成，玫瑰花本是薔薇屬植物，故此命名為薔薇二段丼。吞拿魚屬赤身，肉質較瘦而魚味鮮明，而鯛魚表層更經過炙燒，配上三文魚子及白飯同吃，視覺味覺皆是滿足。下層三色飯配料分別為海膽魷魚、蟹肉和蟹膏，雖然店員提示順著海膽魷魚、蟹肉、蟹膏的次序從淡味至濃味享用，個人倒是覺得海膽魷魚的味道比蟹肉更濃，大家或者可以嘗試將兩款次序調換。每吃完一款口味的飯後，嚐一口中間位置的八爪魚漬物便能起到整頓味蕾的作用。三款口味當中最令人為之動容的定非蟹膏飯莫屬，蟹膏濃郁帶甘，霸佔每一個味蕾，留在舌頭揮之不去。極丼 ($178)極丼刺身配料包括藍鰭吞拿魚大腩、帆立貝、海膽、油甘魚及赤蝦，不過飯的份量不多，而且略嫌有點硬身。藍鰭吞拿魚大腩油脂豐腴

日本海鮮丼最近在香港大行其道各式各樣各有特式偕朋友下班後到灣仔相聚最新推廣有薔薇二段丼賣相精緻吸睛生魚片都擺成玫瑰的模樣中間深紅色的是赤身魚味濃郁旁邊是用火灸過的間八間八就是我們常見的章紅魚火炙後更多了魚油香下層有海膽花枝蟹肉和蟹膏蟹膏味道極濃郁帶有甘甜味口感細膩粘口配白飯食很配搭中間有八爪魚漬物可以清新口腔另點了極丼海鮮丼帆立貝厚身鮮甜赤蝦新鮮爽口大トロ令人驚喜那種入口即化的魚香是無法用筆墨形容我們二人share分享的味道比獨食來得更幸福

呢日朝早陪媽媽做body check 搞掂之後喺附近食lunch 小妹帶咗媽媽去主打刺身丼嘅「弘 CHIRASHI」環境幾寬敞舒適 可能唔近電車路 人流唔算旺 店內唔嘈 食客傾偈都唔應聲一坐低 店員主動送上熱茶 亦會不時過來refill 服務周到呢度嘅丼飯占咗半本menu 由$88到$2xx嘅都有 款式非常多元化 適逢情人節 餐廳喺2月推出咗「薔薇二段丼」 賣到6月父親節... 有兩層咁多 小妹先order住呢個 唔夠再點每客丼包前菜（甜薑、露筍）和味噌湯 送上餐具嘅同時 仲有埋乾濕紙巾... 放低後馬上再拿多一set碗筷味噌湯不過不失 唔太鹹 細細碗 份量剛剛好好靚！好豐富！望落就快滿瀉兩層都好大碗 齋睇份量確係值$298頂層共有6朵「薔薇」正中紅彤彤嘅係由5片拖羅砌成 每片薄薄地 形狀不規則 應該係手撕 大小不一 酷似花瓣 脂肪同筋都好多 令白飯滲滿魚香其餘5朵「薔薇」亦唔簡單 由三大片火炙油甘魚砌成 加上魚籽、甜甜哋嘅玉子粒和蔥花作點綴... 油甘魚只係輕輕燒過 既有火炙嘅味道 又有刺身嘅質感和色澤下層亦唔簡單 有八爪魚、海膽墨魚、蟹膏和蝦... 下面一樣有飯八爪魚用味噌汁浸住

最近周圍覓食搵下邊度有咩正野食, 準備黎緊母親節帶媽咪食返餐勁既! 經過灣仔呢間日式餐廳, 其實幾個月前都已經黎過, 對呢間既野食印象唔錯, 而正正今日經過, 大門口張貼左一張宣傳海報, 上面寫住父親節、母親節期間限定既刺身飯。賣相幾吸晴, 所以今晚先同朋友入去一試。正正放工時間7點左右, 店內只有幾檯食客...我地叫左兩個set。先奉上味噌湯【薔薇二段丼】HK$298賣相同宣傳海報既一樣, 刺身飯分為兩層奉上, 上層有五朵白身魚卷成花狀, 中間有蛋碎、蔥花、三文魚籽, 白身魚主要為魚腩, 外表稍為以火燒過, 入口有微微既炭香味, 更加突顯到肥美肉質同豐富魚油味。襯托下既主角: 以吞拿魚刺身併成既玫瑰花, 色澤為淺粉紅, 充滿魚香味~ 兩層都係醋飯墊底。下層既有蟹肉、海膽魷魚同埋墨綠色既蟹膏。店員建議下層三款都先分前後次序食, 先食相比下較為淡味既蟹肉, 加左芝麻同紫菜碎, 味道很鮮甜。中間既係微酸既漬八爪魚, 店員建議每食完一款味道就食中間既漬八爪魚, 用以調和口腔中既味道。第二款為海膽魷魚, 口感略帶點爽, 而且很Creamy~最後就係較為重口味既蟹膏, 上面佈上薑蓉蔥花, 沒有腥

弘嘅二段丼口碑一直唔錯，想試好耐，呢日終於成行。門面好和風嘅感覺，環境光猛。佢哋係間專賣日式丼物嘅食店，揭一揭餐牌，無諗到選擇原來都幾多。店員先拎咗味噌湯同一碟調味料嚟，入面有酸薑、漬蘿蔔、山葵等等。極丼，上面鋪咗藍鰭吞拿魚大腩、帆立貝、海膽、油甘魚同赤蝦，刺身份量豐富，甚至將飯都遮住晒。海膽、帆立貝同赤蝦鮮甜、油甘魚爽口、藍鰭吞拿魚大腩入口有油香，另外仲有厚燒玉子、青瓜片同雜菜等等。米飯方面醋味啱啱好，又唔會太酸，質感就比較軟身，不過單食都覺得唔錯。薔薇二段丼，呢個係供應至六月左右嘅期間限定款式，分咗上下兩層，既精緻又吸引。上層用刺身捲到好似幾朵玫瑰花咁，中間淺紅色嘅吞拿魚有魚香，旁邊就係白身魚，仲用咗三文魚子同蔥花等等點綴，加上火炙過，食起嚟有焦香。下層飯面分別鋪咗蟹肉、海膽魷魚同蟹膏，可以各自撈飯食，又或者按個人喜好混合咁食。蟹肉加咗芝麻同紫菜絲等，味道溫和。海膽魷魚有咬口，蟹膏就同薑蓉蔥花相伴，鹹鮮甘香。整體嚟講味道濃郁討好，中間酸香嘅漬八爪魚就可以消滯。薔薇二段丼兩層都有米飯，原本怕太多會食剩，好彩實際份量適中。加上賣相靚，睇得又食得，應該幾討人歡心吧？但係留意返，所有丼物都

從朋友聽說灣仔的弘有特別的二段海鮮丼，雖然對什麼是二段丼沒有頭緒，但喜愛食海鮮丼的我，當然要前去一試啦！餐廳有一個BAR枱可以看到師傅在準備海鮮丼。不過我和寶寶都不太喜歡坐BAR枱，所以選擇了普通的座位。MENU選擇很多，除了主打的海鮮丼以外，還有小食﹑炸物等。而最近這2個月是母親節和父親節的關係，餐廳還提供期間限定的特式海鮮丼。母親節的這個薔薇二段丼也實在太吸引了吧。飲品方面，每日的特式飲品亦會寫在板子上以供食客選擇。--水蜜桃Champagne($58)其實是沒有酒精的飲品，有點像Sparkling Champagne，氣泡加上淡淡的水蜜桃香味，很適合在夏天時候飲用，十分開胃。--薔薇二段丼($268)超豪華賣相超靚的一個母親節期間限定海鮮丼。上面一層是用了吞拿魚的3個不同部位的刺身做成的玫瑰花，而下層主要是是吞拿魚蓉和海膽。先試上層，刺身分別為吞合魚的赤身﹑中拖羅和大拖羅。每片刺身都十分厚身，而且都似是被魚油脂包裹著，十分光澤。赤身大多是吞拿魚背或魚身的部份，所以油脂比較少而又常帶點吞拿魚本身的酸味，味道較濃。這片赤身雖然有一點點筋，但完全不會覺得韌。整塊刺身都十分柔軟，易於咬開