GOPIZZA HK (北角匯二期) (已結業)

未去食淨係 openrice 睇其他食評都已經吸引我想去。 去到果然冇失望呢間我會覺得係Pizza 快餐店，即使一個人去食都唔會尷尬。 地方都裝修得好舒適， 係座位方面比較少。食物主打當然係Pizza, 款式我覺得已經夠。 再加埋啲小食， 加杯/罐汽水， 感覺一流。食物都只係需要等10-15分鐘， 等緊野食期間都見到好多人買外賣， 香港人都真係幾鍾意食Pizza, 佢地既Pizza Size 都係合理，如果住附近，比起自己係屋企買啲急凍Pizzs 焗， 價錢都係差唔多， 緊係食新鮮既好。

以前食親pizza一定凝住係開大餐，因為一個批都起碼有你兩塊面咁大，但有時食飯都想食吓，原來都有韓國過江龍專做pizza lunch set㗎喎究竟韓國人做嘅pizza有冇其他餐廳咁好食呢？其實塊包口感好好，可能因為大家都係東亞人，會整得冇咁硬同乾身（因為歐洲人口水分泌較多，佢地會偏好乾硬嘅餅底，索咁啲口水），反而好綿綿仲有fusion嘢，韓國炸肉mix薄餅，燒汁同pizza本身就好夾，仲有啲青椒絲同菇，好好食呀呢度嘅薯角質感好實，絕對唔係空氣一派幼身嘅薯條，連埋批唔淨嘅薯皮，raw raw地先至係最理想卡邦尼煮得好入味，醬汁好夠，意粉軟硬適中，加上好多菇，食落好香奶香，呢個意粉抵加店員推介近來好受歡迎嘅菠蘿汁，有汽飲落夠解渴最特別係檸檬汽水，揭開蓋就會見到好多粒藍莓呢度對住北角碼頭，有晒落地玻璃㗎，對住個海一流享受啦

話說本人係大神劉在錫嘅粉絲，佢嘅綜藝節目真係睇得七七八八，之前經過北角匯發現曾經出現喺大神主找的韓綜《Sixth Sense》嘅「GOPIZZA」，忠粉當然要出動！睇節目嘅時候就知道品牌於2005年創立，係韓國首創「一人版Pizza」品牌。起初以餐車方法售賣，主要目標係收入唔高且無咩時間嘅大學生，Pizza以一人份為單位且定價便宜，吸引相當多人幫襯。其後，韓國的「獨食文化」令呢款Pizza人氣更上一層樓，除了喺韓國有超過100間分店外，公司銷售額達至100億韓元，事務仲拓展到新加坡、印尼，而依家香港都有啦！主打嘅Pizza有成12款，除了常見嘅Pepperoni、Blue Cheese、Hawaii口味外，仲有韓國口味嘅韓式烤飲同坊間極小可能見到嘅煙肉薯角發煙肉甜薯款式。今次就叫雙人套餐試兩款Pizza，仲有薯條、薯角（需加$5）同兩罐汽水。韓式烤肉薄餅賣相討好，餡料豐富，而餅皮相薄比較薄。有烤肉、菇及青椒，再淋上燒烤醬及沙律醬，醬汁較甜且味道濃郁，令人忍唔住一塊接一塊，將罪惡感拋諸腦後。經典芝士薄餅番茄醬做底，再舖上滿滿嘅芝士，追型好吸引，雖然入口無想像中咁濃厚嘅芝士味，不過都好好味