壹級日本料理 (已結業)

呢排成日落雨，心情都灰灰地呀，好彩有朋友仔帶我食好野，即刻開心晒。原來呢間日本料理都好近大圍站，如果坐巴士，更加一落車就係，美林邨冬菇亭，好易認呢。黑豚肉火鍋超級正，初頭冇留意有，但見鄰枱食緊，非常吸引！一上桌就係一大盤肉和菜，誠意十足，以價錢同質素來講，仲幾抵添，一睇D肉色澤就知有級數，蔬菜翠綠、菇類大大粒，份量多到一次過都放唔晒入鍋，夠晒3至4人食。不得不提此湯底，豬骨濃湯非常惹味，未滾都已經香氣撲鼻，大家一邊食都一邊飲晒D湯了。我地都覺得自己好似食緊日本美食漫畫既料理，因為食材擺盤同刀工真係好精緻呀哈哈！原隻魷魚筒好好味，非常推薦的餐前小吃，軟綿唔黏牙，原隻大大條，不過太好食，好快清晒了。相信刺身係每間日本料理的重點。呢度食到既只有精品，新鮮到不得了。每塊都是厚切毫不吝嗇~口感一流。三文魚、三文魚腩、帶子、北寄貝、赤蝦等。赤蝦更加係珍寶size!超鮮甜！我諗個個黎呢度既都一定要試啊！忌廉蟹肉薯餅即叫即做，香脆熱辣，肉質充盈，幾滋味，值得encore~最後叫左呢個藍旗吞拿魚蓉帶子蟹籽飯，睇相都知帶子有幾大隻，又爽口，呢個配搭無得彈。估唔到美林邨地方不大，竟然收埋一間咁有水準既日本料

今日過大圍搵朋友打機，打完機一齊落樓下醫肚，午市已經好多人，等左一陣終於入座。午市套餐抵食，我叫了一個藍旗吞拿魚蓉帶子蟹籽飯，藍旗吞拿魚都只係$98，真係好抵！加$4有紙包飲品。以午市黎講，都幾抵食。藍旗吞拿魚蓉帶子蟹籽飯好足料，有滿滿的吞拿魚蓉、蟹肉、蟹籽、青瓜絲等，口感極為豐富，魚肉鮮美加上爽脆的青瓜絲，一口一口地吃，尤其滿足！之後再加了焦糖菠蘿，在菠蘿上塗了一層薄薄的焦糖，要落去更脆更甜，工序一定比普通燒菠蘿複雜，心思值得欣賞。仲叫左粟米串燒，份糧多，粟米好新鮮好甜，不過就無咩特別，食完特別飽肚，哈哈！

難得一個好耐無見嘅朋友搬左入大圍約食飯，介紹話美林邨個熟食亭裝修左開左3間新野，其中一間係食日本料理嘅，個朋友知我鍾意食日本野就帶我去試下食。間餐廳環境好大，好多大枱仲要有好多卡位，都坐得幾舒服。燈光就略暗，所以影啲食物相就唔係咁靚，不過食物質素真係一啲都唔差，估唔到公共屋邨開嘅日本料理都會咁有質素。我同朋友叫左2個魚生飯，一客青瓜蟹子沙律，仲有蕃薯天婦羅。份量夠哂數，個價錢仲要相當親民，魚生飯啲魚生大件啖啖肉，仲要真係好有鮮味，真係好有驚喜。如果住喺附近相信呢間真係可以變做長期食堂呀。