Coffee Talks (已結業)

星期六放假行開旺角區, 撞岩呢間餐廳coffee talks, 之前經過幾次都排晒隊, 今日假期可能時間尚早, 人唔多, 等左一陣就可以入坐, 店內店外裝修非常吸引, 好有文青feel, 一個人選擇坐係bar 枱度慢活一下, 望住街外人來人往, 感覺自己真係放緊假, 點左一件藍莓芝士蛋糕, 呢件蛋糕可以媲美果啲大型連鎖店, 芝士味好重, 好好味道, 另外再加左一杯signature coffee 維也納咖啡, 果然好味, 一杯黑咖啡上面加左一層cream 同玉桂粉, 好香好重咖啡味, 不過我覺得層cream 可以再邪惡啲再厚啲, 鍾意飲咖啡既朋友仔絕對要來試下. 整體質素好好, 可以encore.  

復活節假期想出去旺角行下, 始終疫情發生甘耐好小出街, 同友人一齊去旺角 行下, 行到甘上下想坐底hea 下, 朋友介紹呢間coffee talks, 佢之前來過話野食甜品都唔錯, 佢本身鍾意周圍食野, 佢讚得好食既野往往都唔差得去邊, 行到來見到有人排緊隊, 諗住要等好耐, 但係店員又安排得好好, 問我地坐唔坐bar枱,坐bar 枱可以唔洗等, 呢個值得讚,  因為如果要等太耐就唔等啦, 入到去店員服務同招待都好好, 好有禮貌,好快就落埋單, 叫左杯mocha, 藍莓芝士蛋糕同埋杯cappacino, 杯mocha 熱度夠, 同埋朱古力味好出, 44 蚊超值, 最值得驚喜既係件蛋糕, 擺碟用心, 打卡一流, 講真我以為好似starbucks pacific coffee 果啲白色碟一件蛋糕, 睇得出鋪頭用心, 蛋糕味道亦算好味道, 芝士味好重, 唔怪得好朋友誠意推介, 坐左一陣, 見到出面仲排緊隊, 快快走人比返個位人地做生意, 下次出開來一定再來試試, 

係旺角周街都係餐廳嘅激烈競爭環境下，竟然意外發掘一間舒服嘅珈琲店其實我係俾門口嘅擺設吸引而知道係間珈琲店，大至牆上嘅裝飾，小至枱上嘅擺設，都可以睇到店主嘅用心凱薩沙律 (跟餐加$20)足料！足料！足料！重要嘅嘢要講3次！唔講以為我係散叫左正價嘅凱薩沙律份量滿分！新鮮度滿分！沙律菜新鮮爽脆+香脆面包粒同煙肉碎配上芝士粉，真係好好味特式雞翼 (跟餐加$25)有辣有唔辣，最後揀左辣味。雞翼辣得好惹味，略嫌中間唔夠入味。牛油果忌廉汁扒大蝦意粉 $108牛油果控表示大推大蝦有4隻，肉質彈牙！意粉麵質煮到剛剛好！牛油果忌廉汁係靈魂精髓食落好CREAMMY又帶啲淡淡嘅牛油果香味。第一次發現牛油果同意粉咁夾嫁就算凍左都依然咁好味！必食！！卡邦尼意粉 $88最常見嘅卡邦尼意粉要煮得好食並唔容易。依個係我食過最濃芝士味嘅卡邦尼意粉一上枱已經聞到好香芝士味。食落好重芝士味好CREAMMY，又唔會太膩我發覺依間珈琲店嘅意粉都好好味，而且凍左都好好味嫁。LATTE $26 (跟餐減$10)拉花好靚好有心機略嫌咖啡味淡，重奶味。藍莓芝士蛋糕 (跟餐加$25)我最鐘意嘅藍莓芝士蛋糕呀藍莓醬酸酸甜甜，芝士蛋糕口感好濃