茶木‧台式休閒餐廳 (已結業)

在茶木剛進駐香港,都不停在朋友們的FB/IG看到它的厚多士...而我亦一直未能找到願意跟我食台式的朋友<太多朋友鍾情日式可我常常聽到身邊已食過的朋友"下?你仲未食過?我都食左好多次!"或是..."唉~我都成1個月無食過茶木"真是 跟朋友慶祝生日,在尖沙咀東開心唱k後都決定在尖沙咀搵食剛好說起上次在大埔食牛肉麵不錯,又想起尖沙咀有茶木...朋友說"茶木都有牛肉麵!咁不如食茶木!" 終於有得試茶木!!!!座位比較寬闊坐在窗邊的位置1入座就每人1杯水,雖蠻貼心但我跟朋友的碟都是洗得不乾淨我的碟上都有少許燈色點點,而另2位朋友都有差不多的 唯有齊齊抺抺抺...喜歡食牛肉麵我的看過1次menu都立即決定牛肉麵!但原來牛肉麵有香辣和紅燒2款..因為不能食辣所以決定紅燒牛肉麵order不久都很快送到....紅燒牛肉麵面上原來有腌菜!!幸好只是放左在1堆在旁邊,我都立即把腌菜放在朋友的碟上 然後開動!牛肉麵的湯很香很濃郁,紅蘿蔔帶甜,很軟,易入口易咬把牛肉麵的湯都吸收了..牛筋都是很入味,份量有較大件肉質軟軟的很嫩口而麵有點像刀削麵般,是偏粗身的闊條麵

台式CAFE 愈開愈多, 睇左好多食評一直心郁郁想試下有幾正, 今次終於有機會可以試下! 差使朋友6點鐘去拎位, 6點半左右收工岩岩好即刻可以入座!!人多就可以叫多D野食, 一共叫左以下六樣野:台式肉燥豬扒飯大大塊豬扒新鮮炸起, 仲係熱辣辣好juicy! 肉燥都十分正宗, 唔係果隻勁多杰撻撻汁而勁少肉既「港式肉燥」, 當堂感覺好似去左台灣食便當咁!炸雞沙律呢個就比較普通, 新鮮炸起既雞配上沙律, 用日式沙律醋黎調味, 雞肉新鮮炸起, 好多汁, 但唔算話好特別鹽酥雞好有台灣風味, 新鮮炸起既雞粒撈上惹味既椒鹽粉, 正! 好似去左台灣夜市咁!台灣牛肉麵湯底都幾濃, 不過唔係小王牛肉麵果隻有藥材味既湯底, 有少少蕃茄味牛肉炆得幾冧, 麵就十分有咬口, 唔會冧哂爛哂, 不錯!!雞扒蜜糖芥茉手工意大利麵芥茉奶油汁好香好濃奶油味, 而芥末味唔會話搶哂味道! 意大利麵真係自家製作!!佢唔係好似街邊果D咁幼, 反而係似刀削麵有D粗同不規則既形狀! 意粉唔會過淋, 岩岩好完全沾滿醬汁, 好好食! 以呢個價錢食到呢個質素既意粉真係好抵!藍莓香草蜜糖磚塊重頭戲當然係呢個磚塊啦! 大量忌廉噴上磚塊上, 岩哂我

這天約了一位女友人聚舊，選址在尖沙咀茶木，邊吃邊談，點了以下美食：1.藍莓香草蜜糖磚塊 ～    食物中的藝術品，充滿立體感，層次分明，   小棉花糖+士多啤梨 = 很美的點綴，   頂上的綠葉，有畫龍點睛的效果，   隨著雪糕球慢慢地溶滴下來，是時候切開外層的多士了，   裡面附有已切開的小蜜糖磚塊，較熱及軟身，容易食，   多士的邊部稍為硬實，沾上雪糕及忌廉來吃，便能恰到好處，   入口甜而不漏，多士亦被雪糕軟化，   我倆迅速地把整座麵包山吃完。2. 台式滷水拼盤 ～     糖心蛋超正，口感一流！鹵豆腐，黑油雞翼，鴨腎等都好入味3. 水果冰紅茶 ～    很 fresh & juicy，消除了吃完上述兩款美食後的飽滯感4. Hot Cappuccino ～     朋友叫的，她說味道不錯

又是期待已久的週末，一大清早便要空著肚到診所去做身體檢查，幸好能在12時左右完成，碰巧餐廳就在附近，豈料到達時已有不少客人在用餐，店員還說繁忙時間已開始，不能讓我們坐較闊落供四人坐的卡位，被分配到狹小的二人枱。 飢腸轆轆，也顧不了那麼多，馬上翻開有如休閒雜誌般的餐牌，圖文並茂，內容和設計均具心思，加上餐廳的裝潢，裏裏外外營造輕鬆休閒的氣氛。飲品的款式多得令人難以取捨，眼光也不禁被鄰桌那杯滿是果肉、色彩鮮艷的雜果飲所吸引。最後還是叫了一杯最喜愛的珍珠奶茶。在台式茶館喝珍珠奶茶可說是最穩妥之選，個人受不了太濃的茶味，珍珠奶茶則奶味較濃，但又不失茶香，每口滑滑的奶茶都有QQ的珍珠流入口中，可伴著茶味慢慢細嚼。八卦下亦嚐了友人的Mocca咖啡一口，咖啡味給朱古力和奶油中和了，外表固然精緻可愛，跟這裏的洋風休閒格局極為配襯，作為拍照道具的確一流；可還是自己選的這杯珍珠奶茶，才是我那杯茶(my cup of tea)。歎了十多分鐘茶，主食終於來了。鹵水拼盤一向是我喜歡點的台式食品，無他的，能一次過吃盡所有款式嘛﹗先夾起牛展，才吃第一口，便被那咸得過份的味道嚇壞了。碟上明明沒有鹵水汁，為何每款鹵水

今日相約朋友慶祝生日，本想食個high tea，但係適逢復活節假期必定無位，所以就提議試試極具人氣既茶木喇!  因朋友要從觀塘去尖沙咀需時，所以我先去攞飛等位，我2:30到達攞飛，只係等12張，唔算誇張，所以一路等朋友黎一路等位~等左20分鐘左右就到我，但要人齊先入得，朋友又未到所以要繼續等! 終於等到朋友到喇，order完之後好快就有飲品送到~飲品方面揀左綜合水果茶、熱水果花茶，橙汁底既綜合水果茶，雖然名字係茶，但唔覺有茶味，只係有橙汁味，當橙汁飲的話味道不錯~而熱水果花茶，我無飲到，據朋友話茶裡無水果味，加入糖槳先有味道，可要求再加茶。食物方面叫左紅燒牛肉麵同草莓香草蜜糖磚塊。紅燒牛肉麵 - 先飲一啖湯，超級香濃! 牛肉十分稔而且唔痴牙，有種入口即溶既感覺! 紅蘿蔔同白蘿蔔好入味，麵條亦算煙靭彈牙。絕對是驚喜之作! 另外，當然要試試名物藍莓香草蜜糖磚塊，雪糕配上塗上蜜糖既多士，有d硬，下層多士因無蜜糖，比較乾，要點雪糕先鬆軟返。份量算大，適合3-4人食，我地兩個女仔差唔多食淨半個，不過味道尚算不錯~ 總括而言，食物味道比飲品好，與咖啡弄比，應該會係茶木更勝一籌! 下次仲會繼續黎~

尖沙咀雖食肆林立，但除非早有計劃，否則到尖咀總覺搵食艱難。要不是去消費較高的餐廳，就是要大排長龍。今天看完另一Oscar好片《續命梟雄》，一行三人特意走到加拿芬道的 茶木餐廳 試試。餐廳裝橫主要以木為主題，明亮光猛。餐廳的櫃枱及牆上都有木製或深棕色的仿古裝飾。如既優雅又撲實的舊式收音機，木桶，古鐘，厚皮書和鳥籠形牆飾等。餐具以農莊用具為主題，盡顯心思。很欣賞餐廳這樣的設計，因為能在明亮的環境展現各種裝飾還能保持整潔，必需更多心力吧。如店中植物可用真的便更好 。三人共點了三個主菜和一個甜品。最近自己在家亦有煮卡邦尼意粉，所以都會故意點類似菜式研究一下。於是點了奶油芝士培根雞蛋手作麵。期侍會有卡邦尼意粉的煙燻肉香及蛋黃美味。可惜奶油，芝士，培根和雞蛋的味道都沒有 －失望 。但手作麵的質感還算彈牙軟滑。另外一道菜是 嬤嬤煮胡椒豆腐。豆腐外層帶點香脆，內裡嫩滑。胡椒及麻辣味濃郁，十分開胃。豆腐以白色的瓷器盛著並以蠟燭保溫，能讓胡椒及麻辣味更出色。用來送飯一流！第三道菜是鳳梨甜酸肉。甜酸肉放在菠蘿皮之上，淋上酸甜汁，再圍著起出的新鮮菠蘿肉。單看顏色已讓人垂涎。肉質柔軟兼有肉汁，酸酸甜甜，十分

早前咖啡弄進駐香港, 它的成功或許引起一鼓"台風", 台式CAFE應運而生, 而"茶木"或許就是其一間較早前看到茶木的食評已被它的風格所吸引, 休閒而明亮的裝修, 賣相精美的食物, 雜誌式的MENU...碰巧上星期和朋友於尖沙咀飯後想飲野, 終於有機會一睹它的風采!!!我們九時許來到茶木, 全場爆滿,門口仍有唔少人等位, 四人枱等了差不多四十五分鐘才入座雖然有點耐, 但比起咖啡弄要等個半鐘以上, 茶木已算是十分平易近人之前看到蜜糖磚塊幾乎是必食推介我們便點了藍莓香草蜜糖磚塊($68)蜜糖磚塊的賣相很有心思, 上面是雪糕,果醬及藍莓下面是三層厚多士組成的磗塊和MENU的像真度100%磗塊烘得脆脆, 再沾上蜜糖及雪糕, 好味道!作為飯後甜點, 它的份量也算頗多, 四個人(女)分享一個剛剛好另外我們還點了凍咖啡巧克力($28),兩壼熱水果花茶($35)及一壼洛神冰菊茶($35)凍咖啡巧克力的賣相也十分吸引, 質感像沙冰一樣, 咖啡味淡淡的熱水果花茶的份量偏小, 只可斟約兩小杯, 水果味及花味偏淡, 基本上和一般茶沒太大分別同樣, 友人的洛神冰菊茶沒什麼洛神花味或菊花味, 和一般茶沒太大分別期