野川拉麵の深燒食堂

营业中

休息中

餐廳選擇非常豐富，不論是拉麵炸物串燒甜品酒類都有，而且有提供不同套餐折扣，來到這間拉麵食堂，當然要點拉麵啦拉麵可以選濃豬骨湯/芝士湯/芝士辣湯，每碗拉麵包含飲品和沙律，非常飽肚我們轉了濃豬骨湯，味道沒想像中鹹，蔬菜拉麵沒有傳統的肥膩是輕盈之選。炸物選擇非常多，我們點了炸椰汁球和濃芝士薯餅試試，除了香甜的椰汁外，裏面還有粒粒蒟蒻，口感很彈牙。而芝士薯餅比較大件，剪開一半後流心芝士可以拉絲，非常邪惡，芝士味適中。吃了這麼多炸物，我們都開始覺得口乾，於是便看看飲品，菜單中可以看到大部分都是日本地道的品牌，甚至有榴槤梳打，我們最後點了蘋果梳打水，他們把梳打水樽倒插在啤酒杯上，我還是第一次看到。最後還點了柚子芝士蛋糕配綠茶雪糕，襯托得非常討好，綠茶香味非常清新，配搭上鮮甜柚子味剛剛好這間餐廳非常抵食，希望可以在其他地區多開幾間分店吧！

平日同朋友放工食晚飯，想食日本野，又唔想食太貴，就上網搵左呢間餐廳試吓。一去到就有得坐，唔洗等位。餐廳嘅裝修新穎，有工業風格，啲椅子係汽油桶嘅樣，牆壁係貨櫃咁嘅裝飾，幾有特色。我地三個人坐左四人卡位，空間足夠，坐得舒適。同其他枱嘅距離足夠，出入唔怕撞到人。食物方面,我哋叫咗叉燒拉麵、只是叉燒烏冬,燒牛舌,芝士燒扇貝。飲品方面，我哋叫咗兩枝綠茶汽水，一枝蘋果梳打。叉燒拉麵賣相正常，湯底係豬骨，夠濃味，叉燒雖然唔係厚切，都唔會太薄，而且質地稔，又多舊。麵質啱啱好。芝士叉燒烏冬，賣相一般，有一塊芝士放喺烏冬面上。本來以為只係裝飾，會冇咩芝士味。但係湯底喜出望外，除咗有豬骨味之外，芝士味都係出乎意料之外地濃。叉燒嘅品質保持水準，好好味。串燒都有驚喜，燒牛舌好香黑椒味，質地啱啱好，爽口但咬得開。芝士燒扇貝同樣好勁芝士，裏面唔會好似一般放題食到嗰啲，好大pat沙律醬，比想像中好食。飲品方面，冇諗過賣相會咁靚，本身以為只係普通梳打。朋友就話綠茶味汽水其實唔係好重綠茶味，飲落都係汽水味為主。我叫嘅蘋果梳打味道正常。整體來講，服務良好，上菜速度快，食物有水準，價錢得宜，人均消費$100左右，性價比高。下

元朗又新街，元朗最多美食林立既『食街』之一。今日同老婆係呢邊搵食，係又新街行下行下，見到呢間門面幾有趣既野川拉麵，咁就行入去試吓啦。我哋入去嘅時候係下晝四點，唔使等位直接入咗去坐。佢鋪頭入面嘅裝修都幾特別，啲擺設都幾有心思。我哋叫咗兩個拉麵，一個叉燒拉麵，一個燒雞拉麵，另外仲叫咗啲小食，包括有燒雞皮，燒雞軟骨，芋頭丸子，蒜蓉燒生蠔。等左唔使5分鐘，嘢食就陸續上枱。首先講個拉麵，豚骨湯底唔錯，叉燒同燒雞都好好味。佢啲小食都好唔錯，尤其燒雞皮，好食到我要encore。另外我仲叫咗日本蘋果梳打，真係幾好飲。而且當我睇佢餐牌嘅時候，發現佢原來夜市仲有魚生同埋生蠔，下次真係要過嚟呢間深宵食堂食返個宵夜先得。

男友話要食拉麵又想喺屋企附近食，揀左哩間成日都經過嘅野川！男友杯巨峰梳打😍😍😍好好飲呀！咁樣送到仲好靚，相機食先☺️☺️我杯蘋果梳打，附近啲食客有兩三枱俾佢吸引左都加單😂😂😂😍😍😍真係好好飲，下次哩個一定會再叫！見到有帶子刺身，忠粉如我當然會叫啦！厚切鮮甜，仲要唔貴，好抵食☺️☺️☺️炸魷魚鬚，男友好中意，我反而覺得有點熱氣，可能我本身生左痱滋試唔真😅😅😅芥末榨菜雞腎，好淋好入味，我好鍾意呀！❤️❤️蒜蓉焗蠔，我果隻咁岩有蠔殼，扣左少少分，但男友果隻冇，佢又讚不絕口🤣🤣🤣黃金焗扇貝，讚讚讚，哩個好好味😍😍😍終於到主角，照燒雞扒拉麵係我嘅，豬骨湯底好味喎，隻糖心蛋做得好好❤️❤️❤️男友要自家製叉燒拉麵，佢個叉燒整得好好呀！😍😍😍😍

今晚終於可以放低仔女，同老公拍拖出街食飯鬆一鬆～朋友介紹我地去元朗食磯燒海鮮同拉麵～所以今晚一於試下～店鋪唔算大，等左10分鐘先有位～坐底後望望menu，我地order左磯燒拼盤$328，內有蝦、扇貝、蜆、蠔、蟹蓋、蟹羔粥⋯另外，又order左一碗野川稻庭烏冬及燒雞泡魚干～首先黎左個野川稻庭烏冬（地獄湯底），好好味，十分足料～而磯燒雞泡魚干，十分香口，配埋沙律醬，磯燒拼盤係二人份量，都多野食～燒蠔肥美燒蝦大隻，有一支木筷子咁長～而蟹蓋配埋鵪春蛋攪混燒，好食清酒煮蜆，非常鮮味～～最後黎蟹粥，本身係白粥，一邊煮再放蟹羔、蠔等材料入去，味道夠鮮