喜萬年酒樓

营业中

休息中

上次約左吖媽，今次約左吖爸，細佬係鉄腳，一齊飲茶，試真啲，一次過寫食評！之前見到OpenRice 有人分享左蛋散既相，被給引左！而第二次係專登去食返上次既雞翼，食多次蛋散😂蛋散：好正！好鬆脆得黎唔油！蜜糖甜，芝麻香。雞翼: 上次細佬order完，今次續攤。好好味。生炸雞翼，外脆內juice , 再加上蜜糖。食過返尋味😋蝦餃: 正常，啲蝦都大隻，我鐘意傳統白色蝦餃皮多啲。豉汁蒸鳳爪: 正常蝦醬蒸鮮魷: ok 👍 牛肉腸: ok 👍 都滑春風得意腸: 入面係炸脆脆同大蝦🍤，好食香煎蘿蔔糕: 未試過食啲甘散既蘿蔔糕。一夾就散，夾唔起😅味道一般般，個廚師煎唔散個度好功夫。

每次都非常期待到喜萬年食晚飯，因為對她有信心。今晚菜單：乳豬全體- 夠鬆脆七味脆皮豆腐- 味道好，皮夠脆Ok 蜜薯鮮鮑魚- 新鮮配搭黑蒜螺頭燉竹絲雞湯 （忘記拍照）- 非常夠熱、很甜、很夠味百花炸釀蟹鉗- 傳統好味，彈牙蟹鉗蝦子柚皮炆鴨掌- 鴨掌柚皮夠淋黑白胡椒焗海蝦- 蝦夠新鮮，入味魚湯浸菜心- 白色的魚湯重魚味，好味，菜心淋甜雞蛋焗魚腸- 有很多魚腸、陳皮，但可能已是夏天，魚腸沒香味，整體比較淡古法鹽焗雞- 不錯，有雞味，咸味合當籠仔荷葉蒸蟹飯（忘記拍照）- 蟹新鮮及甜，但飯較淡雪菜肉絲煎米粉（忘記拍照）- 利申：太飽，吃不下，但朋友說很香口西米布甸及蛋散- 一定不可錯過的甜品，正西瓜- 夠甜、新鮮、夠凍、夠水總括：材料新鮮、味道合當、上菜時間好、服務好一如既往，食物好👍🏼，沒有失望！

喺灣仔番咗好幾年工，一直以為想飲茶冇咩選擇，點知仔細再搵搵先發現哩間老字號嘅存在，一食發覺咁出色，當然要寫番篇食評推介吓啲心水點心小食啦 (特別係發覺眾多食評大部份都係介紹緊佢嘅晚市食物)~首先係佢嘅🥨蛋散蜜芽糖夠重手唔怕一邊有糖一邊冇，仲配上香香嘅黑白芝麻🥰再嚟就係🦑酥炸魷魚鬚佢嘅炸皮夠晒薄，有別於平時喺其他茶樓食到嘅炸皮，哩度嘅比較鬆化，唔係好實一大片咁，更唔會覺得成口粉咁～然後就係佢嘅🍯蜜糖黑椒雞中翼唔好睇佢係普通炸雞翼咁簡單，隻隻夠多肉漲卜卜不突止，仲要炸完都非常juicy，加上調味甜得嚟幾惹味，係估唔到傳統茶樓會出現嘅出色食品。估佢唔到嘅仲有哩個🥘咖哩牛筋腩煎米粉米粉煎好切成好幾份好方便分食，再配上微辣嘅咖哩牛筋腩，脆脆地咁十分滋味除咗上述嘅介紹，仲有🦐蝦餃燒賣等必食點心都做得好好~件件都king size再加埋大大隻蝦仁，十分足料！總括而言，食物味道好，坐位唔會太迫，上菜又快，下次lunch hour想飲菜要再嚟先得！