瑞記咖啡

营业中

休息中

返工前想嘆個靚早餐，見都可耐無食瑞記就過嚟食個早餐先～早餐完全唔使等位，落單到有嘢食唔使十分鐘!平時嚟哩度就係想飲佢個樽仔奶茶，不過最近天氣涼咗，所以今次就決定飲熱奶茶奶茶好滑，少咗樽仔奶茶浸甜味但係都幾香濃，有另一番風味！西多士嚟到嘅時候真係好心動!我唔客氣啦！！啲煉奶簡直係精髓軟棉棉嘅西多士配上蛋香，又唔會太油!正！千祈唔好睇小依個份量，我同朋友都食唔哂！蛋牛治登場啦！！睇吓塊麵包就知烘得啱啱好！一定要趁熱食！餡料入面有鹹牛肉、蔥花同蛋,調味好到位，滿足！哩個早餐真係食到捧住個肚腩走，到lunch time都未話好肚餓！十分抵食！

友人介紹樽仔奶荼, 就來一試.係上環街市2樓, 易搵易去, 而且有冷氣, 茶記得講坐得好舒服.- 樽仔奶茶(凍) : 用汽水玻璃瓶裝奶茶, 好處係可以耐凍, 支野飲唔會甘快變熱. 另外唔加冰, 原支雪凍, 呢d功夫好要體力, 味道方面, 奶茶味特濃, 又香茶味, 入口又滑. 最正係夠凍, 夏天一流啦, 熱氣全消.- 蛋牛治 (烘底) : 方包較厚身, 而且烘得平均又夠脆身, 好抵食. 蛋牛治用上咸牛肉, 咸味剛好, 夾雜住蛋汁, 真係停唔到口.- 西多士 : 冇花生醬既, 比較普通, 但蛋汁較多, 唔太脆軟綿綿, 配煉奶一流.2支飲野, 2個野食, $59, 價錢ok, 食得開心舒服, 伯伯仲好好人.