來德好蝦麵廚房

营业中

休息中

朋友告知出品不錯，就過來食第一次，本人已喜歡這間食店，沒有口渴（無味精）味道非常好，其中有兩味餸菜是有湯的，我們都飲了很多碗，大家都認為是真材實料的又美味，食完後大家講出會再來，老闆好有心，知道第一次親身出來向我們介紹一下新加坡美食，好有親切感，西貢有這間用心經營的小店，要多來食下其它出品以前在西貢食飯，多數會到海鮮店，其實西貢都有其它這特色食肆，嚐到另一類美食，得知餐廳會為顧客煮海鮮，一間店舖有幾類型食物出品

閒日同朋友係西貢行完山，西貢西餐廳就特別多，但新加坡菜既就少有。聽西貢地膽朋友介紹話呢間唔錯，唔係佢介紹，都唔知呢度有間主打新加坡菜既餐廳，因為門面裝修比較平凡，之前搵野食既時候經過都冇乜為意，真係隱世！蛋黃雞翼（例）：岩岩炸好熱辣辣，一上菜就聞到好香，蛋黃夠多，夠入味，唔會好鹹馬拉盞抄四大天王（例）：好惹味有秋葵、椰菜苗、四角豆、臭豆將四種唔同口感嘅蔬菜豆放埋一齊👍🏻個人最鐘意秋葵月光炒麵（原本配炒粿條，但賣哂）但轉做炒麵都咁好食唔小心影低就食左一大半😅生蛋汁液同麵撈埋一齊，麵變濕潤 但唔係淋加配菜炒得好香，但豬頸肉比較少，太細條，好似肉絲咁。脆皮金磚 （自家制豆腐）新鮮炸起、外脆內滑！好鐘意呢種外層，唔油、乾身地好香脆可口食到唔停口😛肉骨茶（中）：不過不失，唔算好濃，但起碼唔會飲完想飲水既味精味豬骨都幾多幾大舊

西貢食晚餐，好多人都會選擇食海鮮，不過其實另外有選擇，不妨一試。來德好蝦麵廚房，係街坊餐廳，價錢唔貴，但係選擇多樣化，今次點選了炸黃花魚、冰鎮咕嚕肉、蛋黃雞翼、蟲草花杞子冰豆腐、小炒皇、油鹽水蜆、椰菜苗炒肉碎、杞子鳳美蝦浸時疏，當然唔少得招牌蝦麵同埋手工麵。整體來講，店舖較細，坐位有點迫，但樣樣菜式都係平均好吃，有份大、中及例牌，2個人過嚟食都可以叫3餸，一大班人亦夠食。上菜速度很快，但絕不馬虎，店員雖然忙碌，但仍然有禮！街坊小菜，值得多多捧場！

星期日一大班朋友五點幾玩完水上活動，由其中一位朋友介紹嘅餐廳，食完令人喜出望外，真係幾好食。我哋去到仲早即刻有位，坐舖頭出邊食飯時一直都見到幾多人等位。八個人叫咗蛋黃雞翼，海南雞，麥皮大蝦，南洋炒飯，招牌蝦湯麵，馬拉盞炒通菜，冰鎮咕嚕肉。蛋黃雞翼👍係單骨嘅雞翼，食嘅時候好方便，而且個蛋黃味鹹味啱啱好。麥皮大蝦啲蝦炸完再痴左啲麥皮上去，而麥皮食落去都係脆脆地，雖然炸過嘅蝦有啲油，但加番麥皮感覺健康左。冰鎮咕嚕肉👍一整好即刻上菜，雖然要等一段時間，但係食落舊咕嚕肉入面仲係熱辣辣，入面舊肉肥瘦啱啱好，唔會話揸得太乾或者太肥好油膩。最出面嘅皮冰鎮後真係好脆。比其他嘅餐廳有水準。招牌蝦湯麵鋪頭名有蝦面兩個字，相信招牌蝦湯麵應該係餐廳最推薦嘅菜，所以對佢嘅期待好高，以為佢嘅蝦湯底會好濃郁，不過食落去叫做普通，不過不失。海南雞👍叫咗一隻雞，不過分開兩碟上，去晒骨，雞肉都叫滑幾好食。南洋炒飯叫左少辣都有啲啲辣，飯粒炒完粒粒分明夠乾身，好食。而馬拉盞通菜炒得好入味好好食。整體來講大部分食物都好有水準，以後去西貢唔使一定要食海鮮啦。

仔仔最近吵住去沙灘，趁呢幾日唔太熱，我哋週末特登去西貢坐下船食下野。玩玩下已經夜，坐尾班船到西貢碼頭。唔想食海鮮，唸起朋友介紹呢間，去到已經坐滿晒人。係門口研究菜單，發現少有的鹹蛋黃菜色。一家三口叫左三個菜，三百幾蚊好實在。福建蝦麵湯底唔夠濃，蝦味唔夠。牛肉好食，份量較少，麻辣味送飯一流。蛋黃雞翼值得讚，將雞翼分一半切好再炸，方便食用，又夠味。夜晚7:30左右已經賣晒海南雞。值得再去食，下次想試下海南雞、蛋黃大蝦、冰鎮咕嚕肉。

上個星期六, 去了香港地質公園, 觀賞奇巖怪石, 美不勝收. 令人心情愉快! 晚飯時間, 也要把快樂延續.因為看了某飲食雜誌的強推, 所以來西貢遊玩, 捨棄遠近馳名的海鮮餐, 要來這裡一試!招牌蝦麵 ($60)招牌蝦麵的精萃, 在於其蝦湯中. 湯底是豬骨湯, 加上十斤的海蝦頭熬製而成, 飲落去是非一般的濃厚, 令到嘴唇黏黏的, 好像吃了幾十隻蝦的蝦膏似的. 而且湯底不加味精, 喝罷沒有口渴感.麵條是油麵, 是以自家秘方, 並交由本地廠商配製, 口感特別爽口彈牙, 沒有一般油麵的鹼水味及油膩感.海蝦亦是新鮮貨, 隻隻都是由老闆娘親自挑選, 肉質爽彈, 味道鮮甜, 絕不霉身.另配上酥脆彈牙的蝦膠釀豆卜及爽口彈牙的魷魚圈, 還有邪惡但超好吃的豬油渣, 吃一碗已經相當滿足.比起好多店子只以幾隻蝦, 幾塊豆卜款客, 來德好的蝦麵有誠意得多.蝦麵每日限量一百碗, 手快有, 手慢冇啊!蛋黃雞翼 ($78) (例)雞翼已拆骨, 可以把雞翼全部的肉都吃掉啊! 非常方便!用鹹蛋黃炒雞翼, “黃沙”把全隻雞翼包裹著, 呈現金黃的顏色. 食落香脆之餘, 亦有蛋黃的鹹香, 惹味至極.月亮炒粿條 ($52)說穿了