丸亀製麵 (iSQUARE國際廣場)

营业中

休息中

其實呢間店我都經過過好多次 但每次都冇入去食 因為總係比其他野吸引左 加上本身佢個舖面冇乜太特別令我想入去嘅衝動（太似food Court ) 今日同男朋友出開尖沙嘴 佢話呢個好食 同佢去左試 估唔到 原來佢係有啲日本傳統烏冬店嘅感覺 搞到我又好想去旅行啦！入到去門口點餐 自己拎餐盤 廚房會即刻係您面前煮 之前隔離會有小小炸物 自助形式去簡 再推過去收銀前面就有關東煮 成個流程都係自助式 所以佢可以做到4x一碗烏冬應該咁解點左蕃茄牛肉烏冬 湯底比較「傑」同埋酸 我就一般 男朋友就話好好味 另外點左蜆肉烏冬 呢個湯就真係好濃味 每一啖都係蜆嘅味道 同埋蜆肉唔會煮到老哂 仲係好有口感 不過食到尾都係有小小鹹 另外加左腐皮 甜味重 但都可以叫多左一個口味去食烏冬另外炸物點左牛肉薯餅 炸魚 魷魚 味道黎講可以 炸到好脆 但因為放出黎自助去夾 就變左會凍 最後關東煮點左福袋 墨魚棒 同蘿蔔 福袋入面係蛋同蟹籽 墨魚棒普通正常 蘿蔔唔夠林 有啲澀

喺尖沙咀做完gym，約咗朋友短聚食個輕盈嘅晚餐，於是就去咗isquare 幫襯丸龜製麵。買野食係採取半自助形式。入到餐廳，首先同職員order 你想食嘅烏冬，佢就會即刻煮碗烏冬俾你，然後可以喺隔離自己揀d天婦羅或者飯團，再喺汽水櫃攞野飲，最後一次過俾錢。我就食咗個新推出嘅清湯蜆肉烏冬，唔好睇烏冬細細碗，入面有成十幾廿粒蜆肉，好抵食，而且烏冬十分爽口彈牙，湯充滿蜆嘅鮮味，真係好正。😍😍😍有朋友就食咗腐皮烏冬腐皮幾新鮮甜美，配烏冬簡直一流，加埋鰻魚飯糰就啱啱好喇。😋兩人加埋都係100蚊左右，真係好抵食。下次口痕想食個light 嘅餐，得閒一定會再幫襯！👍🏾👍🏾

睇完戲，十點幾，得呢間嘢開， 烏冬平平地， 夜晚做宵夜最啱除咗烏冬之外， 仲有好多小食可以自己選擇， 包你可以食得飽期間限定嘅蜆肉烏冬， 真係好多蜆， 都幾鮮味， 一個略為鹹咗啲。反而豬軟骨烏冬啲豬軟骨好軟好入味。呢個價錢呢咁樣嘅質素，都算中規中矩啦