醉潮館

营业中

休息中

今次呢間餐廳真係要大讚，呢度每一款小菜都做得勁出色，食得出每一碟餸都有用心去煮，而家價錢仲要唔貴，絕對係潮洲菜/中菜嘅世一，今日食呢4個菜我都覺得係必點。🧇傳統鴨蛋煎蠔烙 $88超足料勁多蠔仔，而家仲要係夠肥美嘅，蠔餅炸得勁香脆，鴨蛋味都好香，蠔餅最中間嘅位置蛋香味更加濃郁。🐥紅燒籠中乳鴿 $68水準高到我覺得自己食緊乳鴿專門店，隻乳鴿皮係脆到咬落去會有聲，而且仲好juicy超多肉汁，乳鴿又夠大隻啖啖肉正。🧆蜜桃咕嚕肉 $88咕嚕肉唔會太肥太瘦岩岩好，咕嚕汁都一樣岩岩好包住肉就夠，酸酸甜甜等黎又唔會太酸，而且用上蜜桃比起平時菠蘿更夾。🥩蜜椒脆薯牛仔粒$128好有鑊氣上菜熱辣辣，蜜糖同黑椒嘅味好出，牛仔粒唔會韌，最特別係用炸薯粒，勁香脆又吸收晒其他食材嘅香味。

醉潮館係荃灣三坡坊入面一堆潮州打冷鋪入面既其中一間。同傳統潮州打冷鋪唔同，呢間裝修感覺古色古香咁，而且菜單都有設計過，佢有本菜單叫「本草湯目」😂入面係佢啲燉湯。呢度坐得比其他打冷鋪舒服，而且菜式都有好多新穎啲既，有興趣可以黎試下！ 1⃣️金湯酸菜魚（$128）入面除左魚片之外，仲有啲芽菜同辣椒粒，但係個人覺得呢個酸菜魚🐟味道比較普通，夠酸味，但係味道比較單一，而且入面既配料都比較少，通常酸菜魚入面都有薯粉，但係呢度都冇😕  2⃣️椒鹽九肚魚（$88）九肚魚唔係好食到骨，炸得夠曬脆😋面頭仲有好多炸蒜。  3⃣️牙籤雞（$58）呢個係比較特別既菜式。啲雞粒真係一粒粒用牙籤拮住😲面頭鋪左啲麥皮先炸，食落好脆好香口，雞肉入面仲一啲都唔乾！  4⃣️小米餃（$42）細細粒一粒，外皮好煙韌，一啖一粒啱啱好😋  5⃣️鴨蛋煎蠔烙（$88）食親潮州打冷我都一定會嗌蠔餅🦪個蠔餅勁脆唔油，點埋魚露或者辣椒醬食一流！而且入面既蠔仔大大粒，都幾多添！  6⃣️芥末牛仔粒（$108）牛仔粒好juicy🤤面頭既芥末醬比想象中嗆鼻，食落好正，夠曬刺激，而且牛柳都炒得好入味！  7⃣️雪裏紅蝦干芥蘭煲（$88）入面除左芥蘭之外，仲有啲蝦乾同埋肉

醬鹵拼盤 ($138) 有五花八門既鹵水野，豬耳、魷魚、紅腸、豆腐、豬腸、腩肉、韭菜、鴨蛋，超豐富呀! 鋪到密麻麻，超抵食 ☺香辣魚仔炒花甲王 ($108)花甲唔辣，但食D魚仔真係要小心 😎 係刺激味蕾既超辣魚。花甲好新鮮，又大隻，全部開晒口，好味 👍🏻蜜桃咕嚕肉 ($72)極品! 普蒂既一碟蜜桃咕嚕肉都可以令我地讚不絕口，D肉大大舊，炸粉好薄，多肉冇骨，醬汁收水唔會漏，蜜桃同豬肉比例岩岩好，D椒唔大陣椒味果下真係 💯

三陂坊比人既感覺就係好多大排擋 但係我地今次食既呢間潮洲菜館就同以往食既好唔同 裝修幾靚有特式 又坐得舒服😌雖然裝修靚左 不過睇menu價錢又差唔多無特別貴👍🏻 我地就叫左幾個小菜同小食試下 先泥比較特別既小食 我地揀左紅燒籠中BB鴿子同小米餃😆 BB鴿放係籠入面上菜打卡真係幾得意😂 size的確較細 所以背部都入哂味唔駛再點其他調味 而小米餃幾特別 新鮮蒸好熱辣辣 外皮超煙韌 肉饀又夠濃味 連蠔油都唔駛點😋小菜我地就試左椒鹽九肚魚 蜜桃咕嚕肉同鐵板雙蔥燒豬腩肉🤤 3個餸都份量十足 九肚魚唔會好鹹 肉質嫩滑😋 咕嚕肉大大件啖啖肉 酸酸甜甜調味剛好好開胃👅 鐵板雙蔥燒豬腩肉用鐵板上 熱辣辣超夠穫氣 好香口惹味👍🏻 呢到岩哂想食打冷又想同朋友坐得舒舒服服既你地🌟

餐廳格局大致冇乜太大分別，同以往差唔多， 餐牌睇得出改名都用咗啲心思 ， 餐牌 設計nice ，中式feel.... 盅湯方面今日得花膠燉雞湯，所以冇點到。點左菜後，上菜速度驚人，好快就炒完， 咁多餸菜前後相隔十分鐘 ，今日點咗一碟湯，兩碟小菜 ，一碟炒飯， 一碟小食胡椒豬肚湯 88hkd豬肚分量都幾多，冇腥臭味， 胡椒味非常重。蝦乾炒通菜88hkd蝦醬重手， 一上菜成碟菜汁 都用到 踴躍出嚟 ，好似噴泉咁熱， 好難想像廚師點樣做到呢個效果。蜜桃咕嚕肉 72hkd蜜桃用咗罐頭蜜桃去做， 咕嚕肉外皮鬆脆炸得幾好， 最鍾意食佢嘅洋蔥 ，唔會太生唔會太熟。牙籤雞 58hkd呢碟最好食， 雞外層應該用咗麵包糠去炸， 雞肉已經一早醃好。 分量都幾多，第一碟上檯，炸得好快。潮式炒飯 78hkd炒飯夠鑊氣，唔會太鹹 ，適中味道，足料。