廚尊

营业中

休息中

第一次光顧這裡，很久以前在報章知道這是社企項目，上海街非常近旺角港鐵站，食後評價。。。食物 試了 蝦叻沙，新加坡炒蘿蔔糕，兩樣味道唔錯，南洋咖啡（熱）沖時已經落奶，糖，所以如果想少甜，落單嗰時講清楚，價錢不算平宜，服務因工作人員背景，不能苛刻。㕑尊為各類殘疾人士創造就業機會，包括精神病、肢體殘疾、 智力障礙等等。確實心存感恩，香港需要更多這些良心社企，非常值得支持，下午茶時分，客人不多，有冷氣高樓底舒適環境（當然沒有豪華裝修），坐幾耐都得，傾計聚會好地方。香港㕑尊用新加坡普及的大牌檔模式，有七個檔口， 全售新加坡著名美食，包括叻沙、海南雞飯、咖央多士，肉骨茶，新加坡海南雞飯，香菇肉碎麵，炒貴刁，多士，糕點，馬來西亞咖哩椰漿飯 等， 每檔有其專屬㕑師。殘疾人士受訓六至八星期後， 按其長處安排工作崗位。.

看港台節目介紹這間社企，一直是星馬菜的支持者，決定去試。首先先點了星馬菜的必食蝦叻沙，湯底帶椰香及香料味一點也辣不錯，麵是米粉加油麵，確實是正宗做星馬做法，讚。唯一美中不足是湯的湯溫度不太熱，要改善。之後店員強烈推介煲仔飯，決定要一個豉汁排骨煲仔飯。煲仔飯絶對是意外驚喜，一開煲蓋濃濃的飯香帶點蕉香撲鼻，OMG!!!! 廚師必定細心烹調火候控制十分好，熱愛飯焦的一定要食。比起同區茶仔提供的煲仔飯簡直鶴立雞群。最後叫了半隻海南雞，又一驚喜，雞滑味道好，我食到好飽都停唔到口，必食

端午節下午茶時間去買個外賣Late Lunch。環境似Food Court，每一個攤位主理一款食品，好有條理。座位同檯與檯之間距離都算寛闊，天氣好嘅下午仲有陽光從窗口照入，感覺舒適。當日點咗：1. 蝦叻沙 - 外賣會分開湯。湯頭味道略淡，而且質感比較薄，感覺有啲稀。但係如果加咗參巴醬就截然不同，建議大家要加參巴醬。油麵同米粉都唔太索到啲湯。餸方面有烚蛋、魚片，芽菜、豆卜同開邊嘅烚蝦。份量比較細，女仔食說啱啱好。2. 馬來椰漿飯（乾咖喱牛肉）- 呢個有驚喜，椰漿飯有微微香料同椰子味，乾牛肉咖喱好香，味濃汁滑但係冇搶晒啲牛肉味，牛肉味重，口感軟淋。仲有大量雜菜，餸嘅份量足。員工們積極同服務態度窩心。真心支持社企，努力。