鳳城酒家

营业中

休息中

心掛掛飲茶想嘆下一盅兩件，去到鳳城酒家北角分店食午餐，當然試吓招牌菜，炸子雞同蝦多士啦。炸子雞 🐓5/5我哋人多可以叫一隻炸子雞，雖然300蚊隻都幾貴，但佢都幾大隻夠份量，雞皮炸到脆卜卜，可以咬到索索聲😳，唔會有肥脂肪痴住雞肉，雞肉嫩滑，肉汁鮮甜，水分十足😋😋。就算雞胸位都唔會乾柴🤤🤤🤤！可見功力十足，就算我哋10幾人，我哋每個人都食到幾件雞，係夠分的🥴。蝦多士 🍤🍞3.5/5聽人講又攞獎又出名又招牌菜咁，我哋就按人頭每人一隻啦，原來4隻起就每隻30蚊，12人就20蚊隻咁計🤑。上菜擺盤好令，成朵花🌼盛放咁精致。炸到脆卜卜既多士上面有隻開邊蝦同蝦膠，相信用蝦膠黐住隻蝦，等佢炸嘅時候唔會走位🤔。但我覺得多士比較乾同埋比較油膩，食一件就夠。地點:位於渣華道，德成記隔離，屬於樓上鋪，馬路出邊通常都擺滿晒車。環境:舊式茶樓設計，行樓梯上舖，餐廳門口太細，容易塞滿人，但入邊環境都幾寬闊，平日午餐坐滿人。價錢:每人150蚊，整體性價比幾好🫣。服務:落漏咗單，有啲點心冇送到嚟，同埋佢哋出現混亂，重複咗幾籠點心送過嚟，但係好彩佢哋即時發現冇計我哋。

屋企人生日，指定要黎北角鳳城酒家食晚飯。（心入面一直疑惑點解新界人要出到北角分店食）地鐵站行10分鐘到就到達樓下，但要行樓梯上一層的。如果需要坐電梯就要到後面街上。-全家最早到，太肚餓先叫個拼盤食住先❣️海蜇x叉燒叉燒好impress到我！肉質唔乾，一咬落去肉汁流出黎😋蜜汁夠濃又冇燒焦，好耐冇食過咁好食嘅叉燒！海蜇有咬口，不過份量細，只適合做餐前小食。-之後到壽星點菜，總共叫了8個餸1個甜品。8個餸當中有6個是set嘅餸。1. 乳豬三拼盤叉燒x燒肉x大腸對大腸好抗拒的我一舊大腸都冇食過燒肉皮好脆，肉又滑，好食！叉燒依舊好食！2. 蝦多士呢個十分推薦！真係好好食。其實蝦多士放左一陣先食，但依然脆口，每啖都有蝦肉。重點係一D都唔油膩！碟上一滴油都冇！3. 西蘭花帶子個人覺得呢道餸不太特別，唔需要咁貴。不過西蘭花🥦食落新鮮既，可惜不太入味。4. 雞燉鮑翅仔好濃的湯，但感覺上有味精，食完好想飲野。姐姐就咁拎埋一邊就分哂細碗，冇得影番張相先😢5.瑤柱扒時蔬好簡單的一碟時蔬😂6.八寶釀全鴨八寶鴨需要另外訂的。Book位時訂埋好好食入面餡料十足，入哂味！鴨肉唔乾又多汁，肉+餡料好夾好正宗。食完一啖又一

是晚同幾個老友聚聚，大家都不約而同想食中菜，飲杯茶，傾吓計。雖然係平日夜晚，但人都唔少，好彩坐得唔算逼，都傾到計。人少少，所以只係叫咗蝦多士、家鄉小炒皇和竹笙海皇羹。首先嚟既係蝦多士，好香口，食落唔覺得油膩，不過就最好等齊人先嗌，趁熱食正！跟住到家鄉小炒皇，顏色好豐富，味道唔錯，份量都算OK，腰果好新鮮，蝦都幾爽口最後叫嗰個竹笙海皇羹就有啲失色，大家食落都唔係好察覺（視覺同味覺上）到「海皇」既存在...反而豆腐就好多...個賣相同普通湯羹差不多，加上不似預期，所以無特別影到相喇。本身大家揀鳳城就係為咗試蓮蓉西米焗布甸，可惜無做足功課訂枱嗰陣訂埋，唯有等下次再試啦！

作為新界人,平時飲茶都不會考慮九龍或港島區,這一天因為相約了親戚,於是到了位於北角區相當有名的鳳城酒樓,由於親戚不是第一次來,大部份點心都由他發板,我們點了好幾個點心,全部都新鮮蒸製熱辣辣!當中灌湯餃及蝦多士令我印象難忘。😋灌湯餃一籠有兩隻,用一個非常特別的器具盛載每一隻灌湯餃,體積比我想像之中大得很!餃皮很薄,一咬下去肉汁爆出來,而且餡料豐富,用上半肥瘦豬肉,湯底吃得出花了一段長時間淆制,一籠才30多元算是皮薄餡靚,物超所值!👍🏻蝦多士是必食推介,酒樓掛上了由某雜誌頒發的奬狀,這個蝦多士就是得奬菜式一份有八隻,每件也不少,酒樓毫不吝嗇用上體積較大的新鮮蝦,蝦肉彈牙,雖然是油炸食物卻不會很油膩,奉上酸酸甜甜沙律醬,夏天吃這個會是很開胃🌞雖然酒樓裝修比較殘舊,相信已經有一段歷史,但職員態度以及菜式質素也非常有質素,我會再來的!😆

鳳城對身為老Sales的我，有點情意結。十多年前，周逄有師兄弟簽大單，都會去慶功，現在大家經歷太多波折，香港人已不會亂咁駛錢，今日兩師兄弟去懷腼一翻。先來個翅，魚翅縮得很細，感覺很寒酸，蟹肉都不鮮，退色!從前必點的其中一味蝦多士，今天意然食唔晒，都係果句，蝦不太新鮮，可能中午去，食隔晚料，多士比從前油膩。反而，小食咁多年都保持水準，生腸好爽，鵝翼又入味，可惜乳豬已經售罄，下次要早點來！魷魚抵讚，多到滿瀉，魷魚夠厚，咬落去彈牙，下次必食!

相約平時甚少見面的師兄晚上飯聚，由於他在北角上班，同行友人又無光顧過鳳城，便順理成章選擇在此會面。我已是第三次來鳳城吃飯，但頭兩回均是午膳，而且有人宴客，所以這次仍讓我感覺新鮮。負責訂座的友人來不及在前一天預訂西米布甸，幸好伙記在我們坐下不久便主動問我們要不要留一客 一行五人，叫了： 鍋貼大明蝦（即蝦多士）：令我一「嚐」鍾情的招牌菜式，雖然有點熱氣，但每次到來必叫，顧不得第二天可能出現的喉嚨痛。蝦肉跟多士炸至金黃，單是賣相已十分吸引。咬下去，蝦肉彈牙，頗有鮮味，唯油份稍多。 大良炒鮮奶：一道清淡的菜式，配以松子和肉鬆，令味道不會太單調。撈飯吃會較好，而且要趁熱食。 炸子雞：皮脆肉滑，不愧是色香味俱全的鎮店名菜。 炒涼瓜：涼瓜有解辣的作用，不嗜辣的我打從四川回來後便愛上這食物，無獨有偶，同行友人均是同道中人（師兄除外）。炒得不錯，且配有冬菇，很特別。 雜菜煲：不過不失，但蔬菜份量略嫌太少，基本上只有舖在煲面的一層，煲裏面的全是粉絲。我們唯一吃剩的菜式。 荷葉飯：份量十足，飯蒸得恰到好處，很乾身，不會太軟，亦很入味，比我想像中好吃。 蓮蓉西米布甸：在這裏必吃的甜品，金黃色的表層加上些微燒焦

這一餐應該是跟老爸補祝生日, 但當日又是冬至, 所以那應該是做冬兼補吃生日飯了.正常當然要一早訂檯, 還要提早六時半吃.經過慣和富道早已知道鳳城老店的位置, 地上有大廳, 上層也有雅座, 唯六時半已坐滿一檯.我們被安排到幾圍檯的中央, 那一定程度感覺到有壓逼感了.當然冬至食飯不見怪只有幾款套餐, 但不至於得如 Oli 說只有 4 款, a la carte 還只可以選套餐內的小菜.沒有期望, 但出來沒有驚喜, 想像中好的吧!腰果花枝帶子, 索價百五元. 有幾件帶子, 荷蘭豆, 草菇, 西芹, 腰果等, 味道不算差.蠔油鮮菇時蔬, 吃得出是鮮草菇, 算有誠意; 時蔬竟是豆苗, 沒有渣, 有驚喜.炸多士, 第一件多士腍左, 其他 ok 不錯, 也不太油, 又是百五元, 有點貴.去慣飲的都知拼盤應該是先上的, 鳳城拼盤可以是尾二才上, 況且是切完便可以, 真不明白搞甚麼!脆皮炸子雞 (半隻), 味道可以的.講真, 服務都幾流, 叫伙記要幾碗白飯, 佢唔記得催仲好話等一陣, 擺明係自己唔記得...經理埋單整跌我張 credit card 都可以冇講 sorry...ai...忙到唔識講.老爸又