羅麥記 (V City) (已結業)

去開屯門探朋友，之後一齊去屯門 Vity，來到羅麥記食晚餐。這間餐廳充滿著港式舊式情懷的懷舊裝修及擺設，例如有牆身貼上在60/70年代見到的產品宣傳海報、還有老爺電視機、舊電風扇、輪盤電話等等的舊式電器～蝦多士($60)，成碟有5件，炸得熱辣辣、脆卜卜，香脆可口，而且上層的蝦，蝦味十足，點上中間的沙律醬，酸酸甜甜，減低了蝦多士的油膩感。磚頭咖哩軟殼蟹飯 ($95)，見到每一枱客人都有叫到磚頭焗飯系列，相信一定是必叫之選，這個是利用一個大的麵包磚頭，挖空了中間的麵包，之後加入了咖哩飯和軟殼蟹，賣相真的唔錯，面頭軟殼蟹好多，蟹肉和外層軟殼都炸得很酥脆，咖哩好香濃、多汁，不論是配搭麵包還是白飯一齊食都是不錯的配搭，同時亦是一個飽肚之選。闊佬炒飯 ($70)，這個飯用了醬油炒到個飯較為深色，同生蛋一齊撈在一起一齊，味道是幾夾，唯獨個飯炒得有小小鹹。

適逢呢日早收工還掂呢晚無野搞一於同成班同事入屯門覓食醫下肚先呢度裝修好有格調好有懷舊冰室既感覺另外門外亦擺設左唔同既懷舊物品有種正宗既香港味道呢度有唔少特色小食我地5個人叫左6款野食有磚頭焗豬扒飯、磚頭咖哩軟殻蟹飯、磚頭焗白汁芝士海鮮飯、蝦多士、羅麥辣味雞翼同埋千層朱古力西多士磚頭系列只可以用足料大份黎形容3款磚差啲KO左我地5丁友！焗豬扒好有蕃茄香豬扒夠大件而且有4大塊唔吝嗇咖哩軟殻蟹唔會因爲拌左汁而唔夠脆淋哂而蟹都夠肥美亦炸得剛剛好唔會過燶乾哂身而白汁芝士海鮮幾足料有唔同既海鮮入味之餘食唔出雪味配上白汁芝士亦係幾好配搭炒飯底配合3款唔用味道亦係幾夾而且大大個焗脆左既包俾你點下汁食夠哂飽！蝦多士係呢度既招牌產物之一醃好既蝦肉配上蔥花過鍋炸都仲有蝦既鮮味食落唔會太油炸得剛剛好之餘唔會過燶同有油溢味羅麥辣味瑞士雞翼中規中矩雖然辣味係以現成辣椒粉粒灑上雞翼但So far配上瑞士汁既雞翼都幾入味千層朱古力西多士千層感覺唔突出但西多士炸得剛剛好唔會過燶配上朱古力醬亦出奇地夾雖然甜左啲 XD好好彩我地忍手淨係叫左3個磚叫埋其他小食5丁友真係飽到差啲食唔哂1個磚2-3人食再加一兩款小食已經夠哂飽

焗豬扒飯食得多，麵包磚芝士焗豬扒飯你又食過未？被磚頭芝士焗豬扒飯吸引而來🥘幾年前只有屯門才有羅麥記，於是就特登由旺角入屯門食呢間裝修好有懷舊特色既茶餐廳😂磚頭焗豬扒飯份量十足，豬扒鬆軟入味，茄汁係傳統焗豬飯既味道，好味道！略嫌汁嘅份量唔夠多，食到最尾唔夠汁點麵包食🍞所以最後都係放棄左d麵包😥蝦多士有5件🍤香脆好味，但太油膩了。滷水雞翼好入味👍🏻👍🏻相反滷水魷魚就好似冇乜味🙄黎呢度都係食磚頭豬扒飯好了😂😂

朋友將往英國長住，尚未離開香港，便懷念香港地道食物。腦海之中一想，就想到這間羅麥記。這間店位於屯門VCITY一樓內，地點方便，地面搭扶手電梯，映入眼簾的便是羅麥記。餐廳門外擺放著古老的收音機，在統一現代化的大型商場內，這種舊式設計非常引人注目。其實主要食即食麵，在家自己弄也可。但到過羅麥記一試，就知即使是一樣的即食麵，味道也可以與家中的很不同。味道好，份量尚可，價錢略貴。我們在平日七時來到，那時候沒有太多人，大概大家都在加班或回家的途中吧。侍應在枱面上放上一張墊紙，細看原來是紙棋盤，仿照舊時棋盤製造。如帶上棋子，還真的可以玩呢!在小學時必定會收藏來玩。一張墊紙勾起我兒時的回憶、兒時的簡單快樂，物質貧乏卻樂在其中。餐廳很有舊時香港的風味，如是返回未出生前，大人口述的七八十年代。佈置很見心思。也許是燈光的問題，整體感覺有點花多眼亂，如多一點燈光更好，可看清四處的佈置。餐牌特別設計過，配合餐廳風格。強對比顏色的太陽式封面，是當時流行的宣傳設計。播著香港流行歌曲，喜歡唱歌的朋友不其然輕輕啍著。如你欣賞這裡的裝修和設計，很有物值。不然會覺得很貴。先來芝士豬頸肉撈麵($50)，賣相一般，吃下去另眼

今日係我生日嘅大日子，女朋友安排左今日嘅節目，係午餐嘅時間，佢上網搵左呢一間羅麥記，一齊試一試。地點方面，雖然係商場入邊，但係都有啲難搵，原因係呢個商場都幾大同埋好難搵到電梯，行咗大概5分鐘，終於搵到！由外面望入去，一片暗暗嘅燈光，配搭着好懷舊嘅設計，營造出古舊嘅風格，相信係舊時嘅香港特色。懷舊嘅風格除咗係裝修彰顯到之外，餐牌亦都一樣。望落去枱墊，即刻勾起左兒時嘅回憶，因為係用康樂棋做枱墊，成個設計好有心思！睇睇餐牌，其實都有唔少嘅選擇。有多士、粉麵、焗飯，每個種類都有好多選擇！叫咗杯凍檸茶同埋熱朱古力，都係普通茶餐廳飲到嘅味道。呢個蝦多士值得推介！剛剛炸起既蝦多士，熱辣辣，外皮脆脆地，而且裏面都好足料，好有蝦既味道同埋啖啖肉，非常滿足！燴牛脷意粉牛脷煮得幾滑幾淋，最緊要冇乜渣，唔錯！但係意粉就一般，佢用粗身嘅意粉，個人覺得比較淋bat bat，唔夠爽口。羅麥雞翼撈丁用返鋪頭名來做呢道食物嘅名，理應好出名好有代表性，但有啲失望。雞翼唔夠滑，而且味道唔夠出，面亦都唔夠爽，加上價錢亦都比其他餐廳貴，絕對唔建議食呢個撈丁！美祿牛奶包幾特別嘅一個小食，完全冇諗過可以用美祿嘅粉來做呢個包嘅調味，

喺v city 食點有間羅麥記 一直都幾想食 終於去食咗 位置好方便 8點鐘去到 都唔會太多人 蝦多士 (5件)蝦膠都幾好食 又炸得多脆 確係幾惹味 不過美中不足既係 油温不足 令到個麵包索哂油 好油膩😶蜜糖炸魷魚比起蝦多士 依個處理非常好 估唔到炸物加上蜜糖一啲都唔漏 驚喜食羅麥滷水雞脾撈丁滷水雞脾味道啱啱好 唔會冇味 丁呢就幫你撈好咗滷水汁 不過我自己偏好麵質偏硬 佢就處理得較腍 而且滷水汁撈完丁 唔會太多味 搭配住雞脾 感覺會balance 啲

巨輪1 嘅時候 我喺每晚擔住櫈仔睇的 不過而家巨輪2 真喺一集都睇唔落 原因你打218 5個0問下啦😂 今次無去羅信記 去咗佢個friend 羅麥記 -一入到嚟 就好似時光倒流 返反去70年代 呢到食嘅野都好地道 -瑞士雞翼撈丁 ($58)我一見到佢 就兩眼發哂光 事關雞翼是我至愛 仲要喺瑞士汁 今鋪真喺魅力沒法擋原來仲有得揀辣定唔辣 我就更喺食辣啦 辣味食落好惹味 先有辣味 再有甜味慢慢滲出不過個麵撈咗 略嫌濃味咗小小 下次都喺唔好嗌多汁😂-無骨海南雞飯 ($58)呢個海南雞飯 下午茶餐會抵好多 因為有嘢飲送個海南雞食落好滑身 肉質鮮嫩 而且食落仲有陣陣酒香味 不過唔喺配油飯就可惜咗啲😢-蝦多士 ($58) 呢個絕對值得推介 因為真喺食到外脆內軟而且個沙律醬開胃之餘 又減到蝦多士嘅油膩 確喺唔錯👍🏼-雪糕紅豆冰 (隨餐加$18)揀咗朱古力雪糕 所以等於一杯野有兩種飲法初初就飲到原味 之後雪糕開始溶 就開始變朱古力紅豆冰 唔錯👅-粒粒紅豆冰奶茶 (隨餐加$18)茶味香濃 再配埋預先雪成冰嘅奶茶 喺幾過癮嘅～

放工後約了好友到Vcity的<羅麥記>，吃香港懷舊的特式美食。餐廳佈置維肖維妙，模仿六七十年代的老香港，門面擺放了舊式電視、輪盤電話及收音機，牆壁上有很多古舊的廣告標示，猶如回到過去。餐牌上的選擇琳琅滿目，我跟友人也看到眼花瞭亂，所以最後也在經典推介中，選出最想吃的王牌推介，分別是阿芝芝士撈麵、磚頭焗豬扒飯、蝦多士及紅豆冰粒粒奶茶。阿芝芝士撈麵餐廳的上菜速度很俐落，落單後大約5分鐘，熱辣速的阿芝芝士撈麵先上。半溶的芝士幾乎舖滿了整個撈麵，十分誘惑! 我們先撈勻芝士和麵條，看見已經食指大動。吃一口撈麵，每條撈麵也掛滿了濃郁的芝士，難得的是撈麵經過芝士的浸泡，仍然保持彈性，非常滋味! 雞扒份量為2大塊，雞皮煎至金黃脆口，肉汁濕潤美味，我倆十分滿足。磚頭焗豬扒飯磚頭焗豬扒飯的賣相十分吸引，真的很好奇豬扒飯和厚多士的混合體會是什麼味道。蕃茄豬扒份量很多，滿溢厚多士的表面。我們要先拿出豬扒，才能吃到有濃郁蕃茄香的米飯。內裡的麵包雖然被挖空，但部分的麵包仍然留下。意想不到的，麵包口感軟綿，點配芝士蕃茄醬，味道惹味非常。真想把脆脆的厚多士外殼也吃完，但我倆也真食不了這麼多。蝦多士蝦多

入嚟屯門探朋友，行完街想食港式茶餐，所以就揀咗呢間餐廳～叫咗個羅麥雞翼撈通粉$60，瑞士汁雞翼好好味！！ 肉質好嫩，通粉煮得啱啱好～炸雞比薯條＄42，雞髀大大隻，好脆～ 特別鍾意食扭紋薯條，除咗港式餐廳之外有，扭紋薯條係出邊已經買少見少～ 超鍾意！！另外點可以少得食呢度嘅招牌菜蝦多士，五件＄58，大大件，即叫即炸，新鮮熱辣好脆好味！！杏霜同奶茶都好滑好香濃～總括：食物種類多，價錢好抵食，有質素～

今日同朋友出屯市食羅麥記，其實佢無論環境定食物都好香港地道既感覺，叫左雞翼公仔麵、蝦多士、磚頭焗飯 (太吸引無影相;P) 同埋菠蘿冰，蝦多士有啲油但真心係幾好食，個多士放奈左都仲脆卜卜，磚頭焗飯其實即係一個未切即面包挖空中心即面包放飯再焗，面包皮撕左出黎點汁食一流！仲有杯菠蘿冰，無諗過啲冰係用菠蘿汁整既，所以唔似其他茶餐廳，飲到尾溶哂冰就無哂味，好貼心！下次一定會再黎試其他菜！

年初一出街食飯，但不是團年飯，只有三個人。而V City有些食店休息，有些太多人等位，我們又不想排隊，而且不是我出錢，所以我不會太揀擇。三人叫了兩個飯，一個小食，因為另外兩個人食得少，所以不用叫太多。蝦多士(6/10)多士好厚，但好鬆軟，不過食到成口油。避風塘炒飯(6/10)，炒飯不太油，每粒飯都是金黃色，但不太有避風塘味道。不夠香，辣和惹味。焗豬排飯(6/10)味道同阿活焗豬排飯是一樣的，但豬排質素較好，比較鬆軟。總體味道普普通通，但又未算難食。如果去到V City不想等位，又想食得平，可以去羅麥記，但有時間等位，同想食較好的，可以不去羅麥記。

早前同老婆、表姨甥行完麥理浩徑，第一次嚟大賣懷舊情懷嘅「羅麥記」食晏，知道太古及將軍澳都有分店，但相對唔就腳，屯門店就較順道啲。其實嗰次都志在個懷舊環境，因為好多牆畫、公仔、標誌都伴著小弟一同成長，份外有共鳴，不過，當日樣樣都幾好食，但個滑蛋牛肉煎脆米喺失手之作，所以，只喺可以俾個OK佢，有啲百「麥」一疏。今次同幾個朋友再訪，比起上次就物有所值嘞 。「懷舊」始終喺羅麥記最大嘅賣點，尤其幾位朋友都喺有番少少咁上下，對餐廳內好多事物，如飛行棋、粉藍色手冊、舊式二極管電視、撥輪式電話、綠白格仔地磚、懷舊商標……等等，都叫我哋可以講過不停，緬懷一番 ！言歸正傳，大家唔停咁講都應該肚餓吧！晌餐牌上思量一番，朋友面對樣樣都想試嘅心態，都要狠心咁一人揀一樣作決定。 紅豆冰小忌廉奶茶 $38（跟主食$28） 上次試過紅豆冰粒粒奶茶，所以提議朋友一試，朋友都讚佢唔錯，由頭到尾奶茶味都保持到，無被溝淡嘅情況。今次小弟就試另一款小忌廉奶茶，唧上大抹忌廉，外觀變得靚仔咗，撈勻之後，口感更加柔滑如絲，不過，茶味會稍稍沖淡少少。 蝦多士 $58 因為喺店家嘅十大必食之一，上次食過亦覺得有水準，所

因為地點關係，其實已幾乎吃遍vcity的食店，惟獨羅麥記，因家人對其的興趣不大，所以一直沒有機會嘗試。最近相約同住附近的食友到羅麥記共晉晚飯，順道集齊這最後的拼圖。羅麥記以六、七十年代的懷舊港式食物作賣點，在門外已看到舊式電視、收音機等擺設。餐廳以暗綠色作主調，特別喜歡這面牆的塗鴉。這裡的餐牌設計得像小學時用的書簿，封面上有羅麥記的校章和二零一四年下學期的字眼，切合食店懷舊主題。我們首先叫了一客炸洋蔥圈。洋蔥圈炸得金黃酥脆，裡面的洋蔥很甜且具咬口，作為餐前小食特別開胃。之後是蝦多士，五件份量十足的蝦多士圍著中間的沙律醬。作為九十後的我，比較少接觸這款上年代港式小食，平時大多吃泰式炸蝦多士。烤得香脆的法包上有啖啖蝦肉，上面還夾雜香蔥和芝麻，能豐富口感，加上熱辣辣時吃十分香軟，不俗！主餐方面點了磚頭白汁海鮮飯。記得曾有段時間興起一陣多士盒熱，不論甜品抑或是焗飯亦如是，今次終於試到這款誇張的焗飯了！高澱粉質的焗飯配上麵包簡直是女生的最大敵人，不過難得來到羅麥記，當然想點來試試～據肉眼目測，一客的份量大概需要三至五人才能完成。我和幾位食友對這客焗飯無從入手，最後決定切開其中一面幫其「開門」～極

第一次來到屯門V City吃晚飯，遠處看到羅麥記的門口已經被吸引著，一個舊式的電視機，一把電風扇，一個黑白的手撥電話，童年的回憶慢慢從腦海中浮現出來，我小時候很喜歡玩手撥電話，看著它轉圈覺得好好玩，甚至試過亂撥電話呢，哈哈。走進去看到牆身畫了昔日的廣告招牌，色彩繽紛的，其中我最喜歡的地方就是有一個卡位，牆身畫了模仿「九龍皇帝」的手筆，卡位自成一角，私密度甚高。菜譜用了小學手冊作為封面，甚有心思。由門口的擺設，到餐廳內的牆身，到菜譜全都充滿懷舊的味道，被現代人遺忘昔日情懷都可以在這裡感受到。食物方面也帶有不少舊式的情懷。蝦多士就是其中一個懷舊菜色，蝦膠彈牙而且帶有蝦味，再配上蔥花芝麻，另外法包則鬆脆香口，雖然經煎過，但沒有油膩感，而且熱辣辣的。香煎紅酒牛俐 不算厚身的牛脷外層有點脆，內則軟腍，而且味道濃郁，吸收了紅酒的味道，甜甜的非常易入口。避風塘鮮魷薄薄的粉漿包著鮮魷，炸得香口，上面再鋪滿炸蒜頭，非常惹味。磚頭焗咖喱芝士蝦球飯磚頭焗飯賣相非常吸引，上面鋪上爽口的蝦，軟腍的薯仔，打開後發現，把中間的麵包挖空，大部分都是飯。不過飯的份量太多，而咖喱汁和蝦都偏少，比例不夠平均，而且飯是普通的

朋友提議到羅麥記食飯，看到羅麥記以舊式冰室作為店鋪裝飾就忍不住不停拍照，連點菜的責任都交給了朋友。餐廳內懷舊的環境令我看到不少兒時的回憶，牆身的裝飾有不少昔日的廣告招牌，還有模仿「九龍皇帝」的手筆，絕對是拍照的好地方。另外康樂旗盤的墊桌紙也甚有懷舊味道，記得小時候很喜歡跟朋友玩，鬥快到終點，如果這張墊桌紙可以用來點菜會更好玩，可以讓客人擲骰子隨意點菜就更好了。羅記炒蛋炒蛋滑滑的，配上塗上牛油的多士，多士又烘得香脆。蝦多士上面是爽口彈牙的蝦肉，下面是鬆脆香口麵包，最難得是沒有油膩感，推介。磚頭焗咖喱芝士蝦球飯磚頭甜品就吃得多，磚頭焗飯還是第一次。上面鋪上蝦，薯仔，中間的麵包被挖空，把飯藏進去。不過份量太大，根本吃不完，而且咖喱汁太少，令最後的白飯沒有人吃，有點浪費。香煎紅酒牛俐這兒的牛俐 口感比較有嚼口，而且吸收了醬汁，甜甜的，非常惹味。菠蘿冰冰粒用菠蘿製成，而且有不少新鮮菠羅粒，味道酸酸甜甜，清涼解喝。歡喜懷舊的朋友一定要來試試，餐廳的環境一定令你非常興奮，忍不住不停拍照。