泰風情

营业中

休息中

月底便到中秋，剛巧跟媽媽來九龍城買些食品及水果。滿載而歸後，來個泰式晚餐!六點多坐低，人流比較少，上菜很快哩!是晚叫了個套餐C。已足夠2-3人食用，算很抵食呀!!先來冬蔭功湯。冬蔭功湯有一隻開邊蝦，大大隻。每人半邊，剛好。蝦肉質還很不錯哩!冬蔭功湯份量很多，至少有5-6碗。辛辣程度剛好，濃濃湯味，加埋其他配料如茹類等，抵飲。要是湯太辣，我受不了啦!燒豬頸肉薄切又嫩口的燒豬頸肉，加埋秘製醬汁酸酸辣辣。份量也不少。配埋個蝦醬炒飯食，剛好。蝦醬炒飯蝦醬炒飯用料很足。有炒蛋及肉鬆在面，淡淡的蝦醬炒飯，配上濃味用料，炒得比較乾身。咸魚炒芥蘭咸魚炒芥蘭個汁算濃，令芥蘭入味些。芥蘭亦比較軟身。有炸蒜在頂，更惹味。甜品熱上，暖暖又甜甜。另外叫了椰汁珍多冰 ($25) 及 椰青 ($33)椰青非常清甜，中和湯的小辣，剛好。椰汁珍多冰有少許大樹菠蘿條，比較特別。食住泰菜，播著泰文歌，確實有它的泰風情!

食泰國野緊係要去九龍城，但係九龍城有咁多間又食邊間好呢？咁岩見到有間新開無耐既泰國野食叫泰風情，之前又未食過，就入去一嘗。店內裝飾都新ga~~~夠光猛，而且座位間隔唔會好似其他咁迫。另外餐廳一路都會播住泰國歌仔，夠曬泰國風情感覺。我地兩個人去食，餐牌上林林總總既泰國食品都有，基於唔洗諗既情況下，點左個套餐食。去食泰國野，又點可以唔試返個冬蔭功湯呢。上菜時已聞到好濃郁既湯味，味道小小酸帶有甜味，唔會好辣。另外冬蔭功湯入面隻蝦大大隻。蝦味很新鮮，唔似係冰鮮蝦。之後上既係蝦醬炒飯，炒飯炒得非常好，粒粒飯都炒都分開無痴埋一舊，所以每粒都可以沾得到蝦醬既味道。炸得非常香口，魚肉鮮味外帶有鹹味，令到你食完一塊又一塊。唔好意為係一碟雜菜就會普普通通。食落仲保留住應有既菜味，而且又無炒到淋sin。揀左有豬，牛，雞，墨魚丸同雞腎。每款既串燒外皮都脆卜卜，再加上泰式調味，小小辣辣地，好好吃。最後既甜品係泰國最拿手既泰式椰汁西米糕。西米好多，一粒粒好彈口。椰汁味香濃。整個甜品入口清香，啱sin食完咁有口味既泰式食品之後用來清一清個味蕾。

唻得九龍城例牌梗係要食返味泰國菜，今日同幾個朋友再唻，發現開左間新店，裝修比起其他連鎖店無咁高貴(連鎖店豪華但菜式唔夠正宗)，但亦比一般正宗泰菜菜館舒適高雅。一入門口，見到玻璃廚部掛左一隻隻雞，坐低後，服務員向我介紹左兩種必食小菜，就係我見到既招牌海南雞及招牌豬手，我相信新開店一定介紹佢地最馳名小菜比我地呢班新客，我地一於試下，再加個柚子沙律，沙爹串燒，蠔餅，蝦醬炒飯，雜會湯粉，豬雜卷粉(泰文又名"龜汁"，又學多個泰文 ^O^)。先唻個前菜柚子沙律，講真我第一次食呢種沙律，覺得幾特別；跟住2個招牌菜上左，我同我班朋友大讚無介紹錯，個豬手多肉又夠爽；而個海南雞勁滑又夠味；個卷粉好正宗，呢種特式泰國粉出面好難搵到；而個沙爹串燒既沙爹味濃而不醎，可以再辣D更好。上幾次我地專程入西貢食泰國野，但水準好唔穩定，今次呢間泰風情就要甜有甜，要辣有辣，醎味都適中，最緊要夠正宗，加上呢間野舒適高雅，服務好，總括比個GOOD!P.S.等餸菜時，我見到全店所有人，包括事頭婆、服務員同廚師，全部都係泰國人但識講廣東話，正宗得有道理。