曲奇四重奏 (人和悅大廈)

营业中

休息中

友人結婚，送左一張曲奇既禮券俾我，好彩係銅鑼灣有分店。原來係一盒八件既蝴蝶酥。個鐵盒細細個，粉紅色底上面印左蝴蝶同花花，都有d浪漫感覺既。鐵盒用膠紙封口，無添加防腐劑所以好快就會過期，大概一個月食用期左右。八件既蝴蝶酥都係獨立包裝，方便分享。獨立包裝既蝴蝶酥再有一張薄薄既牛油紙包住。蝴蝶酥的確酥脆，感覺有d厚實，唔夠鬆化，最欣賞甜味好輕微，唔會甜過龍。質素都ok啦，不過絕對唔係驚爲天人，我自己就唔會特登買黎食。

好耐冇食呢間既蝴蝶酥，感謝前公司送了一盒給我紫色既罐子，顯得特別優雅！一打開罐子就先傳黎陣陣牛油香～蝴蝶酥排放整齊。蝴蝶酥$158蝴蝶酥色澤金黃，牛油味幾香，而且口感酥脆可口，外層同中間都沾了糖粒，甜度岩岩好，唔會過甜!一盒有30多件蝴蝶酥，會令人食唔停，好快就同屋企人食完一盒。不過我呢盒似乎焗耐左少少，比以前食既好似冇咁好食？但暫時黎講，呢一間餐廳係我食過最好食既蝴蝶酥呀，自己食或者送比人都好得體～～

繼上篇Tong Wong 的玫瑰酥，這家的曲奇餅才是重點，因有同事先前已提起過這間的蝴蝶酥很好吃，我自己也嚐過，真的很好吃！但除了蝴蝶酥外，我也買了一盒9種味的雜錦曲奇。先說蝴蝶酥，做得依然出色，酥皮十分鬆化，牛油味濃而不膩，雖然有些糖灑在面頭，但亦不過甜，真的會讓人一塊接着一塊吃！到雜錦曲奇，大家都不斷拿著內附的小本看看餅乾是什麼味道的，我只試了兩款，原味朱古力和開心果味，前者質感較實，朱古力味濃; 後都的質感反而是軟鬆脆，中間混合一些果仁粒，增加口感，我頗喜歡。其他同事各試了不同口味，其中一款印象較為深刻是辣椒朱古力味，辣椒味突出，整體評價都很不錯。盼望這美味的散水餅讓大家有美好的完結，雖然共事時間不長，但這不足一年間共同經歷笑聲哀怨聲，會記得這些片段，收藏心中。