八沢 (霎東街) (已結業)

呢日去左銅鑼灣接個朋友仔收工，諗住係附近搵間餐廳去食個晚餐啦，朋友建議食日本菜，有一間佢食過覺得唔錯既，就話帶我去食下。一入到舖頭，都覺得暗暗地有d射燈光幾有日式既feel，同埋牆身有佢地主打既菜式，大大張咁放出黎，離遠都望到好清晰又吸引，而呢間餐廳主打既係日式烏冬，咁當然要點樣食下佢。我地總共叫左兩個主食同三個小食，分別係「黑蒜灸燒極濃黑豚肉烏冬」，「芥末果醋帶子冷掛烏冬」，「明太子雞翼」，「螢光魷魚」同埋「秋葵沙律」。1.螢光魷魚$36叫左呢道冷盤既魷魚作為前菜，魷魚用左少少腌料去調味，所以食落帶有點酸味，都幾開胃。2.芥末果醋帶子冷烏冬 掛烏冬 $85呢個烏冬意外地帶出有小清新既感覺，可能因為冇肉類既關係，有幾片大大既蕃茄同埋沙律菜伴碟，加上主角帶子係經過煮熟再冷藏既方式，令到整體上食落去都比較清淡，啱晒想減肥嘅朋友，而且嗰個芥末嘅果醋同個烏冬好夾，滑嘟嘟嘅烏冬，加上酸酸地嘅果醋，令人食唔停口。3.黑蒜灸燒極濃黑豚肉烏冬 $87呢個烏冬一上枱真係不得了，黑蒜油嗰種香味，加埋豚肉嘅香味，真係令人食指大動，同埋佢嘅豚肉切得好厚，咬落去啖啖肉，肥膏同埋啲肉分布好平均，個湯加埋一啲爽口

今晚放左工，約左朋友去銅鑼灣行街，想去Apple Store睇下新嘅iPhone；佢電話都用左4/5年，係時候換換。睇完就去左八沢食野，叫左兩人份量嘅桶飯同一個小食，兩杯野飲，買單都係$300左右，大大份都好抵食。1.一桶厚燒鰻魚玉子飯（2人份）$198入面有好多客人，我地都等左10分鐘左右，果時到8點，其實都好肚餓。所以叫左大大份嘅桶飯，好鐘意佢嘅玉子，好滑，加埋大量嘅鰻魚；蛋、鰻魚、飯一齊食，口感豐富，好滿足🤤；見到隔離枱叫嘅黑松露忌廉三文魚🍣腩帶子烏冬都好正甘，百幾蚊，大大碗，價錢合理。2.螢光魷魚$38朋友見到個名甘得意，所以想試下。原來佢係生食，經過調味嘅魷魚🦑，下有生菜🥬墊地，鐘意食海鮮嘅朋友會喜歡。我個朋友自己食晒呢個小食，因為我唔食生野😂