甘味讚岐手打烏冬

营业中

休息中

在皇室堡睇戲，晚餐都方便啲在呢度攪埋！唔想食凍食！比肥髀在戲院對出揀餐廳，肥髀就揀咗呢間食烏冬嘅！唔使排隊，店員安排坐在對中庭玻璃窗盡頭，左右兩邊雙人枱，可惜對正窗口座位有人客坐了！我們坐靠牆位，盡頭位都有好處，有張櫈可以放衣服，枱面已放好餐具及餐牌，我想試食家推介嘅「鐵板牛柳粒蕃茄湯讚岐手打烏冬」（$74），叫主食烏冬可以特價加小食！叫多「蟹子沙律」（$18）及「枝豆」（$15）！食物好快上：鐵板牛柳粒蕃茄湯讚岐烏冬：蕃茄湯好濃，有新鮮爽口蕃茄肉，滿咀蕃茄味，牛柳粒淋身有肉汁，剛剛好！但黑椒味唔強！烏冬滑溜彈牙，份量大！好簡單但好味！枝豆：熱食，好簡單灼熟灑鹽在面！會比多個配盛豆殻！味道正常！（有啲餐廳真係唔會自動比架）蟹子沙律：青瓜爽口，蟹柳唔多，蟹子卜卜脆，用普通白色沙律醬！唔會過多！酸酸地食！好味！食物味道唔錯，服務就個別員工比較不耐煩！我舉手想問下菜色問題，個男店員無行過來就好唔耐煩咁講，落單用點餐紙！之後我講話有嘢問，佢先唔情願咁行過來！肥髀想問下佢想叫嘅便當份量大小（因為佢叫就要負責食得晒），男店員答完即刻走開！而其他店員正常！天氣凍！一碗熱騰騰湯烏冬！成身暖晒！

之前女朋友腸胃炎，剛剛好返想唔想食太油膩，就上openrice睇下有咩粉麵好味，就見到呢間。之前都知道杏花村有呢間，但一直都無試，今次就去試下啦！間野好大間，我地入去既時候只係坐滿左一半。侍應俾左張卡位我地廚房出面裝左玻璃，可以睇到廚房入面，衛生情況應該唔差。之前聽人講蕃茄湯烏冬同埋二十穀米飯都唔錯，我同女朋友兩個人就叫左咖哩豬扒二十穀米釜飯同埋鐵板牛柳粒蕃茄湯讚岐手打烏冬，因為怕唔夠飽，而且女朋友好耐無食日本野，叫多個蟹子沙律頂下癮先！蟹子沙律（$22）：比想像中大碗。唔知係太耐無食定點，我同女朋友都覺得好好食！沙律唔會太多沙律醬，而蟹柳同蟹子亦足夠。咖哩豬扒二十穀米釜飯（$42）：豬扒係吉列豬扒，都幾好食。不過飯真係令我覺得意外，雖然唔係全白米，但軟硬度調教得好適中，而且略嫌咖哩汁不足。因為係釜飯，個器皿好特別，不過個飯好細碗食唔飽。另送粟米及麵豉湯。粟米：好細碟，不過送既就算啦。諗住味道普普通通，點知食落有D奇怪......麵豉湯：普通。鐵板牛柳粒蕃茄湯讚岐手打烏冬（$48）：好食！蕃茄湯底好濃，應該叫蕃茄汁，而且味道唔會太酸唔會太甜，岩晒口味烏冬幾彈牙，讚岐手打烏冬係唔同D。牛