泰鳩

营业中

休息中

潮聖主因😆連菜式都有心機，拼盤，蟹肉炒飯，真係要讚！拼盤：冬陰功單骨雞翼，有冬陰功嘅惹味，單骨處理，easy食魚餅蝦餅春卷，炸得香脆，入口唔油牛雞串燒，牛味十足，配搭埋香濃花生醬，正蟹肉炒飯：有種獨特的清香口感，一試即愛上

由人氣偶像開嘅餐廳，究竟係咪係咁人氣？呢間油麻地樓上泰國餐廳，晚市坐咗一陣，開頭有位，過多陣竟然座無虛席嚟親食泰國嘢，大胃例牌都係嗌Phad Thai試一試佢地水準，呢碟金邊粉份量幾多，炒得都幾入味雞肉同豆腐都大大塊，蝦肉都大粒，唧啲青檸汁同撈勻花生粒同辣椒粉，惹味升級蟹肉炒飯一上檯，蟹肉嘅香味周圍飄，冇諗過會咁香飯上嘅蟹肉都幾多，撈勻佢食，炒飯好有鑊氣，唔會油又唔會乾最後嚟個泰國signature甜品—芒果糯米飯，芒果仲多過啲飯，香甜清新，淋上椰汁更香口連雙色糯米飯都好綿，米香醇厚

平日晚市第一次黎食泰菜，餐廳鄰近油麻地站A2出口，直行1-2分鐘就到。兩人共嗌咗三款菜式同兩杯飲品：1. 泰式涼拌火辣魚皮 ($78) 平時涼拌魚皮係舊式粥檔食得多，又未試過係泰國餐廳食過。爽彈嘅魚皮加上泰式沙律，啱晒而家夏天食！唔食得辣嘅朋友要注意因為都幾辣下🙈2. 生菜9包 ($88) 豬肉碎上面加咗秋葵乾，撈埋肉碎嘅口感特別得黎又惹味，係出面餐廳未試過嘅味道，估唔到秋葵同泰式肉碎咁夾，推介大家黎試！大推！3. 蟹肉炒飯 ($108) 炒飯有炸蟹鉗、蟹肉同蟹籽4. 芒芒雪沙 ($48) 落單時有得選擇甜度5. 椰青 ($48)食飯時出現咗小插曲，飲品有漏單嘅情況，同侍應講爭杯芒果冰沙，然後侍應話我地無落到單，我哋double check有落到單同show俾侍應睇，最後侍應話聽到我講芒果糯米飯然後就走開咗，當刻感到有d莫名其妙同有怪責嘅意味，如果加返句「唔好意思」，語氣客氣點客人會感到舒服啲，畢竟漏單不是我們的錯和提點餐廳不是我們的責任，因此服務方面有待改善。除咗依點之外，餐廳其他方面都好好，菜式美味同有創意，餐廳環境都好光鮮同整潔，價錢同出面泰式餐廳差唔多唔會特別貴，將來有機會會再

好味呀！併盤有好幾款主打小食，適合咩都想試下嘅人，串燒亦唔會乾到咬唔到。鳳爪沙律，無骨鳳爪夠爽。泰式明爐魚，魚肉滑。海南雞又夠滑、但雞肉唔散。蟹肉炒飯，好多蟹肉係個飯入邊😆唔使拆殼、啖啖蟹肉，正呀！泰式蝦炒金邊粉，唔會過份濃味，少少辣、甜甜地，同枱朋友不論是否食辣都食到舔舔脷。咖哩慢煮牛肋骨，啖啖肉，咖哩好香，足料炮製。甜品，千層糕熱辣辣、有煙出，口感軟糯。椰汁西米糕，香甜好味、好多西米。椰香斑蘭咖啡，充斥着滿滿的斑蘭香味，但沒有蓋過咖啡的香味及口感，不會太甜。不太好飲咖啡的人都值得一試。

宜家仲係試業中，我大約2:30PM到，大約坐滿左7成左右lunch都好多選擇用QR Code點餐好方便最後點左蟹肉炒飯+春卷+青檸梳打飯乾身唔油，份量多，上枱時仲冒緊煙春卷雖然唔知咩餡，但好脆下次試埋其他聽聞椰汁糕好食，但lunch唔到見有得點，唔知係賣晒定夜晚先有