荳子 (大埔超級城D區)

营业中

休息中

如果想舒服咁坐下，食番個正餐可以揀beans🤤佢地有蛋糕又有飲品，都好多選擇，就算係下午茶都不失為一個好選擇！今日嚟到beans既時候好肚餓，所以叫咗一個餐之外再叫咗一個蛋糕仔同一份薯條🤤牛油果蟹肉他他 $78我預期得一件包，結果佢有三大件包😧沙律菜伴牛油果醬同蟹肉嘅醬料，牛油果醬份量都多，食到底都仲有，唔會覺得dry，蟹肉份量足夠，呢一份牛油果蟹肉他他食落好fresh，咁岩唔想食太heavy嘅話都可以揀呢個餐～另外叫嘅黑松露醬薯條 +$20個黑松露醬好好食！！好香松露味，配上炸得香脆嘅粗薯條，食到停唔到口😋Everest $42椰子慕絲、焦糖香蕉果凍、雲呢拿蛋糕呢個真係好一般，個樣係好靚，但食落真係好似食緊啲好硬嘅啫喱咁😿唔推介朋友就叫咗份 手撕豬仔骨漢堡有焦糖洋蔥太陽蛋同薯條我試咗少少覺得好正🥲🥲超大份好抵食，漢堡包有烘過，食落好香唔係求其嘅麵包皮，豬仔骨既調味加埋甜甜地嘅焦糖洋蔥都好惹味🤤下次我會試beans既漢堡！

今日去慈山寺，本來book咗另一間餐廳， 點知佢有工程未完工， 要cancel booking 咁唯有搵過第二間啦~打開地圖， 見到大埔有beans.... 我之前一路都想食，但係九龍灣嗰間次次都排晒長龍， 點食呀。。。。 咁難得附近有， 我地又咁早， 應該唔駛點排隊卦。。。 於是我地就去搏吓去到真係唔駛排隊， 嗰陣5 點幾， 原來仲有lunch同tea食添， 超抵呀！！！！我地真係又熱又餓， 出面真係熱到爆一坐低已經睇有咩凍嘢飲。。。 我地叫咗柚子西柚梳打， 韓式柚子青檸梳打， 香蕉芒果沙冰~ 拎到嚟嗰陣杯杯都好靚， d梳打感覺好fresh, 好清新！！ 正！ 我杯香蕉芒果都mix同好好， 好balance, 香蕉味唔會太搶， 芒果味又唔會太多， 啱啱好~ 好味我地叫咗香蕉窩夫， 焦糖雞翼配薯條， 蟹肉牛油果他他~ 樣樣都好好食， 尤其是個蟹肉生油果他他， d蟹肉超多， 好好食~ 牛油果響個底度， 食極都仲有， 好正呀~ 呢餐好滿足， 仲要超抵~ 諗住食dinner, 而家d dinner最少都要百幾二百蚊， 呢餐竟然100蚊都唔駛， 好抵食呀！！！

想食得健康d, Menu有一連串healthy options揀！-蟹肉牛油果他他 醬mixed with salad 再沾落薄餅到light lunch 之選-半隻啤酒烤雞 大大隻雞髀肉好juicy配烤蒜頭 不過烤煮需時 呢道等得有d耐 食晒成枱啲嘢食先來-跟餐既mixed vege salad portion 都好大！我地叫左2份 但流左單🥴🥴只係黎左一份 等左好耐之後先補落單食物好精緻 碟好大枱好細😂😂枱面有少少迫，不過都坐得舒服嘅！