築地日本料理 (結志街) (已結業)

同朋友都鍾意周圍去食下唔同日本嘢，前排在中環發現了這間CP值高的日本料理。餐廳佈置好有心思，貼滿日本海報，主打各款日式料理，環境舒適之餘，好似暫時遠離中環，去了日本居酒屋relax下🏮有張海報更加係我最鍾意、最有回憶嘅千與千尋😍和朋友點了幾款日本料理，每款都幾用心，精緻。🍣蟹肉蟹膏海之卷真的非常多「蟹」字頭，鮮拆蟹肉與蟹膏撈在一起，配上蟹子，口感好好之餘味道好鮮甜，配上下面的軟香牛油果和青瓜，配搭得非常好。值得一讚的是，壽司飯份量適中！🐟鹽燒油甘魚鮫煎到好香，肉質嫩滑，加上檸檬後味道鮮甜，食材幾好！特別欣賞他們的醬料配搭，酸酸甜甜的調和了油甘魚肉的膩感。🐔唐揚炸雞的雞肉香嫩，而且每一件都好多肉，份量十足😋個人覺得日本紫薯餅食必食的款式，真的非常獨有及有心思。紫薯餅入面的紫薯蓉香滑，甜度適中，還夾了粟子粒粒，口感一流，有機會要再來食。🥟日式煎餃子的餃子皮薄香脆，配搭酸酸的醬料，格外開胃非常欣賞他們每款食物都配了特色醬料，食品製作也好有心思，真係是中環難得的高質得來CP高的日本餐廳

家姐曾經係中環返工超過十年，對於中、上環大街小巷都很熟悉。所以今晚由家姐帶路，嚟到呢條唔多起眼嘅結志街搵食。坦白說結志街係有聽過，不過真係好似未嚟過食野。估唔到有間超有日本feel 嘅日式料理。入到餐廳𥚃面，真係眼界大開，嘩 ～ 好多 …… 周圍貼滿好多懷舊海報，除了有不少日本電影海報，更有大量經典著名卡通片海報。喜歡日本風、日本片、日本卡通嘅朋友仔，一定要嚟朝聖一下打個卡。餐廳感覺企理，令人好舒服。坐定定當然要睇吓有乜野食啦。其實日本菜除了魚生、壽司之外，仲有好多菜式都好好味，真心食極吾厭。可能因為餐廳咁有feel ，家姐話佢今晚要請我飲酒喎，最後選咗支「熟成梅酒」，一邊飲一邊食一邊傾偈一樂也。店員好細心，點菜時有同我哋介紹一下餐廳食物。我哋先點咗前菜「蟹籽沙律」，非常清新開胃。然後「蟹肉蟹膏海之卷」，入口好香蟹肉蟹膏味，混合牛油果香，夾雜少許菜絲，配搭特別又好味。「串燒免治雞軟骨棒」好香炭燒味，咬落粒粒雞軟骨好爽口超正。「鹽燒雞翼」、「串燒雞軟骨」要嚟送酒一流。最鍾意個「日式冷烏冬」好出色，湯底好味，配上少少煙韌、爽滑彈牙嘅烏冬，加埋木魚絲、䓤花才是精髓。最後加個熱食「日式茶碗蒸」

呢間築地日本料理係中環結志街即係街市附近，都要上斜坡，好彩有條長扶手電梯。今日收工就黎食埋晚飯先走。呢間舖有兩層，今次坐喺上層。所有牆都貼滿日本海報，等你好似置身於日本食野咁。呢間居酒屋冇乜話主打咩菜式，主餐牌有唔少選擇，包括刺身丼，鍋物，麵類，飯食，湯品，多款壽司刺身，手卷，卷物，燒物，小食，揚物，沙律，蔬菜。飲品有清酒，啤酒，特飲等。三色刺身 $128 另加一三色刺身包括三文魚，油甘魚，同甜蝦，每樣三件，擺盤幾靚。三文魚其實係三文魚腩，超厚切同肥美。油甘魚都好厚身。甜蝦鮮甜而蝦頭帶汁。蟹肉蟹膏海之卷 $98 另加一蟹肉蟹膏海之卷一客6件，賣相吸引。飯卷入面包住牛油果同青瓜絲，再灑上好多白芝麻粒，上面就係一座山仔嘅蟹肉碎同蟹籽，蟹肉鹹香，而飯卷清新，呢個配搭唔錯。野菜天婦羅 $60 另加一野菜天婦羅有冬菇，南瓜，茄子，番薯，同蘆筍，每樣兩件，除左蘆筍之外，全部都大大件。炸皮雖然唔算薄，不過都好脆。特別鍾意南瓜又大舊又甜，而番薯都好甜，茄子都好多汁。日式煎餃子 $50 另加一日式煎餃子一客5件。煎得外脆而入面仲有豐富肉汁，蘸另上嘅醋食都唔錯。鹽燒雞中翼 $50 另加一鹽燒雞中翼一客4隻