禮 (打鼓嶺道)

营业中

休息中

喺openrice想搵九龍城有乜食，無意中搵到，即日都可以openrice訂到座，訂座堂食有88折。店入面唔大，10張枱都冇，不過都唔洗等，食到走都冇滿座，店員一直喺餐廳徘徊行嚟行去。免治雞肉棒配醬油蛋$48厚切牛舌芯$68免治雞肉棒唔會太淋，有少少軟骨，點醬油蛋好食燒得幾香，牛舌唔會硬，有口感雞腎$48好爽口，冇腥味南蠻炸雞$78個醬汁偏酸，都幾脆燒原隻日本魷魚$128幾香，個汁甜甜地，魷魚都幾爽口黑松露鵝肝多士$88味道普通，$88一舊都幾貴富士蘋果煙肉卷48金菇牛肉卷58富士蘋果好普通，幾甜，只係蘋果包咗塊煙肉金菇牛肉卷正常，金菇爽口，個汁幾好味，牛肉有啲老海老天婦羅 $88唔係太大隻，都幾脆的極上刺身五品 $248刺身就一般，感覺放題質素，全部都勁冰凍好似未解凍咁，食落勁冰凍，冇乜味網燒月見牛排丼 $188撈埋食幾好食，牛排肉幾厚，有口感，但不算太香蟹肉蟹膏甲羅燒$88下面有隻生蛋可以倒埋落去撈，蟹膏幾香，不過太少蟹籽，甲羅燒要有蟹籽口感先好食牛肉稻庭烏冬$98有大約四五塊牛肉，牛肉幾香，彈牙，烏冬就正常忌廉蟹肉薯餅$58幾脆，冇乜特別得燒物同串燒比較好食，價錢不算平，5人食其

自從屯馬線開通，去九龍城真係方便左好多，泰國野食得多，今次嚟試下日本居酒屋🇯🇵餐廳門口放滿招財貓😽平日晚上嚟到都差唔多坐滿，大部分都係成班朋友聚會。🔹刺身5點盛 ($388)刺身盛分別有油甘魚、三文魚、帆立貝、赤蝦及室津生蠔。🐟厚切刺身整體新鮮高質， 肉質鮮嫩，入口散發著啖啖鮮甜。🦪來自兵庫縣的室津生蠔，肥美飽滿creamy，配上柚子醋，令鮮味更升華🔹青森青提豚肉卷 ($48)薄燒豚肉包著一粒青提，果肉清香又多汁🐷同時能減低豚肉的油膩感🔹富士蘋果煙肉卷 ($48)富士蘋果清爽🍎燒過後更香甜，亦能平衡煙肉的咸香🥓食落醒胃 🔹網燒月見牛排丼 ($168) 燒到半生熟的牛小排口感相當嫩滑🐮配上清爽的蔥花，及生卵🥚每一口都吃得相當滿足。🔹蟹肉蟹膏甲羅燒 ($88)蟹蓋内放滿蟹肉🦀蟹膏及蔥，配上梳打餅同食，入口蟹香咸香並重，層次豐富又美味。🔹南蠻炸雞 ($78)炸雞大大件好滿足，鷄肉外皮酥脆，内裏肉質嫩滑🍗面層放上大量蒜蓉及醬料調味🧄食落更加香口惹味。🔹芝士玉子燒 ($88)玉子燒非常厚身，中間夾著流心芝士🧀並做到拉絲效果，微甜的玉子跟咸香十足的芝士配搭得宜。

一早聽朋友講過哩間居酒屋唔錯，話佢啲串燒幾有特式，同事last day我地就黎哩度同佢farewell。居酒屋店面唔大，感覺比較家庭式，反而靜靜地幾啱傾計。一坐低，先黎每人一碟前菜($10)，雖然要收費，不過都交足功課，係牛舌黎，鹹鹹辣辣幾惹味。紫菜芥末八爪魚($58) - 芥末八爪魚比想像中多，食極都仲有，而且切得唔會太細粒，仲保持咬口，最難得係紫菜keep倒脆嘅。香蔥吞拿魚薄脆($88) - 吞拿魚幾油潤，下面嘅脆米香脆得黎唔會太硬。秘制半熟堅魚他他($118) - 堅魚表面輕燒過，食落唔會太油，加埋柚子汁，酸酸地幾清新開胃。紫蘇三味雞肉串($48) - 三味雞肉串有明太子、柚子胡椒同蜜糖芥末，紫蘇葉味道唔會太重，仲食倒三隻味。青森青提豚肉卷($48) - 用豚肉包住青提第一次見，雖然冇荔枝咁甜，但一樣咁好食！鹹蛋媽媽素肉棒($48) - 素肉棒口感同味道都完全唔似素肉，亦唔會好油咁，加埋鹹蛋黃醬非常惹味。脆皮風鱔($88) - 風鱔肉質扎實，鱔皮燒到脆脆地幾好食。蟹肉蟹膏甲羅燒($88) - 蟹蓋入面已經有蟹膏同蟹肉，食之前可以加埋下面嘅蛋黃入去撈勻再放上餅乾上面食，蟹膏味道濃烈