在家居酒屋 (已結業)

上次去屯門住宅區嘅地方有居酒屋，今次去到大圍村落亦有居酒屋真係奇妙食不斷有，唔知多唔多人搵到嚟呢度呢？呢間有唔少招牌菜，旋風滑蛋實在好吸引，可惜當日咖喱賣晒，相信係太好食唔緊要，配牛油果都係初體驗，效果出奇地夾，成個配搭好柔和特色丼飯亦令人流晒口水，大大塊海膽加埋唔留手地多嘅蟹膏蟹肉，配上酸度剛好嘅醋飯，小心上癮牛腸都係呢度嘅吉祥物，好內臟嘅朋友就應該試吓，味噌醬同腸味兩種香味嘅混合，係好有驚喜話明居酒屋，酒類果然冇令大胃失望。Have Fun酒味較出，令人有啲have醺Snowball有蛋味同乳酸，係幾可口嘅飲料

今日同完男朋友響大圍踩單車，見肚餓就響OpenRice度搵咗一間日式黃店食嘢。舖頭附近全部都係大排檔，得佢一間係日式餐廳，所以都幾易搵，舖頭出面仲有一幅好靚嘅貓貓壁畫，打下卡都唔錯。餐廳裝修都幾靚，枱與枱之間唔會坐到好迫，入去之前店員都會幫你探熱，再用搓手液消毒雙手，之後再叫你寫返紙仔，防疫措施都做得足夠。套餐價錢實惠，野食都幾多元化。蟹膏海膽丼：有一半都係蟹膏，意想不到咁足料，馬糞海膽色澤金黃、外形飽滿，口感creamy，好新鮮清甜，食完好滿足！日式味噌牛腸鍋：牛腸鍋係福岡名物，好少日本餐廳會做，味噌湯濃郁，牛腸煮到軟淋淋，入口油香四溢，好邪惡呀，但係其實牛腸有豐富膠原蛋白，係美容養顏嘅佳品。配料有粉絲、椰菜同埋南瓜，一個人食呢個鍋都會好飽。自選壽司拼盤：本身驚唔夠飽，就揀咗幾舊壽司食，質素都唔錯，配搭都有花心思度過，例如：帆立貝壽司會用青檸吊味；鰻魚壽司面頭會有蛋絲。當中油甘魚壽司肥美甘甜，強烈推薦。金磚炸豆腐：唔太油膩，炸到皮脆內軟，一舊一舊食唔停口，話咁快就食咗一碟。要讚嘅係店員態度好好，本身我箍緊牙，啲嘢食要剪碎先可以食，男朋友食完收返把剪刀嗰陣唔小心整傷隻手，店員都即刻攞膠

正苦話唔洗停晚市喎👏🏼我梗係有好似放監一樣嘅感覺🤪想去威唔想帶頭盔⛑真係吊頸都要抖下氣😌今日收工同事即興話去癲嗱😆帶我去咗佢屋企附近果間新開日本菜試新嘢😋平時搭車經過見好多人等外賣，既然堂食有晚市唔係唔去食吓嘛😂😂由馬鐵顯徑站行過嚟都係8分鐘左右，店舖又易搵！一嚟到見到門口同店內外牆身同地下都係全水泥feel，感覺時尚而簡約，配合深色木紋枱櫈更添風格！步入餐廳仲有陣陣新裝修嘅氣味，燈光柔和，傾計飲嘢慢慢食gathering一流！我哋二人叫咗...海膽玉子燒🥚：玉子真係百搭配乜都夾！原來微咸海膽遇上微甜玉子係咁好味㗎🤩下次都要encore！燒雞扒烏冬🍜：雞扒一啲都唔油膩，仲燒得好好味！日本烏冬好彈牙又夠滑👍🏽到壓軸「特色丼飯」出場...我揀咗蟹膏海膽丼🦀😍😍😍呢個不得了！如果要用一個字去形容就係「鮮」若然要用兩個字去形容「嘩！正！」今晚牛腸鍋賣曬試唔到😢下次要再嚟食到為止😂😂