French Lab (已結業)

有冇朋友同我一樣 😗留喺香港會周圍搵唔同國家嘅餸菜 🥢 扮自己去咗轉旅行 ✈️ 緩解下舖旅行癮 🥲上次就介紹咗英國菜 🇬🇧 今次就嚟試吓呢間法國私房菜🇫🇷 《午市套餐篇》出面放咗任飲唔嬲嘅檸檬水同伯爵茶 🍋.🔸粟米忌廉餐湯 | ⭐️: 3.6/5 午市套餐會附送一杯餐湯 🥣 每日都會唔同今日就試咗佢個粟米忌廉湯 🌽忌廉味都幾濃 入面有啲粟米渣 多咗啲口感份量唔會話好多 但肚餓嘅話都可以頂下肚因為主菜都係即叫即整 🔥 需要等一陣 🕐.🔸 煎虎蝦龍蝦汁寬帶麵 $98 | ⭐️: 4.3/5 今餐最愛 ❤️ 呢間餐廳煮嘢好有誠意所有意粉都係老闆手工製造 👍🏻 係今時今日香港呢個速食文化嘅世代 仲要堅持𝘏𝘈𝘕𝘋-𝘔𝘈𝘋𝘌真係唔容易 ☺️ 真心幾欣賞 👏🏻虎蝦好新鮮 煎得好香 🦐 麵入邊都夾雜咗啲龍蝦肉 😳龍蝦汁味道濃偏鹹一開頭覺得佢唔係好大碟 但發入面個底原來鋪咗好多意粉 😂 所以食到後尾好飽 🤰🈵️.🔸西冷扒 配薯蓉 大啡菇 紅酒汁 $118 | ⭐️: 3.9/5 菇控表示最鍾意佢個炸大啡菇 😂🍄利申好少嗌西冷扒食 所以覺得無咩資格評論🤷🏻‍♀️同行朋友表示唔係太濃牛味🐂薯蓉份量都幾大 一定夠飽 😬百幾蚊

番咗成年工，一直都覺得九龍灣工業區係食物沙漠，一係就好貴嘅商場餐廳，一係就普通茶記，根本都唔知道有一間咁好食同抵食嘅法國餐廳。直到有個好朋友又咁啱番九龍灣，無意中發現，食完之後極度推介，所以今日決定一試。呢間餐廳係環球工業大廈1樓，即係時代冰室個棟大廈。標題叫半隱世，其實又唔係真係難搵，但唔係地鋪，要搵下先知有呢間餐廳。提提大家去呢間餐廳要book定位，因為冇Walkin之餘，book咗位仲有九折添。呢日我地4個人，叫咗4個主食加一個小食，九折後每人104蚊，lunch食法國菜真係幾抵食。我地叫咗以下5個，牛骨髓意粉係必叫，因為冇乜餐廳lunch有呢個食到。然後虎蝦龍蝦汁麵都唔錯，食得出係自己煮個汁，龍蝦味非常濃。提提大家，佢地嘅意粉係手打，有分3款厚度不一嘅意粉揀。至於個油封鴨脾好嫩口，個汁都好配個鴨脾，酸酸甜甜咁。唯獨個西冷扒有啲難咬。最後想講午餐冇野飲，但就有佢地用香草浸成嘅青蘋果檸檬水，清清地，幾好飲。南瓜湯炸水牛芝士配莎莎醬 $38油封鴨脾 $98西冷扒 $118牛骨髓香辣牛肉寬帶麵 $108煎虎蝦龍蝦汁寬帶麵 $98