Iberians (已結業)

今日黎到尖沙咀食西班牙菜，原來餐廳既名係指伊比利亞半島，西班牙就係呢個島上面～餐廳裝修充滿異國風情，牆上面既畫、餐具、地磚等都好特別，加埋黃黃地既燈光，好啱同朋友收工黎飲野食飯！✨Sangria white一講起西班牙既酒就即刻諗起sangria，姐係用紅/白酒加鮮果調製而成既水果酒，味道酸酸甜甜，好啱同女仔一齊飲架！✨ 西班牙吐司有四種味道，我最中意既係蕃茄莎莎同大蝦配大啡菇。蕃茄莎莎酸酸地，加埋洋蔥好清爽；大蝦彈牙，大啡菇多汁。吐司仲烘過，配埋橄欖油非常香～✨海鮮煎餅煎餅煎到勁香脆，但入面又好軟糯，加埋入面一舊舊彈牙鮮味既海鮮，好豐富！✨燉安格斯牛小排牛小排既牛味好香濃，啲肉燉到唔會好柴，又唔會過份軟爛，仲係keep到彈彈地既口感。個汁係酸酸地，食落唔會好膩，同黎配滑一滑既薯蓉非常夾！✨西班牙雞肉燉飯平時食海鮮炒飯食得多，今次試下雞肉燉飯。個飯一入口就有超濃既蕃茄味，而啲飯仲keep 到有咬口。而且啲雞肉唔係切成一粒粒，而係一件件雞件咁，食落仲有肉汁～

冇咗風假，好彩返工後仲有美食。走入Iberians 食西班牙菜。第一時間就上咗我最鍾意嘅 — 酒！Sangria white🥂西班牙菜少不了Tapas。西班牙吐司一客四件，有蕃茄沙沙、橄欖醬、蝦配大啡菇、帕德龍辣椒配意式肉腸。當中最鐘意蝦配大啡菇，大啡菇好juicy。另一Tapas 係阿爸最愛海鮮煎餅。煎餅煎得好香脆，一啲都唔油膩。每啖都有海鮮，好足料，有蝦、魷魚等等。周打魚湯好creamy，食飯之前暖一暖胃。肉類點咗燉安格斯牛小排，牛排燉到好淋，好入味。薯蓉超好味，勁滑，配埋牛肉燉汁好惹味。食西班牙菜當然要叫西班牙海鮮炒飯！以蕃茄醬做base，配合各種各樣嘅海鮮，例如青口、蜆肉、魷魚、大蝦，令炒飯既有淡淡蕃茄酸味亦有海鮮味。炒飯底有青豆、橄欖、蕃茄仔，增加風味同口感。叫多一客海鮮tapas，白酒煮藍青口。平時焦糖燉蛋就食得多，今次就食加泰羅尼亞焦糖奶凍。外觀兩者差唔多，味道上都幾唔同。焦糖奶凍表面同樣有層薄薄嘅焦糖，但佢係完全凍嘅。奶凍部份比較結實。味道上有少少果香、橙皮味，比焦糖燉蛋冇咁甜。

Iberians係尖東一間西班牙fusion餐廳，店面比起同類形餐廳大，坐得鬆動又舒服，花紋地磚、掛簾同餐具令成間餐廳彌漫住一股異國風情。見Openrice訂枱有9折，今次同朋友飯聚就揀哩度試下。Iberians唔係一間純西班牙餐廳，所以除左Tapas哩類佐酒少食，佢仲有多款飽肚嘅主菜同飯麵提供，份量都偏大份。周打魚湯($88) - 比出面嘅大碗，可以兩三個人share飲，周打魚湯唔會太杰，入面都有幾多蜆肉。西班牙吐司($98) - 吐司一碟有四款唔同口味，由左至右係番茄沙沙、橄欖醬、辣椒配意式肉腸同蝦配大啡菇，旁邊仲有沙律菜。吐司口感鬆軟，其中我比較鍾意橄欖醬，鹹鹹地幾惹味。香辣蒜香橄欖油大蝦($58) - 鐵鑊入面都有幾多隻大蝦，蝦肉食落好爽口，蒜味好香濃，辣度其實只有BB辣，點到即止咁，就算唔食辣嘅都食倒。燉自家煙燻安格斯牛小排($188) - 牛小排份量比想像中多，入面都有四五件，每件都幾厚肉，牛小排燉得好腍好入味，旁邊仲有好多薯蓉，所以食完都幾飽。蟹肉蟹膏闊條麵($268) - 闊條麵除左蟹肉同蟹膏，上面仲加左隻半熟蛋，半熟蛋好流心。闊條麵比出面食倒嘅薄身，撈勻食每一啖都食倒

燈光暗黃既餐廳，裝潢同擺設都幾有民族氣息🧱大概位置偏僻啲，閒日夜晚客人唔算好多，環境較為寧靜，座位闊落舒適🤭食物選擇同份量比起我以往食過既西班牙餐廳算多🤣▪️ 周打魚湯（7/10）💲88個湯底係將薯仔磨成粉狀，仲有洋蔥粒、煎香過既三文魚粒，唯獨係三文魚間唔中有細骨🥣▪️ 西班牙吐司（6/10）💲98個吐司同預期中有些少出入，係普通無任何烤烘既長法包👉🏻👈🏻擺上帕德龍辣椒配意式肉腸、蝦配大啡菇、番茄沙沙、橄欖醬🫒整體比較平凡，相信單點帕德龍辣椒或蝦會更好🤨▪️ 海鮮煎餅（7.5/10）💲68面頭係炸南瓜絲，煎餅似係薯餅咁但更為香脆，入面有魷魚粒，食落感覺都唔太油膩😎▪️ 西班牙雞肉燉飯 （6.5/10）💲228有唔少大大舊既雞肉，肉質嫩滑得黎頗香口🐔個燉飯就係以蕃茄粒同埋三色椒為主，但始終燉既關係，入口濕潤，飯粒亦腍身🤭▪️ 燉自家煙熏安格斯牛小排（6/10）💲188淋上少少BBQ醬汁，煙熏味超級重，稍為蓋過左個牛味，而且Overcook左，質感比較厚實，需要多加嘴嚼，不過底下薯蓉幾幼滑🙈▪️ Sangria Red （7.5/10）💲89；45 (50% off)呢杯都幾易入口，皆因紅酒味唔會太濃