孖啡

营业中

休息中

星期六同朋友去咗旺角一間樓上Cafe，真係好開心，可以一邊玩board game，一邊吹水。今次我哋叫咗幾樣好味嘅食物，先介紹一下。首先，叫咗龍蝦汁海鮮意大利粉（$94）。呢個意大利粉唔錯，有三隻蝦三條魷魚同埋兩件青口。意大利粉嘅口感剛好，唔會過軟，搭配龍蝦汁，唔錯。接著係軟殼蟹黑松露意大利粉（$102）。呢個意大利粉加咗軟殼蟹，蟹肉香脆，黑松露足夠嘅，同creamy。我哋仲加咗龍蝦湯（+$28），呢個湯喝落去好舒服，唔會太鹹。飲品方面，叫咗西班牙咖啡（$50）同節制（$48）。西班牙咖啡香濃，上面仲加咗球雪糕，啱晒鍾意食甜品嘅人。至於節制係菠蘿味特飲，味道清新，適合餐後飲，令人感覺輕鬆。總體來講，今次嘅用餐體驗愉快，食物唔錯，環境輕鬆，係一個好地方可以同朋友聚會。

孖啡 (旺角)📍旺角彌敦道577號高氏大樓4樓行行下街落大雨☔️要搵個安全地方躲避，所以上咗黎食個lunch -🌀凱撒沙律 $76同等份量Lunch 係抵食好多！有大量碎芝士同麵包糠，好清新又唔Dry！-🌀西班牙咖啡 +$12跟餐加$12就可以轉特飲，有雪糕喺面頭，creamy 得黎咖啡味都幾香濃！係幾抵飲！-🌀水牛城雞翼 $58個醬汁比一般嘅水牛城雞翼唔同，感覺比較中式，酸酸甜甜。勝在雞肉都幾嫩又多汁。-🌀炸魚薯條 $138薯條份量幾多！大大條又炸得脆。-🌀藍莓果茶 $56落咗好多乾果，味道幾香。加咗個小蠟燭，可以保持溫度，慢慢飲都唔會凍。-新餐牌：

放工來到旺角， 和朋友揀了“孖啡”, 一齊食晚飯， 地點就在信和對面，十分方便。七點入座， 餐廳已經半滿！ 晚餐共有A至J十款選擇，超多選擇！ 我們揀了龍蝦汁海鮮天使麵和軟殼蟹黑松露義大利粉。 跟餐可以揀特飲， 可以加配蛋糕， 心太軟等甜品。打開drink menu, 有一系列的以塔羅牌內容名明的特飲， 超有心思。 另外有咖啡， 朱古力， 奶昔， 花茶， 果汁類飲品，一定可以揀到合心意的飲品！下單一陣， 好快就有野飲， 選了“審判”, 由青蘋果， 菠蘿， 薄荷， 檸檬沙冰製成； 朋友點了西班雅咖啡， 味道香濃。之後來到主菜， 海鮮天使面， 醬汁鮮香，配料新鮮， 幼身的天使麵混和醬汁， 鮮味一流！ 而軟殼蟹意粉， 黑松露超香， 食落松露在口中散發， 軟殼蟹， 炸得香脆， 配上雜菌， 口感豐富！甜品方面， 我們點了心太軟和Cheese Cake, 兩款都好有水準， 為晚餐加上不少分數！“孖啡”果然係旺角食飯聚會的好地方！

最近鐘意去下cafe坐下傾下計，約左個fd出旺角行街，行左陣過左lunch最多人既時間，我地先搵食!我朋友介紹左間樓上cafe佢話唔錯既，咁唔洗諗唔洗上網搵啦!就食呢間!間cafe係旺角油麻地交界，潮流特區斜過對面果條馬路就係，都好易搵好方便!環境以深色為主，係梳化櫈，地方都闊落，幾舒服我地兩個人叫左兩個lunch set..一個小食仲有一份甜品，食到好飽好滿足，仲可以嘆住杯飲品慢慢傾計，hea下放假都係想咁樣輕鬆下咋嘛