Plato Cafe & Bistro (彌敦道) (已結業)

🍴呢間餐廳已經係三訪 地點方便 餐廳地方大 都係聚餐嘅好選擇🍝餐廳有dinner set ， set包左餐湯， 蒜蓉包同埋$34以下飲品今日係蕃茄海鮮湯 好香濃 唔係好酸嗰隻蕃茄湯 我幾欣賞 其實我覺得有少少似龍蝦湯 😂蒜蓉包有滿滿蒜蓉醬 但如果更脆就好🍝龍蝦汁海鮮天使麵 $168天使麵口感唔錯 冇煮得過淋 海鮮種類好多 有三文魚，青口，蜆，蝦 。如果龍蝦汁味更濃就好🥩西班牙黑毛豬鞍架平時唔多叫豬 怕豬會硬 但呢個豬雖然好厚身 但煎得好Juicy 一d都唔乾身 配有紅桑子汁 唔都已經夠味 點左就更突顯甜味配菜有香草牛油焗薯仔，西蘭花同沙律。不過薯仔過硬 其他都ok🌹Rose Latte +$14Rose Latte 嘅玫瑰味一d都唔香精 而且冇蓋過咖啡味配有簡單拉花同玫瑰花瓣碎 賣相不錯🥤Oreo Mike shake +$24雖然呢個加得比較多錢 但真係好好飲😍奶昔好滑 唔會飲到沙冰感 曲奇味好濃但冇死甜感覺🍰抹茶芝士蛋糕 +$28跟餐+$28可以加配蛋糕蛋糕size比較細 一個人食剛好 蛋糕用木碟裝 好有日式感覺芝士蛋糕好creamy 好想再食一件另外餐廳都有寫生日碟service

喺Openrice訂咗枱食晚餐，準時到達即刻入座，一坐低水同餐牌就已經準備好。環境唔錯，坐就都算係舒服。Dinner set先有Openrice個88折優惠，咁就梗係叫Dinner set。有好多選擇，豐儉由人。最後加左$28升級咗龍蝦湯，食唔到龍蝦肉，但湯都好濃味，稠度都算適合。主菜揀咗西班牙黑毛豬鞍架，煎得幾香，外層少少脆，入面啲肉都唔韌。有三分一肥肉、三分二瘦肉，比例都可以嘅。味道未算好有味，但點埋個汁就幾好啦。薯條都炸到好香脆。個人就唔鍾意食沙律所以就算啦。Dinner set包一杯$34飲品，我補$10叫咗杯Cuppercino，個拉花勁得意，係3D貓肉球（定熊？），個人唔鍾意florish嘅blend，不過都OK。服務方面都幾好，人客唔算好多，上菜加水埋單都快手。總括而言，都食得幾開心，物有所值。

平時禮拜日都係約老友或者胃弟，今次就陪吓大胃之母行吓果欄，買到一袋二袋咁，就搵以前做嘢成日會上去放lunch嘅餐廳試吓食晚市湯好似進步咗喎，夠晒濃味包都好食咗喎，浸湯食真不錯夜晚唔敢飲咖啡，於是飲朱古力，加埋cream成件事好令人舒服呢碟risotto色水相當可觀，食落果然好濃郁，牛頰面肉仲要幾多吓大胃之母的健康之選黑毛豬鞍不得之了，煎得非常漂亮，點吓醬汁簡直係完美配角都唔係hea㗎，一樣配合返主角嘅水準最後加咗個甜品，玉桂條配雪糕認直完善咗成個晚餐，好好食呀開始有啲聖誕氣氛喇

同朋友係油麻地行完街有啲攰，想搵個地方靜靜咁食個晚餐，路過見佢嘅 dinner set menu 都幾吸引，就決定入去試下啦～😊店員安排我地坐窗口位，可以望住彌敦道街景食晚餐都幾好feel😉我地叫左兩個 dinner set，分別係香蒜白酒蜆意大利粉和西班牙黑毛豬鞍架，都配備是日餐湯、蒜蓉法包和餐飲～ 今日嘅餐湯係忌廉湯，餐湯和蒜蓉法包嘅味道都唔錯😌餐飲方面我地揀左檸檬生薑茶和紅桑子草莓茶，味道幾清香～香蒜白酒蜆意大利粉 （套餐價 $138)首先講佢嘅蜆，用白酒煮味道唔錯，蜆肉都有小小清甜嘅味道，配埋蒜蓉汁真係又香又好食！😉 佢嘅意大利粉蒜味香濃，加埋香草和牛油真係好惹味，味道適中，唔會過淡 / 鹹👍🏻👍🏻西班牙黑毛豬鞍架 （套餐價 $218）黑毛豬鞍架表皮烤得幾香脆惹味，就算係豬皮口感亦唔會好肥膩～ 肉質幾厚實，肉量都唔少，係飽肚之選！黑毛豬配上醬汁味道幾好😋配料方面仲有焗薯仔、西蘭花和沙律菜～ 我幾鍾意食個焗薯仔，有香濃嘅牛油和香草味道，好惹味～ 一下子食得太多肉，都需要沙律菜去中和下個油膩感，所以配菜選擇方面都唔錯～總結，呢間餐廳無論環境，定係食物質素都幾好，值得推介😊😊

今日有約咗朋友去食飯，但成日都喺旺角尖沙咀，今日就偏偏走咗去油麻地，因老友介紹這裏有一間西餐廳，味道不錯所以專程去這裏嘗試， 這間在酒店樓上的餐館《 Plato Cad & Bistro》大可放心在樓下很容易見到他的招牌，雖然大廈門口不算起眼一上到電梯便看見很有氣氛的門口，前行兩步便到達他的接待處 餐廳內裡的環境很舒適，再配合柔和的光線 至於食品方面任君選擇，有套餐有自選，有時真係唔知點揀好，樣樣都好似好好味 西餐呢唔開雜菜湯，內裏的配料很多，而味道很濃又不會太酸 一個簡單的蒜蓉包入口香脆 朋友就叫了一個美國安格斯西冷牛扒，點菜是叫師父煮七成熟，上臺後切開還帶少少粉紅的肉色，但還是香脆，肉質爽嫩 一個煎得甘香味燶的西班牙黑毛豬鞍架，表面已看到煎的時候很用功夫，再切開時還是鬆軟，再咬入口不會感覺蘇味及能滲出濃濃的肉味，如果點少少醬汁更帶出微酸的感覺 至於飯後甜品，我們選擇了美式芝士蛋糕及藍莓芝士蛋糕， 兩種各有特色芝士味不會太騷，至於藍莓芝士蛋糕還帶有藍莓的鮮果味，餅底入口鬆軟 餐茶就叫了一杯Expresso，這杯咖啡聞樂很香噴噴飲落口不會苦澀 在這裏享用晚餐，感覺很舒服，有機會定能再到

今晚收工食飯來到油麻地的Plato, 第二次來比上一次明顯熱鬧了不少! 點了Set Dinner: 蘇格蘭比目魚扒, 西班牙黑毛豬鞍架。不用等好耐, 餐湯和飲品好快送上。食過餐湯配蒜蓉包, 然後是主菜蘇格蘭比目魚扒, 西班牙黑毛豬鞍架。比目魚醬汁調配得好出色, 魚扒肥美, 配上黑松露野菌汁, 令人食唔停口。黑毛豬鞍份量充足配紅桑子汁, 解膩開胃, 和肉汁滿滿的豬鞍好夾!兩個人share 兩個Set, 超滿足! 最後點了檸檬生薑茶和薄荷朱古力, 兩杯特飲為晚餐畫上完美句號! Plato絕對是油麻地區少有的高質Cafe, 和朋友食飯一定要來!

呢到真係唔係朋友介紹都真係唔知呢到原來有間隱世西餐廳係到。今日經開油麻地，就同老婆上黎試下。呢到地方夠大，環境舒適我地最後決定叫個2人套餐熱辣辣既法包，配上忌廉湯頭盤：酸忌廉煙肉薯條薯條外脆內軟，配上酸忌廉煙肉絕配，好味意粉我地揀咗法國牛肝菌帆立貝忌廉意大利粉，呢個意大利粉超好味，個汁好濃好配d菇同埋意大利粉，粒帆立貝超大粒，食落新鮮，熱辣辣冇雪藏味。主菜點左西班牙黑毛豬鞍架：黑毛豬肉質鮮嫩，外皮煎得脆脆的，配以紅桑子燒汁非常夾甜品：美式芝士餅/提拉米蘇，2款都好好味，唔會太甜，好滿足飲品：黑牛，白牛黑牛=朱古力雪糕加可樂白牛=雲呢拿雪糕加雪碧總結：呢到既食物水準一流，野食好味，值得一試再試

Plato Cafe & Bistro我同老婆之前已經來過好幾次, 因為老婆好鍾意食呢度嘅豬鞍, 所以通常我放工如果自己去In's Point睇完玩具等佢收工之後, 都會選擇上去呢間Plato食。😁Plato開左業一段時間, 客人愈來愈多, 今晚我地係第一次7點到已經差唔多坐滿人。餐廳裝修以黃色為主調, 感覺好sharp好醒神。😙Dinner set價錢介乎$98至$208, 已包括餐湯, 蒜蓉包, 主菜同餐飲。我地今晚揀左黑松露野菌意大利飯同西班牙黑毛豬鞍架, 另外加左$18升級左一客龍蝦湯。是日餐湯係周打魚湯, 味道正常, 龍蝦湯味道濃郁, 唔會太膩, 配香脆嘅蒜蓉包食好配。👍黑松露野菌意大利飯好creamy, 飯質軟腍, 黑松露味濃, 兩個人Share份量都足夠。老婆最愛嘅豬鞍肉質鮮嫩而且好厚肉, 大大件, 外層香口, 非常惹味。😋最後嘆埋杯mocha, 埋單每人唔駛$200, 性價比好高。😍

見到近期上榜又甘多人好似話幾好多食既餐廳，難得我地兩個又係油麻地收工，所以就book定左台，上到去即刻有得入座。睇完晒Dinner set & 2 人set最後揀左2人set。上菜速度都ok，不過張台就細左d，搞到d野食唔係好夠位放....栗米湯，偏甜，garlic bread就正正常常啦～法式龍蝦湯（＋$18），個湯夠濃夠味，似係連殻一齊煮先甘夠味，亦係成餐最滿意既一個。Chocolate & Hazelnut chocolate，不過不失甘啦～西班牙黑毛豬鞍架，個肉俾我地想像中嫩，算係繼龍蝦湯後另一個推介之作。酸忌廉脆煙肉薯條，無乜太特別，正正常常甘～龍蝦汁大蝦意大利飯，個龍蝦汁唔夠個湯出色，但隻蝦都整得算爽脆，合格啦～Tiramisu，不過不失～Blueberry Cheese Cake，都似一大pat blueberry paste就甘撻上去，正正常常。整體黎講只係得45-55/100分，扣分扣得多既係兩個人埋單$537食西餐但食物質素唔到呢個價錢（只有龍蝦湯算係meet到呢個standard），同價錢係旺角油麻地可以搵到d更出色既西餐，加上張台唔夠大放野有d麻煩同比較嘈吵，所