壹級日本料理 (已結業)

呢間冬菇亭餐廳係意料之外既高質呀！忌廉蟹肉薯餅豬骨濃湯手打烏冬 ($48) （7/10分）蟹肉餅炸得鬆脆 內餡好creamy 一咬就流哂心咁 而且味道好好 有蟹肉絲 同埋即使係忌廉都唔會膩~ 烏冬就冇咁驚喜啦 湯底幾香濃 但個手打烏冬就唔夠彈牙角切魚生粒飯 ($35)性價比極高魚生飯！$35咁平既價錢本身對佢冇乜期望 但係原來佢真係咁抵食！整碗魚生飯既份量都幾多 魚生真心鮮甜而且多款 係三文魚比較少~ 想食咁平既魚生飯都要碰下運氣 因為佢每日既特價午餐都唔同蘋果豚肉卷串 ($22)好好食既卷!蘋果既麥爽甜中和左豚肉既油膩感 而且燒得好好 豚肉既邊係香脆 同時又唔會乾

經過大圍美林邨，見到🈶️間日本嘢，之後入左去食，一坐低，嘩，仲🈶️$35個飯，立刻叫左，來到時比預期中大宛，好食好香，飯夠哂飽！飯內🈶️不同魚生，青瓜，旦粒，三立魚子，芝麻！ 雖然嗰啲飯比較林，整體好🈶️心，個宛好靚！仲有佢個度個環境很舒服，室內🈶️水聲，🈶️太陽小天幕頂，裝修青🉐️來好自然，佢果度點片位真的坐🉐️很好，🈳️間不太窄不太闊！ 值得一提的是，佢其他餐都好底食，後面仲有加8蚊可以加小食，平靚正，大份夾好食！正！

一直以嚟對熟食亭嘅印象停留響大排檔常餐之類嘅食物，但上週末同女友去咗大衛美林邨熟食亭之後大開眼界。我哋想食完飯去沙田文化博物館，但沙田新城市個場又人滿為患，所以決定由大圍食個飯，然後慢慢行過去。經過幾間熟食亭一睇！日本嘢？價錢又相宜，不如食呢間。首先叫咗啲小食：螢光魷魚仔：入口鮮甜鱈魚乾：上檯之前明顯加熱過，蒸走啲水氣，熱辣辣，脆卜卜！點埋蛋黃醬，好食！入去餐廳見到 Menu 已經覺得呢個角切魚生飯嘅價錢好吸引！$35！真係 AEXN、SXGO 都做唔到呢個價啦！一於叫嚟睇吓乜料！食落，非常好！魚生嘅份量唔少但新鮮，仲要只得少量三文魚，最少仲有吞拿魚！不過點心嚟嘅，之後同女友再 Share 咗份銀鱈西京燒。燒魚嘅火候剛剛好，拎嚟送飯真係一流！因為叫多咗小食同唔係餐嘅銀鱈西京燒，所以呢個 Lunch 嘅人均消費貴咗少少。但係睇返佢個 Lunch Menu，其實真係價錢實惠，值得去食！