豪門小菜火鍋

营业中

休息中

雖然九龍城比人嘅感覺都係泰國餐廳多,但除左泰菜外其實都隱藏左好多隱世美食!今次就搵到呢間小菜火鍋嘅餐廳,除左火鍋外仲有各式各款嘅小菜,新鮮得黎又充滿風味.上湯龍蝦升級版嘅龍蝦伊麵!!平時龍蝦伊就食得多,但大多數嘅餐廳都係用波士頓龍蝦去製作.豪門就將呢道菜昇華,將波士頓龍蝦upgrade做西澳龍蝦.龍蝦肉爽口彈牙,夠晒新鮮.配上上湯更突顯鮮味.講到龍蝦又點少得伊麵,龍蝦底下嘅伊麵彈牙煙韌,伊麵吸晒上湯汁同龍蝦嘅精華.豪門卷豪門獨創小食!!以港式西多士做靈感再加以變化,變成呢款招牌菜.以油炸鬼做外層,內裏釀入手打墨魚滑後再炸香,最後係豪門卷上灑上芝麻.口感外脆內彈牙,豪門卷口感唔會好油膩,口感真係有層西多士果種酥脆感.豆醬雞用上雞味更濃郁嘅清遠雞製作,經過預先酥炸香後再以潮式普寧豆醬再熬煮一次.雞肉肉質相當嫩滑而且充分地吸晒豆醬嘅豆香.同自身充滿鹹鮮香嘅清遠雞配搭味道更香更鮮味.豉椒炒蟶子蟶子彈牙充滿鮮味,入口無沙.經豉椒炒香後惹味得黎又多鑊氣.花膠魚翅炖雞 一壼超足料嘅燉湯,味道帶香濃雞湯香氣,湯底清而不膩.

忍唔住，第一次寫，因為唔想有人中伏！見網上啲評語咁好，咁多人介紹，就諗住同屋企人去試吓，4個大人2個小朋友食咗$2000幾🤑我哋嗌咗：🤮最熱門嘅芝士龍蝦伊麵，芝士醬好杰，好多粉，個伊麵底撈唔散成pat野，龍蝦得少少，要成$450🤢然後話係另一個推介椒鹽通菜，就係yam咗炸漿嘅通菜莖，真係唔識欣賞，個漿又厚，就咁食炒通菜會開心啲。😵‍💫黃金炸豆腐，當你以為炸豆腐應該係外脆內嫩嘅時候，佢竟然係用煎釀三寶嗰種豆腐即係硬豆腐嚟炸，成件事乾曾曾，一啲都唔滑。☹️油浸筍殼魚，唉，炸得唔脆，overcooked 左條魚，魚無味，個豉油都無味。😅豆醬雞，個味唔錯，肉都滑，好食只不過當日隻雞肥到hihi。👍🏼蠔仔粥，成晚覺得最好食嘅，足料，蠔仔大大粒，個湯底都好味。

👍🏻A Grade頂級太湖大閘蟹(九折後) $133/隻(時價)呢個價係5両至5両半蟹乸，當日九月尾去蟹乸當造，蒸起一上枱已經見到爆哂膏🤩！蟹膏蟹黃份量好多，直頭係大大啖蟹膏放入口🤤口感豐腴軟熟，甘香鮮甜，完全唔腥冇苦味，好新鮮👍🏻仲拆到唔少蟹肉嚟食，勁正😭！老闆話大閘蟹亦可以外賣送上門，但留意堂食/送貨都需要提早一日預訂公/乸/唔同size價錢不一，有興趣嘅朋友問返餐廳會準確啲味道：9/10性價比：8/10-👍🏻古法秘製羊腩煲(九折後) $304/小用上紐西蘭羊肉，炆得好入味，肉質又唔會過老鞋口唔少羊肉近骨位，比較有肉香，羊味濃郁但唔算好羶中間痴住少量脂肪，食落有類似軟骨啫喱嘅口感😛細size約2-4人份，羊肉份量都唔少，而且厚切大舊另外仲有幾個size，多啲人嚟食打埋邊爐都仲得配菜有花菇、枝竹、冬荀同馬蹄，全部都滾得好入味，尤其枝竹索晒啲汁🤪配上腐乳醬，不過本身醬汁已經好濃味，唔使點腐乳都好夠味😋同大閘蟹一樣，羊腩煲都可以外賣送貨，價錢仲係同堂食一樣另外都可以預訂埋火鍋配料打邊爐味道：9/10性價比：8/10-👍🏻芝士龍蝦伊麵(九折後) $405(時價)選用澳洲龍蝦，有別於一般酒樓

𝘀𝘂𝗻𝗱𝗮𝘆 𝗱𝗶𝗻𝗻𝗲𝗿 𝗮𝘁 @holmenhk , 𝗮 𝗱𝗮𝗶 𝗽𝗮𝗶 𝗱𝗼𝗻𝗴 𝗶𝗻 𝗸𝗼𝘄𝗹𝗼𝗼𝗻 𝗰𝗶𝘁𝘆 𝘄𝗵𝗶𝗰𝗵 𝗿𝘂𝗻𝘀 𝗯𝘆 𝗮 𝗰𝗵𝗲𝗳 𝗱𝗮𝗱 𝗮𝗻𝗱 𝗵𝗶𝘀 𝗱𝗮𝘂𝗴𝗵𝘁𝗲𝗿! 𝗲𝘃𝗲𝗿𝘆 𝗱𝗶𝘀𝗵 𝘄𝗮𝘀 𝘂𝗻𝗶𝗾𝘂𝗲 𝗮𝗻𝗱 𝗺𝗲𝗺𝗼𝗿𝗮𝗯𝗹𝗲. 𝗱𝗼𝗻'𝘁 𝗺𝗶𝘀𝘀 𝗼𝘂𝘁 𝗼𝗻 𝘁𝗵𝗲𝗶𝗿 𝘀𝘁𝗲𝗮𝗺𝗲𝗱 𝗰𝗵𝗶𝗰𝗸𝗲𝗻 𝗶𝗻 𝘀𝗼𝘆 𝗯𝗲𝗮𝗻 𝘀𝗮𝘂𝗰𝗲 𝗮𝘀 𝘄𝗲𝗹𝗹 𝗮𝘀 𝘁𝗵𝗲 𝘀𝗶𝗴𝗻𝗮𝘁𝘂𝗿𝗲 𝗹𝗮𝗺𝗯 𝗽𝗼𝘁!.間唔中都想去大排檔食啲麻甩嘢，今次特登搵咗間係ig見到好耐嘅父女大排檔同屋企人食吓，質素普遍都高絕對值得一試✨ 老闆話呢一轉大閘蟹係咁多轉最靚，果然不論乸定公都超爆膏，甜甜哋仲會回甘勁正！千島百花盞鬼以蝦膠釀入油炸鬼又係出色，點埋酸酸甜甜嘅千島醬超上癮；羊腩煲肉味濃而不膩，打包第日返屋企食啲羊肉都冇老到～ 另外油炸筍殼魚有驚喜，豆醬雞都蒸得好嫩滑添！

就嚟中秋，早排見某平台賣廣告，咪同d屋企人嚟慶祝下。呢間舖沒有太多裝修，就類似大排檔格局。我地一行十多個人，安排咗兩張大枱比我地，都坐得好舒服嘅。我地屋企好講意頭，所以齊齊整整叫咗十個餸，大致味道都幾好，而且都睇得出花咗好多心思嘅，所以食物味道同性價比等等都無問題，睇相都知道係心機之作，值得大家去試。不過最嬲就係侍應態度，真心再好食都唔想去受氣。當日負責我地枱果位女侍應，落單果陣已經唔係好聽到我地講野咁，我地叫「紅燒豆腐斑腩」佢就重複話「紅燒豆腐」，當然我地都重複幾次要埋斑腩，但佢完全無理我地，最後仲話無「紅燒豆腐斑腩」呢款餸，要我地拎個餐牌指比佢睇，佢先肯落單。然後我地又叫咗一個鮮腐竹豆乳娃娃菜，但嚟到變咗鮮茄娃娃菜，我地問返呢位女侍應，佢第一下就好惡話係廚房出錯唔關佢事，然後行開咗行返嚟就話無鮮腐竹豆乳娃娃菜，當然我地又再次指返個餐牌比佢睇啦，佢又行開。最後佢好兇咁話「一係減返$11，一係取消佢唔好食」👈🏻👈🏻我無加無減講返出嚟。其實真係唔係錢嘅問題，係態度問題吧🤷🏻‍♀️之後呢位女士仲要一見同事就ee umum，一路um一路望住我地張枱一直黑面，但其實佢唔係本來就黑面，因為我地走果