女人街食飯公司

营业中

休息中

一直聽朋友講旺角女人街有間幾出名嘅大排檔，仲話佢有個湯係超級好飲😆 鍾意周圍捐窿捐罅搵食嘅我，今次就帶埋屋企人一齊上去踩場，試試佢個湯有幾正😎飲湯前，我哋嗌咗份喺嗰度都相當出名嘅小食——蝦多士！$28一件，仲要有黑松露😜 蝦多士炸到十分鬆脆，多士搽咗牛油，食落好香好好味😋 蝦都幾大隻下，配埋面頭嘅黑松露醬同埋黑松露沙律醬，非常之夾！雖然好邪惡，但食到停唔到口😌無錯！我哋全家人就係為咗呢個湯而嚟🤩 見到有唔少人都嗌咗呢個湯，本身我自己麻麻哋杏汁嘅，不過佢呢個湯嘅杏汁味又唔會勁重，飲落帶甜而且好潤喉，可以連續飲幾碗，果然無介紹錯😚 而且仲有一大碗湯渣食，好足料🤣鍾意食咕嚕肉嘅我嚟到呢度梗係嗌返碟試吓💁🏻‍♀️ 呢度嘅咕嚕肉份量唔算好多，細細碟咁，性價比就唔算好高。不過個咕嚕肉炸粉都幾薄，而且都啖啖肉，同埋每舊都幾大舊下，而個配料都幾有驚喜，菠蘿食得出係新鮮菠蘿，而唔係罐頭菠蘿，如果比多幾舊就仲好啦！小炒皇都係我哋去食大排檔嘅至愛，佢嘅小炒皇好足料，有超多魚乾仔、腰果同韭菜，仲有幾舊大蝦球同魷魚仔，不得不讚佢個蝦球真係好爽口🤩 味道方面，因為加咗XO醬，食落鹹鹹香香咁，用嚟送酒就最適合不過！🔸

👧🏻Wodafoodie in Mong Kok🔥鑊氣小炒真係大排檔先炒得最好食，近年多左d新派樓上有冷氣又乾淨既大牌檔，有特色之餘又可以舒舒服服咁食，一班朋友聚會就最岩啦😃✨🍞🦐黑松露厚蝦多士 $112/4件食正餐之前忍唔住叫左呢個經典懷舊小食😆多士夠厚，炸得金黃酥脆，上面仲有開邊蝦同黑松露作點綴，如果食慣重口味，仲可以點埋佢個黑松露沙律醬，好邪惡呀！😆✨🐚蒜蓉粉絲蒸大元貝 $168/4隻識食扇貝一定係蒸先食得出個鮮味，扇貝夠大隻，蒸得岩岩好夠彈牙，蒜蓉既香味帶出扇貝既鮮甜味，粉絲索盡扇貝精華，夠腍同入味，鮮味十足！😋✨🫑🌶豉椒炒蟶子皇 $232/4隻蟶子皇夠新鮮同無沙，入口爽口鮮甜，唔會炒到老曬，豉椒汁較得岩岩好唔會搶左蟶子既鮮味，可惜4個人淨係叫左4隻有d唔夠喉🤣🤣🤣✨🐮黑椒蜜餞茨仔牛柳粒 $168🔥好受歡迎既一道菜！蜜糖黑椒牛柳粒炒得夠入味同時又做到嫩滑口感唔韌，一口大小，好好送飯👍🏻🥔薯仔份量多過牛！甜甜地幾好食，再脆d就更加好啦！✨🦐咕嚕蝦球 $168平時食咕嚕肉食得多，間中都想轉下，呢個蝦球炸得好香脆！咕嚕汁夠濃稠，完全包裹住大大隻既蝦球，甜甜酸酸但又香口無比🤤超推介呢個

我其實好鍾意食大排檔嘅嘢食但五月食真係會同汗水💦一齊食旺角呢間女人街食飯公司就岩哂我！嘆住冷氣食小炒必食推介：黑松露蝦多士 $28/件（最少嗌三件）真係好好食😋蝦肉好爽口彈牙，大大隻！多士炸到脆卜卜，上面已經有一pat 黑松露醬，連沙律醬都加左黑松露醬👍🏻👍🏻好好食屋村三鮮 $78即係生腸、墨魚🦑加腎片墨魚同腎片超驚喜😍爽口又入味同肥姐xx 一樣咁好食😋蟶子皇$58/只 （兩隻起）揀左豉椒炒，明白既，海鮮清蒸最好食，但我真係好想食豉椒個汁，俾我嗌啦！炒得好爽口，冇overcook, 又鮮甜！超好食😋士多啤梨骨 $108呢個都好驚喜，排骨炸得都脆，唔韌，加埋酸酸甜甜既士多啤梨醬，好開胃，仲有新鮮🍓粒😋😋😋😋😋嗌埋咸檸7 $24 真係夠爽喇呢度裝修已經好懷舊😂都有幾個影相位！全程播住流行經典金曲😂玻璃窗的愛😂😂唔想話我聽過呢首歌🤫🤫🤫

舊同事話帶我去食大排檔，因為我地都好鐘意食小炒，呢間喺通菜街嘅上樓嘅隱世大排檔好高質！一踏入餐廳彷彿走進時光隧道！店內裝潢用心，將舊式街市熟食中心＋大排檔帶到室內！啱哂怕熱又怕凍嘅我地！除左勁啱打卡嘅裝修，仲有海鮮檔添！優惠孖寶 (A) $198 🐔招牌瑤柱走地雞（半隻）賣相極吸引嘅招牌瑤柱走地雞，半隻望落都好大碟！雞肉鮮嫩，雞肉肥瘦均勻，雞皮爽口彈牙，味道同生熟都適中，配埋瑤柱同好似座山咁嘅炸蒜一齊食更入味，而醬汁就有傳統蔥油醬同泰式醬兩款！一碟雞可以食倒三種味！勁！🧄金蒜銀絲大元貝 （兩隻）優惠孖寶嘅另一個小菜-金蒜銀絲大元貝，滿滿嘅粉絲同大量嘅蒜蓉配大大個元貝，新鮮彈牙！正！🦪豉椒炒蟶子皇 $84 /2隻- 豉椒汁香甜惹味，蟶子皇夠大隻，炒得爽脆香口，配料有洋蔥同三色椒好快比我地清左呢碟！🍜豉油皇龍鬚炒麵 $98我最鐘意食炒麵，呢個炒麵抄得唔油仲好乾身！微微嘅鼓油味配埋超Q彈嘅魷魚鬚🦑同爽口嘅芽菜一齊食多種口感！最後加埋傳統辣醬簡直冇得彈！

呢間餐廳以80年代大牌檔為主題📺以舊式香港霓虹燈招牌、鐵閘、酒樓喜宴金龍等作裝飾，專食懷舊本土菜🇭🇰💗黑松露厚蝦多士($28/件)多士炸得金黃香脆，食落唔肥膩🥪舖上爽口彈牙嘅蝦肉同香濃嘅黑松露醬🦐點埋黑松露沙律醬，香氣十足💎💗優惠孖寶($198)🐔招牌瑤柱走地雞(半隻)：半隻雞份量十足，雞皮爽彈，皮下脂肪較多，雞肉涷食肉質依然嫩滑，味道清淡。面頭放滿瑤柱、炸蒜同蔥絲，有泰式酸辣汁🌶同蔥油🥣兩款沾醬🐚豉椒炒蟶子皇(2隻)：蟶子都算幾大隻，食落爽脆鮮甜，唔會有沙。加入豆豉、三色椒🫑同洋蔥🧅一齊炒，醬汁香濃惹味💗馬拉盞時蔬炒牛肉($98)通菜新鮮爽脆，色澤翠綠唔啞色，炒得唔油膩🥬牛肉軟滑唔韌，有牛味而唔係鬆肉粉味🐃馬拉盞調味唔會過鹹同過辣

又到晚飯時間⏰今晚食呢間 #女人街食飯公司佢嘅裝修充滿晒懷舊氣息連啲枱、櫈、燈泡💡都充滿晒懷舊氣味連飲啤酒都用碗上，大大一湯碗超級豪氣😄·鐵板黑椒豬手$148超大份量的原隻豬手，兩個人食綽綽有餘；再加上充滿骨膠原嘅豬皮入口即溶，鹹香又適中，配酒一流👍👍👍·優惠孖寶 $188生炸脆皮頂鴿 -皮脆肉嫩，美味可口，必叫小吃 😋😋😋豉椒炒蟶子皇 - 超新鮮超大隻嘅蟶子皇，配上豉椒爆炒煙韌彈牙又惹味😍😍😍·砂煲臘味豬油撈飯 $68分量十足、誠意十足，粒粒米飯都沾滿晒豬油同臘味，美味得來又唔肥膩，仲有脆卜卜嘅飯焦，絕對是香港的懷舊美食🥰🥰🥰別具特色的打冷小菜、又有充滿香港懷舊氣息的裝飾，絕對係三五知己把酒言歡的好地方📍女人街食飯公司地址：旺角通菜街1A-1L號威達商業大廈1樓1B舖☎️：26851618#女人街食飯公司 #打冷小菜 #大排檔 #懷舊風味 #香港特色 #hkfoodie #foodie