博多拉麵別天神 (已結業)

之前已經食過銅鑼灣同尖沙咀店，近排知道灣仔有一間，所以今日做完facial 後，Mr.J帶咗我去食喇。別天神一向都係我同Mr.J都喜歡食嘅，特別係蝦味噌豚骨拉麵。今日蝦味噌豚骨拉麵無得賣，所以同Mr.J都叫咗別天神套餐，跟餐嘅小食分別要煎餃同小龍蝦蟹子沙律。小龍蝦蟹子沙律好好味，每啖都有小龍蝦肉，食落去好滿足。而且用紫菜包住食，味覺上好夾。煎餃一般，如果個底脆少少會更好。豚骨拉麵嘅麵底係幼身，比較爽口彈牙。叉燒比較瘦同淋，無咩特別。隻溏心蛋不錯，無過熟，仲有少少嘅蛋香𠻹。我最欣賞嘅係個湯底，有唔少嘅拉麵店為個咗豚骨湯可以呈現出奶白色嘅濃厚骨湯感覺而加奶類製品落去，而別天神唔會加依啲野落去，加上唔落味精，飲幾多都唔口渴。依度嘅湯底味道上不錯，唔多油唔太濃，飲落去唔杰身，感覺有啲似屋企煲嘅魚湯，好好飲。下次要嚟食返我最喜歡嘅蝦味噌豚骨拉麵！

大雄成日都話好想試，今日終於有機會試吓，不過唔係同佢嚟😂豚骨拉麵 ($105)奶白色嘅湯底看似好膩，但其實唔算好油，反而味道清甜，可能預咗客人會加其他配料，所以本身個湯底都唔會好鹹，而且喺店入面已經貼咗大大隻字寫住不加味精，可以放心咁飲多幾啖；加咗大量生蒜、七味粉及少量拉麵汁之後，成個湯底嘅鮮味即刻大大提升，哈哈立即開動！拉麵係比較幼身有嚼勁，我要求要硬麵，但對我嚟講都係太淋了；叉燒偏瘦，所以唔會有超級嫩滑嘅口感，但好有豬肉嘅鮮味😋 加咗$10要溏心蛋，哇超滑溜，蛋黃仲要係半透明㗎，正呀！小龍蝦蟹子沙律諗住冇乜驚喜，都係沙律一個，點知咁有驚喜！配5塊新鮮到索索聲嘅紫菜，啖啖小龍蝦肉及蟹子，肉質彈牙口感清新，夾住紫菜食好好味，話咁快就食完！餃子煎得唔算好油膩，皮薄餡靚有肉汁，點少少豉油食已經好好味可惜今日無櫻花蝦拉麵... 當外面嘅拉麵一碗都已經百幾蚊嘅時候，其實呢個set又真係幾抵食

灣仔吃午餐實在太多選擇了，這天下著大雨，不經意的遇上電車路旁的一家新開拉麵店，由於店鋪太細，只能坐5至6人，12點左右已經滿座，我們差點放棄等待，但由於雨太大，唯有站在原地。等了一會，終於有位了，沒有太高的期望下，迅速點了個原味的豚骨拉麵$75，加半熟蛋要再另加$10。等待拉麵的時候，看了店家的溫馨提示，就是怎樣利用店家提供的配菜和調味料去“泡製”自己的口味可選擇拉麵汁，蒜蓉，辣芽菜，芝麻和七味粉等。不消5分鐘，熱騰騰的拉麵就端到我面前了。我習慣先嚐一口湯再調味。豚骨湯非常濃旭，而且一點油膩感都沒有，正如店家所說是用豚骨和純水，用壓力煲長時間熬成，果然是沒有味精和牛奶。再吃一口面條，是幼面，而且有嚼勁，非常煙韌，是我喜愛的拉麵。半熟蛋做到流心效果，味道剛好。叉燒不是很厚切那種，屬瘦一類，少了一點肥膩感，但略嫌缺乏了肉香，建議可用多一點肥膏的叉燒會令整個拉麵的層次提升。配菜個人比較喜歡辣芽菜，忍不住加了3次不消15分鐘，我們已經吃完了一碗拉麵，又浩浩蕩蕩去利東街喝咖啡了