百芳池上便當 (大河道) (已搬遷) 新店位置

百芳池上便當係我好喜歡既台灣菜之一❤️因為我食野最中意多選擇，而佢一個便當已經有好幾款配菜，岩晒我😎今晚自己一個人食順便想去Aeon掃平貨，就黎左荃灣呢間分店✌️叫左一個豬扒便當少飯飲熱阿薩姆紅茶走甜($59)點完餐畀完錢店員就會安排位置，跟住送埋餐👍大約等左五分鐘，熱辣辣既豬扒便當就黎到啦！😍豬扒雖然啱啱炸起但溫度適中唔會熱到辣口，肉質嫰滑，炸粉夠薄，有啲胡椒鹽味，調味剛好唔會太鹹，真係好有台灣風味😋 連鎖店黎講佢既水準真係keep得非常唔錯👏個飯有半隻鹵蛋，娃娃菜紅蘿蔔絲，菜譜，粟米肉碎同粉絲，樣樣都有調味過，送白飯真係好正😋😋 唔覺唔覺就食晒啲飯🙊send張便當相俾返緊工既男友佢話佢都好想食🤣下次再同佢黎食啦！😂

今日同屋企人去開荃灣Aeon Shopping, 見依間餐廳都幾多人幫襯，就去試吓，結果有驚喜！我哋嗌左一個滷老雞扒便當，調味啱啱好，雞肉好滑，而且大大件好抵食。另外我哋仲嗌左個豬扒便當，豬扒都炸得好出色，好鬆軟好香口。但係兩個便當我最欣賞就係佢啲配菜，味道都好夾，好好食！除此之外，我哋都嗌咗花枝丸。花枝丸上面有一層海鹽調味，可以帶出帶出花枝丸嘅鮮味，唔錯！去到食台灣菜，點會唔少得飲台式飲品。我哋就叫咗一支黑糖珍珠鮮奶，好濃味，珍珠都好彈牙，可惜甜度唔可以調校，以香港人嘅口味來講，略為偏甜。其實睇返食肆係行簡約風，食物餐牌都非常清晰簡單、一目了然。而且都係喺門口落order，然後就可以搵位坐底等送餐。總括而言，餐廳食物質素唔錯，坐得都幾舒服。

諗住求其食，aeon買完野見到呢間都幾多人食，就食呢間啦！原來係又平又好食，仲有台灣的味道🥰滷雞翼便當$54呢個便當雖然雞翼得三隻，但係都唔細隻，而且有其他粉絲，粟米，半隻滷蛋，沙律菜同埋醃菜，好豐富又啱晒餸飯！豬扒便當$59豬扒OK，塊肉略嫌有少少薄，粉絲真係好食😋台灣香腸$18跟餐只需要加$18，雖然等得有啲耐，但食得出佢係即刻整，外皮仲係香脆的👍🏻至於飲品，台式飲品梗係要試吓佢嘅珍珠奶茶，另外點左一杯布丁奶茶試吓。但係珍珠奶茶好一般，叫咗少甜但似乎係唔記得咗，太甜了，珍珠都係一般，反而布丁奶茶唔錯，布丁好滑，每一啖都有布丁感覺好好😍好似食緊布丁咁，又唔會太甜。總括來講飲品都好大杯，雖然珍珠奶茶一般，但我諗其他都可以的😬👍🏻