維記咖啡粉麵

营业中

休息中

始創於1957年，屹立深水埗六十餘年，由街邊坐位到連環三間舖， 要數深水埗老牌食肆，不可不提。老牌冰室格局食麵、食多士、飲港式咖啡和奶茶，招牌《豬潤》緊係唔少得。牆上清楚掛起價目表。自製咖央，當年特首至愛。鮮灼豬潤大江麵加荷包蛋-豬潤生熟程度要掌握得很好，維記用新鮮豬潤，但切得不夠厚身，日賣千碗工多藝熟，煮起咬上口亦不覺嚡口，煎蛋講明要荷包蛋生蛋黃，到最後都係比較熟。豬潤牛肉米- 米粉還算爽口，豬潤同上，牛肉一般僅合格，起曬泡嘅血水滾湯，都係特色之一。😅自製咖央多-味道算唔錯，可惜是普通薄麵包，多士烘得不夠香脆，咖央醬搽得不夠均勻。『 一份懷舊嘅味道嘅感情，我幾時都咁講，唔係咁容易就取替得到；但係食店出名咗之後，冇咗對原本食物嘅要求，咁懷緬機會就會越來越少，所以呢幾年都去少咗，希望下次會好啲。』～～～～～～～～～～～～～～～～～～～～～～～食物賣相＝(滿分20) 10食物味道＝(滿分20) 15服務質素＝(滿分20) 14裝修整潔＝(滿分20) 14性價比率＝(滿分10) 7回頭指數＝(滿分10) 8總評分 ＝(滿分100) 68分

天氣轉涼 最好梗係食碗暖身既豬潤米食維記已經食咗好多年由中學中三食到而家咁多年來講佢嘅水準都係保持不變豬潤牛肉米一上枱熱辣辣湯頭清得來有 陣陣嘅豬潤香味豬膶湯用上姜嚟癖腥飲落口十分暖身 係傳統既港式味道豬潤薄切 放落滾湯一熟即刻上豬潤爽口 冇腥味 有口感鮮牛肉火候亦都啱啱好 唔會滾到老晒牛肉味香濃記得好多食評家 都話維記已經大不如前但我自己認為維記 依然係維記 無論外邊點變 維記依舊係同一個餐牌同一個老香港味道

已經好多年無食過豬潤 今次係朋友帶領下去左維記試下今日係平日 所以都唔洗排隊等位不過聽人講 一到weekend就要排好長隊坐底叫左個豬潤牛米 唔洗三分鐘碗豬潤牛米已經去到你眼前 效率真係好高米粉不多 但整碗都是滿滿的豬潤同牛肉非常足料豬潤爽口 不過牛肉有少少韌整體外觀雖然唔係好吸引 但係好好味係香港其他地方真係食唔到 值得一試

豬潤牛米($23)水準下滑左..個湯冇以前食咁香濃,好淡口,唔知係咪加左水...豬潤牛既份量比以前少好多...但就加了價加央西多($12)仍然咁好味~我食果時個邊仲有少少脆口架~讚~