品越越式料理 (雅蘭中心) (已結業)

真係極鍾意食越南菜，今日黎到位於雅蘭中心二期嘅品越試下😍 我地book左位，咁啱分配到窗口位，望到彌敦道嘅景，而且座位非常舒服，好適合同朋友食個飯傾下計。 香茅燒豬頸肉串撈檬 豬頸肉微辣，充滿住炭燒味，非常惹味同juicy。檬粉配上魚露，酸酸甜甜，仲有生菜絲、青瓜絲、蘿蔔絲，十分開胃，食到停唔到口。 燒大虎蝦米紙卷米紙卷一碟六件，本身expect米紙卷嘅size會大舊d，同埋蝦肉份量會多d，不過整體配上青瓜、米粉等材料都算幾豐富，而且非常米紙卷非常結實，唔會一咬開就散哂。 香芒軟殼蟹炒飯 軟殼蟹炸得啱啱好卜卜脆，唔會話太厚太多粉漿，而且香芒令充滿鹹香嘅炒飯添上少少甜味，仲可以balance番炸軟殼蟹嘅油炸感，成個炒飯好有驚喜! 越式炒金邊粉侍應送呢碟炒金邊粉上黎果時真係標緊勁多煙，完全feel到係充滿鍋氣! 食落又唔會覺得好油，出面好多餐廳嘅炒金邊粉都會落太多油，令人覺得太肥膩，但呢碟反而剛剛好。 法式焦糖燉蛋 燉蛋非常滑，甜而不膩，唔錯呀! 即製窩夫配雪糕窩夫有兩件，其中有一件好似圈狀嘅雞蛋仔咁，幾得意。窩夫食落外脆內軟，充滿蛋香。雪糕方面我地揀左乳酪味，感覺好似食緊froyo咁

放假出左食越南野, 已經唔係第一次食, 因為覺得幾有水準, 價錢又唔太貴, 地方坐得幾舒服,所以再返去食~越式炒金邊粉有少少蝦醬味道, 炒金邊粉來講唔算太油, 味道偏咸但可以接受。香芒軟殼蟹米紙卷軟殼蟹+芒果的配搭一流,加上青瓜令軟殼蟹油炸而不膩, 口感非常豐富。而米紙卷顧名思意就會包住米粉, 所以都幾飽肚, 岩哂幾個人share一齊食。香茅燒豬頸肉串撈檬燒豬頸肉串幾重炭燒味, 檬粉無太大驚喜, 但分量都幾大碗。個人覺得以呢個價錢($68)來講算抵食!河内扎肉湯河粉扎肉數量比我想像中多而且幾厚, 扎肉中間會夾住一些軟骨。牛肉湯底味道偏濃, 岩哂中意牛肉味嘅人!串燒拼盤 (豬肉串、鷄肉串及牛肉串)串燒不過不失, 個人推介豬肉串, 加上沙嗲汁非常惹味。當日的雞肉稍嫌燒得過燶。香芒黑糯米最後梗係要食返個甜品, 心型賣相十分驚喜, 黑糯米幾香同煙韌, 當日嘅芒果好甜, 用佢來做呢餐飯嘅總結真係非常合適!

個人都喜歡越式清淡的食法，今次就是去了雅蘭中心的「 品越越式料理」。「 品越越式料理」是在雅蘭中心的一樓，入口是在山東街這一邊而不是彌敦道這一邊商場的入口，入口是和同一個集團的「牛気」用一條的樓梯，行一層到了一樓轉左就是「 品越越式料理」。街的附近人流十分之多，有人山人海的感覺。「品越越式料理」的特式是結合了北越與南越的菜式，採用了南洋的香料，烹出很多越南風格的美食，選擇食物的材料和調味料的都非常嚴格，堅持每一樣菜都做到新鮮烹調，某些食物例如米紙卷更從南越專程請來當地廚師即叫即做，手工和味道都更加地道，頗具文化色彩，做成味覺上和視覺上十分誘人。來到的時間大約都是六時多一些，店內的人客不太多，店的中間有一排的長梳化組成的長枱，近山東街這一邊的是一些的卡位，而近彌敦道這一邊是落地玻璃的兩人枱。位與位的空間不太大，人多時都會有些迫的感覺。店的風格有一些的南洋風味，近門的地方放了一部電單車，店中間的有一些長型似燈籠的燈而卡位上的燈就放了一些的植物，店內一些的椅子是一些用淺藍色布製成的，這些都是帶給人南洋風味的元素。餐牌的選擇也很多，每個食物都有圖片讓人清楚食物的賣相，種類有沙律類、頭盤類、米紙

下班後，約了太座到旺角購物，然後去吃晚飯，吃慣粵菜西餐，今晚想吃點特別的，太座建議吃越南菜，越南菜與泰國菜相比，名氣或認受性似乎不及泰國菜高，但我們喜歡越南菜普遍無咁辣，味道較清淡。餐廳在另一間日式放題店隔鄰，用同一條樓梯上落，但喜歡吃放題的人較多，很多人排隊，而越南餐廳較寧靜，卡座也舒服。太座想喝珍多冰之類，點了類似的品越三色沙冰，而我較喜歡清清地，西柚野莓梳打，兩者皆不錯。頭盤點了河內脆皮蝦卷撈檬沙律，以腐皮包著蝦膠炸脆，伴以檬粉，淋些酸咪咪的汁醬，怡神開胃，脆皮蝦卷脆口彈牙。太座喜歡這個黑蟹籽蝦餅扎肉拼蝦片的賣相精美，蝦片上放扎肉，炸蝦膠，再放黑蟹籽，口感和味道有複雜性，有蝦片的清脆，扎肉的軟滑，蝦膠的鮮甜，好味。似乎沒有人不喜歡吃沙嗲串，一串串的烤肉，份量不多又惹味，一串復一串，可以吃很多串，不停口，串燒拼盤有三種肉，豬牛雞，各有兩串，另有燒菠蘿一大件。肉，燒得不過乾，喜歡醃料，有濃香的香茅味，點有花生碎的沙嗲醬，很惹味；燒過的菠蘿蒸發了部份的水份，甜味更高，加了七味粉，小少辣，愈食愈肚餓。海鹽焗鱸魚是以幼鹽加蛋白做成鹽殼包著鱸魚焗，侍應在席前替你破開鹽殼，拿走魚身內的香料，露