永年士多港式車仔麵 (加拿分道)

营业中

休息中

呢間餐廳平時叫外賣叫得多，今次第一次堂食，車仔麵必吃當然係蘿蔔、豬紅😍仲叫了牛肚&魚腐🍲🌶辣度：🍛咖哩細辣 （聽講好出名，食車仔麵必點）😋豬紅：真係好好食，好耐無食過咁入味既😍 係外面餐廳豬紅多數都係無咩味道，即是豬紅&汁分開，但呢度必點。😋蘿蔔：無渣，爽甜，又係超讚👍🏻😋魚腐&牛肚：味道都不錯😋抹茶紅豆冰：紅豆冰就成日飲，抹茶紅豆冰都係第一次飲，用大粒紅豆，入面仲有啲紅豆蓉，超喜歡💕

今朝做完瑜珈落勁大雨，就即刻黎永年食番個靚lunch先！之前都黎食過好多次，都係一如既往咁好食湯底勁濃味勁正，食得出好足料，熬左好耐，而且唔會覺得油膩，真係可以飲晒成碗湯豬紅同埋蘿蔔係必食我平時唔會食豬紅，但呢度既豬紅整得好有技巧，一啲都唔會臭，味道拿捏得剛剛好另外蘿蔔好鮮甜好淋，食咁多次，蘿蔔都未試過有渣，同埋吸收埋啲湯底味，令蘿蔔既味更上一層樓仲有必叫既野飲 — 抹茶紅豆冰！完全唔會好甜，夏天飲一杯好消暑解渴

由the one 行過美麗華商場時經過這店，突然想食個下午茶就入去試試入左睇到d資料先知，原來永年喺元朗很出名，因為我呢啲鄉下仔，終日不離開九龍，唔知新界啲大事睇左輪餐牌，好多餸都想食最後揀左五樣餐三餸一麵$41，我加多左兩個餸，每個加$8，另外見到河粉好似比較出名再加左$2轉，total=$41+$8+$8+2=$59五樣餸分別係蘿蔔，牛肚，牛筋，魷魚，豬紅首先講下個湯底，清甜唔會太鹹，唔怕確喉，無令人口乾，以雞，豬骨，當歸，果皮，甘草煲成，我最後全碗飲哂!由於不吃辣，所以揀左唔辣，但資訊話辣汁好出名，喜歡吃辣的應該一試河粉細滑，$2值得加蘿蔔好好味，好入味，多汁無渣，清甜但有一點點辣，不吃辣的要注意牛肚好淋;牛筋好有膠質又唔怕韌；魷魚爽口得嚟唔韌；豬紅亦好入味樽仔奶茶又濃又香又滑

相信無人不知元朗名物「永年士多」，😏 最有名嘅車仔麵和鮮油多， 而家九龍人都有口福啦！ 自尖沙咀開左分店， 是小編不時獨食嘅好選擇， 一個人嘅浪漫💕，無得輸！☺️ 值得一讚的是元朗和尖沙咀分店小編都食過好幾次，  食物水準一直keep得好！ 唔洗再專登入元朗啦！😂 如果想一次過試晒所有精選餸， 一定要食聚10寶於其中嘅大碗麵（$65）， 一次過滿足晒所有願望。 不過小編就鐘意單點， 可以集中食自己鐘意嘅餸！😂 三餸一麵$41， 其後再加餸每份$8。 🌟必試❗️流心蛋 超好食，滷得入味， 又夠流心，蛋香十足！😋 牛筋晶瑩剔透， 腍、滑、爽、又有嚼勁！ 雞翼燜煮得入味，肉質滑溜惹味。 豬紅沒有一夾就散， 咬落口軟腍嫩滑，不錯👍🏾！ 「嗱喳麵」🌟必食❗️豬腸！ 豬腸用滷水長時間浸煮， 顏色夠深，又夠入味。 豬腸洗得乾淨，無多餘嘅內臟味， 有小腸大腸，腍滑軟身，又不失嚼勁，值得一試！😏 食「永年士多」嘅車仔麵必加自家秘製辣汁， 分勁辣、大、中、小和細辣， 辣度刺激，十分惹味！ 係整碗車仔麵嘅精髓！😎 店

星期六冇節目， 和朋友結伴搜尋香港地道美食。 到了尖沙咀， 才發現這間地道車仔麵竟然在尖沙咀開了分店， 之前曾經在元朗吃過 ，今次試一試看看質素有沒有改變。這裏的門面比較新派 ，內籠的感覺和老店有點不同。我依舊點了招牌的豬腸，蘿蔔和糖心蛋油麵。 另外還點了腐乳通菜。豬腸做得住水準， 除了吃得出醃製的鹵水味外，咬落還有啖啖油香。蘿蔔雖然不是當造季節，但依然清甜。糖心蛋夠入味。最後係一碟腐乳通菜 ，結束了地道的港式午餐。

😋從海港城走路到近著美麗華商場這邊，就是為了吃永年車仔麵，大概是第五次來了，是夜已經是九點，但仍是滿座的！點了三餸一麵的套餐，羅白、魚蛋、紅腸，米粉，微辣，立即下載app登記了做會員還送飲品一杯或多士一份喔！😝我選了凍奶茶！多士是另外點的。湯底超好味，配上微辣的辣汁，好像沒有味精可以直接喝，羅白超甜的，魚蛋是細細粒的，紅腸有點像午餐肉，份量都算多。奶茶很香很滑！多士也是必吃推介😝！看到有一個是十聚麵，就是十款餸的大碗麵，下次要試一下這個喔！哈哈😝

一直好想試永年！佢係尖沙咀開左就緊係要試下！！！點左中辣 豬腸雞翼9菜餃油麵好好食啊 豬腸洗得好乾淨 食落無臭味！！雞翼9菜餃就普通 最好味係湯底中辣辣度好夠多士都有點 但太餓食左無影到 點左煉奶多士 好普通。。

聽過永年呢個名好耐,個個都係入元朗一定要去永年食車仔麵,但一直都未有機會入元朗食最近佢係尖沙咀開左間分店,終於衝出市區啦,估計都好受歡迎.唔知係米當時9點,比車夜,無想像中咁旺場,唔洗排隊就可以落單買啦要左蘿蔔+雞翼+溏心蛋.首先,個湯底麻麻,不過要讚一讚係會比幾條菜蘿蔔-色水黃黃綠綠,味道怪怪地,同平時食個啲蘿蔔唔同,係有啲甜,但講唔上係清甜,我就唔多岩啦雞翼-正正常常,唔算特別好食,雞翼都唔會難食既溏心蛋-好少會見車仔麵會有溏心蛋,見佢係推介餸菜之一,就試下佢啦...點知...好似好普通,想食溏心蛋既都係去返日本拉麵店食好啲.雖然永年出名係豬紅,但我唔係好岩,所以無試到.本身想試埋個咖央多士,但無乜胃口,都係下次先,不過應該唔會再食佢啲車仔麵,因為覺得好一般,車仔麵有好多更好既選擇

永年士多，一個熟悉的車仔麵品牌，由元朗殺到入尖沙咀，這麽就腳，反正是日小人獨孤求飯一餐，豈會有錯過的道理。對於大食積的小人吃車仔麵來說，四餸加麵僅是超牌例牌，僅夠糊口。小人選點了豬紅、豬皮、蘿蔔以及大腸，餸料都很入味，不會餸還餸、汁還汁的，爽口得很；當中小人最愛是豬大腸，索汁之餘中間粉糯，外皮又脆，而其下有的S形公仔幼麵，極之彈口，好煙靭好味到無得彈。這碗車仔麵小人喝了不少湯，發覺沒有口渴口乾的感覺，值得一讚。