麵尊

营业中

休息中

靚女介紹黎食，一行3人，需要排隊，不過等一陣好快入坐，我點了特辣，不過對於我都是不夠辣的，湯底除左我覺得唔夠辣，味道是一般，另外點了山根（呢個不會錯，只要不放太久，變了有油溢味都不會難食）蟹柳（蟹柳好食，應該是中等價錢貨品），白蘿蔔（清甜無乜渣），鹵水豬大腸和雞翼（鹵水汁幾好，入味）對於餸的味道入口唔錯，整體我會比50-60分的，是湯底拉底左分數，環境是清潔，乾淨，應該有點日式感覺，位於銅鑼灣登龍街，地段租金比較貴，其實已經很不錯

早幾日同事帶我吃過這間店舖，所以在週六的晚上也想我老婆再試吓平時已經經常見到有人排長隊，但今天到達的時間大約在6:15pm，只需要等大約2分鐘便可以進去店舖餐單也算是非常容易明白 我叫了三個配料，老婆就叫了四個配料豬紅好好食，豬頸肉比較厚身抵食值得一題係他的湯底跟外面的店舖有所不同，應該是自己熬製的湯底簡單啲講，就好像是高級一點點的車仔麵比起出面的一般車仔麵店，裝修較新教前衛講真呢個價錢在銅鑼灣冇得輸，只係$4-50嘅價錢就可以填飽個肚下次絕對會再嚟😁😋

💭平時食開上環麵尊，銅鑼灣分店反而未試過，呢日口痕就去排隊食啦，一如既往既好味😋我覺得呢間車仔麵個湯底夠甜味道好足！係呢度食d 要時間入味既餸係點都唔會失望架👍🏻🌸豬頸肉 豬大腸 冬菇 米粉 HKD 40豬大腸同冬菇係我每次食麵尊必點既兩個餸！因為豬大腸同冬菇都煮得好入味🔥每次食都會覺得好滿足！豬頸肉都係必點之一，啖啖肉又唔會覺得鞋口！記得記得要加咖哩辣，惹味好多！食車仔麵個人會減米粉，唔會un 胃之餘米粉又細到d 湯汁👍🏻👍🏻😋🌸咖喱魷魚 紫菜 魚皮餃 粗麵 HKD 40咖哩魷魚都係其中一樣必點既餸！每件魷魚大細切到剛剛好！紫菜同魚皮餃係比較common 既車仔麵之選，加落碗車仔麵都係無得輸😋😋😋喜歡飽肚感既朋友可以揀粗麵😽因為揀粗麵好頂飽😄

喺南區食到悶悶哋，今日午餐就去遠啲，出咗銅鑼灣覓食。始終都係旺區，選擇多好多，出咗香港仔隧道之後，又要方便搭車返去，去登龍街就fit曬。登龍街餐廳多選擇多，但同時間人都好多，同事咁啱想食車仔麵，於是就揀咗呢間麵尊，但去到排隊前面都起碼有十個人等緊，大概五六張檯左右，等位期間就填咗點餐紙先，都係一般車仔麵嘅餸，無話有啲咩特別嘅餸。大概等咗10-15分鐘先有位，坐低之後都要再等多5-10分鐘先有得食。碗麵一嚟到似模似樣，啲湯底色水同埋啲餸都好靚，但食落啲餸唔係太入味，已經叫咗豬皮豬腸呢啲好索湯嘅餸，咖哩魷魚都還可以，腩汁湯底味唔係差，但啲嘢都唔係太入味，係朋友份冬菇好少少。整體來講，食物質素唔差，如果索味啲就好。呢個價喺銅鑼灣嚟講都算平，但下次又要排咁耐先食到我就不了。

麵尊 麵尊原身位於上環蘇杭街，早於2010年已經開業。老闆至小係車仔麵fans，堅持選用新鮮食品，最終獲選香港十大車仔麵店，於銅鑼灣擴展新舖，更有不少名人過來捧場🙌。 銅鑼灣店裝修新穎，呈懷舊風格，門口有個類似戲院門口嘅招牌設計版，加上粉紅霓虹燈，以及古屋設計嘅廚房上菜窗口，充滿新鮮感又有返回80年代嘅感覺。空間感迫切，有四人搭枱嘅情況😬，但畢竟係lunch time，呢點可以體諒嘅。 點餐紙含蓋嘅餸菜唔算多，但應有盡有，肉/菜/丸/餃/麵嘅價錢統一十元正，但飲品就要另計。有選擇困難症嘅朋友又可以揀餐廳調配好嘅麵🤣。豬大腸/豬紅/鴨腎/蘿蔔/幼麵 $50 價錢親民，而餸嘅份量也頗多，尤其係豬紅都有7舊，由其喺銅鑼灣黎講性價比好高🤑。但衛生方面就有改進空間，咁啱見到有個職員dan毛巾， 湯底平時都會跳過唔講，但呢個真係堅野。湯底望落清澈見底，油份唔多，飲落清甜鮮明，帶有豬/雞骨味，冇乜味精，加上麻辣醬後令湯底辛麻而惹味，加哂又唔會過辣，而我都飲咗大半碗🤯。 豬大腸有五片，外皮如豬手般軟腍，入口即化，內裏則似豬肚具有嚼勁，肥美而香口，帶有類似滷汁/醬油嘅醃料味，有種獨特而不搶口嘅甜味，可以

與友人外出，飢腸轆轆，唯天氣酷熱，不想食米飯，友人誠薦一餐室名麵尊。尊者，崇高之義，足見廚師信心。門後稍為多人排隊，於門外等候片刻入座。車仔麵餸選擇頗多，小弟點豬大腸、酸齋、咖哩魚蛋、五香牛腩配以幼麵加麻辣汁。另凍奶茶一杯。酸齋吸收香濃湯汁，開胃醒神。咖哩魚蛋口感略硬，辣味突出，有微淡陳皮香。五香牛腩肉質尚算軟嫩有嚼勁，小弟已入花甲亦不費勁，細嚼有香料味道，不錯。豬大腸肥美可口，醬汁入味，不錯。麻辣汁應該是店家自製，辛辣而有後勁，與湯汁混合後味道匹配。小弟喜幼麵質偏硬，不錯。凍奶茶略淡，茶味略淡，未算出色，有待改善。麵餸選擇頗多，每款皆用心處理，味道不錯，下次定必品嘗其他麵餸，惟飲料未算出色，若飲料有進步，定必錦上添花。於銅鑼灣鬧市來說，價錢合理，值得一試。

每次經過登龍街，無論任何時段都見到有人龍，啲人又講到咁好食，今日終於走咗去試吓！好彩等咗陣有位。我食幼麵底，餸點咗豬紅丶豬大腸及咖喱魷魚加腩汁再加一碟炸魚皮。湯味香濃，餸又入味，炸魚皮鬆脆可口，真係值得一試。

車仔麵有好多唔同種類、唔同湯底、唔同配料、唔同煮法，所以每一家餐廳既味道都有唔同，其實每一個人既口味都唔同，可能你覺得好食既車仔麵人地覺得好食，但我覺得好食既車仔麵就係要迎合到更多人既口味，而今次推介既呢間車仔麵係我覺得香港黎講最好食，身邊既朋友都係咁覺得。麵尊係以車仔麵同辣醬聞名，係上環起家，已經有九年歷史，因為上環晚上人流小，所以唔做晚市，特別係銅鑼灣開多一間分店。湯底係熬製最少五個鐘既豬骨湯，除左五香腩汁之外，湯底仲可以加秘製麻辣醬或者咖哩汁。-環境🪑裝修比較新式，唔係殘舊既車仔麵店，店鋪既燈光都好光猛同乾淨，特色係有一面牆好似以前D冰室咁，會掛哂D牌睇到有咩配料。位有窗口BAR枱位6個，再加上20幾個2/4人位。-Menu 📋Menu總共有30種配料，店員推介蘿蔔、冬菇、豬紅、豬大腸、牛腩，因為呢D餸唔會過夜所以比較新鮮，麵底方面有8款，湯底方面有4款，有咖哩辣、麻辣、腩汁、蔥，係可以混合選擇。-🍜⃣ 車仔麵💰60（👅: 9/10）今次叫既係牛柏葉、貢丸、豬皮、紫菜、冬菇，油麵，腩汁加秘製麻辣醬同蔥。可以睇到每款配料既份量都好多，唔馬虎。豬皮唔算好入味，但係口感好爽唔會好韌。咖喱

銅鑼灣有唔少好野食 但間中食下車仔麵呢d平民美食都幾開心嫁（平民美食黎講 車仔麵真係冇得輸！）今次就黎到位於銅鑼灣V Point既人氣車仔麵店「麵尊」 一於去試試佢睇下點解佢咁受歡迎啦！門面同內部裝修都幾新潮 有別於一般車仔麵店 而且坐得幾舒服 各位男士帶女朋友黎食都唔洗擔心女朋友會詐型啦！餸既選擇都幾多唔想動腦筋又或者有選擇困難症的話可以揀「大尊」或者「細尊」最後揀左5款餸：豬大腸、時菜、紫菜、墨魚丸同埋雞中翼 配米粉加腩汁連埋罐裝野飲都只係$70 係銅鑼灣區黎講認真抵食！味道方面：腩汁湯底好濃郁！唔覺唔覺飲左大半碗豬大腸真心好好食 滷水夠晒入味 而且夠稔 好想即刻再去食多次呀！墨丸夠彈牙 口感好好 而且幾重墨魚味雞翼既滷水味亦同樣入味 而且大大隻啖啖肉非常肥美另外仲有100%香港製造既麻辣醬同咖喱醬出售 重點係：佢地仲係黃店添！不過佢地d車仔麵咁平靚正 係咪黃店我都會繼續幫襯佢地嫁！

或者大家都會問，車仔麵點可以做到高級一點？用鮑魚……名貴一點食物... ? 唔係囉，用高級既食物，咁已經唔係地道既車仔麵！好啦，呢間麵尊，位於登龍街，食肆林立，靠賣車仔麵生存到唔係咁易。門外裝飾似西式洒吧，不過配上中文字。但係點都唔似食車仔麵。好，睇下車仔麵選料單。十蚊一個餸，廿蚊有碟大大碟油菜，銅鑼灣來講算係平！點了墨丸，蘿蔔，魚蛋，冬菇，雞亦。加上佢地招牌咖哩汁！店員一送上枱，我即刻眉頭一皺，食車仔麵我預咗油，但碗麵都唔洗咁多油卦！唔理先試一啖有咖哩汁既湯，出乎意外，一d都唔覺肥膩！相信用的食油有精心考慮。湯底仲相反比到清甜味道！咖哩唔係厚厚嗰種，只係淡淡帶出點點辣味，唔會太搶味！墨丸合格，蘿蔔無根又清甜，冬菇，雞亦都入味，係魚蛋相對失色dd。廿蚊大大碟新鮮翠綠生菜，食得健康。高級一點的車仔麵，就是在保留食車仔麵風味及味道的同時，帶比食客食得清新健康的感覺！

路過幾次，每次見到都想試。平時經過都會去新記食。今天下午茶時間有空，又經過就入去試下先，因為不太餓所以點了剩餸食，無加麵和其他辣汁，想試試他們其本嘢！點了豬粉腸，咖哩尤魚，豬紅和牛孖筋。粉腸煮得夠身，唔洗咬到牙都軟咖哩尤魚夠惹味豬紅好入味，必定下了一番苦功牛孖筋好正好好味湯底不加任何辣汁亦夠味，雖未試加任何辣汁都夠味，不知加了後會否過咸！？凍、熱飲品要另外加錢，這點本人覺得應該可以改進！下午茶時間點了剩餸加杯凍飲要$57，好像有點高消費！總體感覺不錯👍🏻亦會繼續支持！