一生懸麵 (荃灣千色匯I) (已結業)

Intro: 講起沾麵相信大家都諗起呢一間，旺角分站經常要排長龍！佢哋嘅沾麵除左價錢貼地，份量都好足料😆___________________🍽特濃豚骨沾麵/熱 ⭐️8/10💰79✍🏻 麵條煙靭彈牙，唔會痴埋一舊✍🏻 叉燒好厚肉而肥肉少，成功鎖住肉汁✍🏻 湯嘅濃度適中，但略嫌沾麵湯唔夠熱✍🏻 所有湯都有細粒叉燒，好驚喜🍽辛辣沾麵/熱 ⭐️8.5/10💰79✍🏻 湯嘅辣度岩岩好✍🏻 唔會辣得黎影響濃湯嘅味道___________________🏠一生懸麵📍 九龍灣牛頭角道3號得寶商場地下121號鋪📍 荃灣眾安街68號荃灣千色匯1期3樓3012號舖📍 旺角通菜街73號地下⭐️Score: 8.5/10 （拉麵）___________________

一心係黎食雪糕拉麵...點知去到攞飛時已經見到售罄...失望...但眼見當時7點幾就快8點...都要食飯嫁...咁就繼續等位入去食其他拉麵...可能星期5晚上...所以都等左30分鐘先入座...同hubby一人一碗麵...佢食海老拉麵...我就食辛辣拉麵...首先煎餃子上菜先...冇乜特別...之後跟住就係海老拉麵湯面鋪滿左一層嘅櫻花蝦乾...唔理咁多試啖湯先...一心以為咁多蝦乾係面...應該好大機會會好咸...點知又唔係wo...入口就有濃濃蝦味...濃蝦湯底配幼身拉麵...拉麵掛湯效果都唔錯~!最後黎辛辣拉麵...湯底略咸...唔太辣...叉燒就略肥...配以粗身拉麵...掛湯效果好!總括...下次要有雪糕拉麵我先會再黎幫襯...

今日去食一間好出名嘅一生懸麵，拎咗飛大約等咗45分鐘先入得，勁勁勁多人，而且未入座12點半就已經賣哂雪糕拉麵，有d失望，本來諗住食！😢😢😢唔緊要，總有機會食到雪糕拉麵，如果醫生繼續批我嘅話，今次食住其他拉麵先。最後我叫咗辛辣拉麵、唐揚雞同章魚燒！😋😋😋辛辣拉麵$79（9/10）唔會好辣，無食到流鼻水，似bb辣！拉麵唔硬，兩舊叉燒肥瘦適中，湯底鹹咗少少，但都飲哂落肚！👍👍👍唐揚雞$32（8/10）4件都算大舊，炸粉唔厚，雞肉嫰而有肉汁，好正！👍👍章魚燒$28（8/10）一碟有5個，每一個章魚燒都有1粒章魚粒，都算大粒彈牙煙韌，而且熱辣辣好好味！👍👍@issyoukenmen地址：荃灣眾安街68號荃灣千色匯1期3樓3012號舖#拉麵 #一生懸麵 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfood

今晚與家人收工吃拉麵，先拎飛仔再安心出行，店員就安排入座了。有埋紙袋收藏口罩好貼心。每人點一個拉麵唔同款可以試兩隻口味。點了海老拉麵加黑木耳，辛辣拉麵加义叉燒，唐揚炸雞，章魚燒。有冰水飲下麵好重要。海老拉麵-乾蝦香口鮮味，個湯底濃味。木耳對身體好通血管，有口感配合湯食更佳。流心蛋：蛋香味夠又有口感。辛辣拉麵-有少辣更加開胃，麵軟硬得宜。叉燒肥瘦平均，口感及味道更好。蔥花令拉麵更出色。章魚燒-熱辣辣，香口好味道。唐揚炸雞-即炸香口配合檸檬汁加沙律醬更加好味道。

今日放左工同家人出去食晚飯，去左千色匯一生懸麵食。真係肚餓快快手睇下有咩食就每人一拉麵一小食share黎食。點左海老拉麵加竹筍，辛辣拉麵加叉燒，煎餃子，唐揚炸雞。海老拉麵加竹筍：先講湯份量岩岩好，好多櫻花蝦連湯一起食蝦味香濃。叉燒香口口感良好，肉質一流。麵軟硬適中配起湯食一流。竹筍爽脆可口。辛辣拉麵加叉燒：湯底辣辣地夠醒胃好味道。叉燒燒過肥瘦得宜又香口。煎餃子：皮薄外脆內暖，而入面肉質好又多汁。唐揚炸雞：脆漿唔會太厚，炸得唔錯唔過火。肉質良好口感不錯。

朋友搵餐廳真好，更好嘅係搵到一間好味嘅餐廳。唔搵唔知，原來係旺角排曬長龍嘅一生懸麵喺荃灣開咗分店。餐牌選擇唔多，但係拉麵同沾麵兩隻都掙扎咗一陣。沾麵係特別啲嘅，但係之前食過香港其他沾麵好鹹，令我對沾麵嘅印象一般。最後都係心思思食咗個辛辣沾麵，好似比較特別。麵質爽口彈牙，粗幼適中，可以掛湯。主角沾麵湯係淡淡辛辣，唔會太刺激。調味剛剛好，唔會太濃味到口渴。配料仲有竹筍、蔥同糖心蛋。蔥吸咗辛辣湯底更惹味。拉麵唔少得叉燒，有兩片半肥瘦叉燒，肥嘅部份甘香。叉燒厚度十足，有半隻手指嘅厚度。總體而言，今次我對沾麵重新有好感。