八焼鳥屋 (已結業)

契妹返鄉下前話好想去尖東吉蒂咖啡屋一趟，但因男友極為反感，所以就捉咗小肥契哥相伴。由於咖啡店只有甜點輕食，二人決定先去離店不遠且近日喺OR排行榜上有名o既「Yayakiya」度先食串燒作前奏 。既然一心飯後要去食甜品，又深知串燒店越夜越旺場，所以晚飯就訂於六點半。真係好彩有訂位，又早咗到，食店原來一早已經被客人預先訂滿 ，認真犀利。「Yayakiya」正門右邊o既廚房前方有個玻璃雪櫃，陳列出兩排清酒及生蠔。日藉師傅同助手喺開放式廚房即叫即煮，入面好多時都會見到白煙。圍住廚房有十多個吧位，樑上簡單掛上日本公仔面具，好鬼得意。串燒店中門大開，門後先為六張高櫈散座，頭頂有多部冷氣，空氣流通得很。直到我地離開，店內o既油煙味一啲都唔過份，唔怪得知就連愛因斯坦都要黎食串燒啦 ！店子再入可見有多張正常高度o既合拼式四方枱櫈，適合大伙兒派對。我地二人被安排入座近牆較開揚o既高枱，意外地一啲都唔吊腳，氣氛輕鬆，非常自在。 餐桌有蠟燭照明，頗有情調。餐具中有個超有型o既木造圓環形筷子座，好有特色。除咗有餐具、乾濕紙巾、調味粉同牙籤之外，枱上其實仲有個迷你鐡桶，嘻嘻，原來係用黎擺放用完o既竹籤，

相約咗幾個舊同事見面，其實大家都好耐冇見， 所以都想搵一間可以慢慢享受嘅餐廳！而且大家都鍾意食日本野，所以就決定去食日式串燒，可以一邊等串燒一邊傾計、慢慢食！日式串燒店喺香港都算多，不過就唔係間間都咁有質素！之前都知道呢間餐廳都機full，所以Book咗位！去到七點左右都已經滿咗八、九成位！冇論飲品定食品嘅選擇都好多！所以睇MENU都花咗少少時間！這個和風芝士豆腐很香滑，一邊食一邊有淡淡的芝士香味，食落去好似有食雪糕嘅感覺！其實仲跟有一個豉油，食咗幾啖原味之後我試加少少豉油落去。未加豉油之前，我都驚個感覺會怪怪地，因為豆腐本身有少少甜味，如果加豉油的話會好怪，點知原來加左時有之後成個感覺又有啲唔同，豆腐嘅鮮甜味道提升咗！真的好鮮甜，完全係兩個唔一樣嘅味道！大家可以先試試原味，再加少少說豉油落去食！不過是又真係加少少就好啦～不要加太多！第一樣唧炸物係炸軟殼蟹天婦羅，炸得香脆可口，而且軟殼蟹都好大隻，肉身好厚多汁！麵糊的厚薄也是剛剛好的！之後再你嘅就係炸軟殼蝦天婦羅，同炸軟殼蟹天婦羅一樣麵糊的厚薄也是剛剛好！炸過嘅軟殼蝦香味仍然香濃，蝦肉有彈性肉汁鮮甜。而且成隻蝦連頭也可以完全吃掉，香港可