莆田 (PopCorn 2)

身為將軍澳之友的我就最愛係自己地頭搵食，今晚就同左媽咪去POP CORN食飯，行行吓見到呢間新開既餐廳，於是就入左去試吓 原來呢間係食新加坡既福建菜，環境都幾舒服 見到個餐牌上面都有好多野想食想試，於是就貪心少少叫左幾樣試試 先黎有呢個極品椒鹽豬手！個皮係非常脆，但又唔會令人有好油既感覺，加埋D椒鹽既味道真係好惹味，咬埋去之後我以為全部都係肥膏，點知原來係全都係骨膠原，超正！口感外脆內軟，很是好味~媽咪就點左個冰鎮南日鮑魚，咬落好爽口彈牙，同時又好鮮甜，確係做得幾好！呢條用鍋上既黃花魚，一打開蓋已經聞到好看既味道，魚肉很嫩滑，不過魚骨比較多，湯汁就很鮮味~黑胡椒蟹既味道好濃郁，同埋都真係幾辣，不過我鐘意食辣，所以都頂得順，佢呢個汁會令我想一食再食既感覺，蟹肉仲好爽口彈牙，好味道呀~~~呢個辣椒蟹係用左秘制既醬汁黎整，佢呢個無黑胡椒蟹咁辣，但亦都非常惹味，蟹肉都係好爽口彈牙，加埋用跟上既饅頭沾上醬汁一齊食就更正！之後我仲叫左杯紅毛榴槤汁，初時我以為係榴槤汁黎，原來又唔係喎，飲落去酸酸甜甜，味道似係山竹， 幾開胃，味道仲好濃郁，唔似有加糖水或水，做得都唔錯！食到幾飽都好，甜品都係必須的!!!! 呢個炸榴槤入面係原個榴槤肉，好濃好香既榴槤味，但入面好似仲有D雪咁，食到一半硬硬地，口感極具層次，都真係幾有特色~呢一餐食到好飽，餐廳樣樣食物都整得好精緻，味道亦都唔錯，滿意滿意！！ …查看更多

將軍澳甚少踏足、如不是友人新居入伙邀請我們到她家一敘、應該不會專登過來的。参觀完豪宅後、主人家帶我們到商埸晚膳。Popcorn商埸真的好大、分1期和2期、初到貴境、有點似村姑下城樣子。友人消息靈通、得知莆田今天試業、去凑個熱鬧、幸運地有位。。。Lucky!我曾經嚐過利舞臺廣場分店、味道不錯、又在綱上得知摘了星星、好期待着美味佳肴。莆田是一間主打興化菜餚的餐廳、其特點在於清淡純樸、食材新鮮直接由當地運送到港, 務求達到原汁原味鄉土純樸的氣息、是香港少有的福建菜。紅毛榴槤汁即蕃石榴汁、白雪雪、清甜的口感、先來杯潤喉醒胃頭水紫菜單看名字、真的一頭霧水。原來紫菜一年可收割多達12次、但只有第一次長成、又是初次採割的被稱為頭水紫菜．據聞每年的10月下旬、就是採割的黄金期、非常稀有。用了醋腌製、酸咪的效果非常醒胃、最重要是營養價值高。冰鎮鮑魚採用了莆田市第一大島盛產的南日鮑、果然地道風味濃厚。肉質彈牙細嫩、鮮甜美味。淋上了蘿蔔茸更添口感.極品椒鹽豬手聽聞要經過10小時烹製、可謂落足心機。焦脆的外皮帶有椒鹽香、非常惹味。整隻豬手不但沒有發現肥膏、反而骨膠原豐腴、是女仕們必吃之選。不油不膩的口感、倒可連吃數隻不長胖啊。。百秒黄花魚又採用了莆田海域的小黄花魚、足以證明要讓客人感受到當地食材資源、有如置身於莆田。砂鍋上枱、當鍋蓋打開時、飄來濃厚的羗味、香氣樸鼻。原隻的小黄花、肉質鮮嫩無比、清甜、值得推介酥炒芋頭採用了皇室貢品級“檳榔芋“、要經過蒸、炸、炒工序複雜。入口外酥內軟、入口綿綿、多吃也不覺飽滯。辣椒螃蟹眼晴発亮了！高潮位來了！我至愛的螃蟹！秘製的醬汁用了辣椒和蕃茄醬調較、蕃茄能中和辣椒的辣度、 香辣之中又帶點甜、邪惡惹味！！蟹蚶令我唾涎！肥厚的肉質、食到由心笑出來了！肉質豐厚、鮮味盡在不言中. …莆田燜豆腐原材料“九月珠” 黄豆磨成豆汁烹調。混入了數十款材料、令層次感更加豐富。豆腐嫩滑的口感帶有焦香、豆味十足。滷麵湯底經過8小時文火慢燉、將豬骨、雞肉的精華完完全全溶化成濃稠的白滷汁。再加入花蛤、干貝。。。新鮮配料。口感有點似上海煨麵。每一條麵都吸盡湯底精華所在、滋味。黄金紫薯賣相己取高分。紫黄系列、非常耀眼。綿滑細緻的紫薯、再配上南瓜茸、出奇地夾、好好味！最重要不過甜。好滿足的一頓晚飯、謝謝友人的款待。…查看更多