御膳

营业中

休息中

有間中式小廚私房菜，菜式種類多不勝數， 以新鮮海鮮為賣點。 訂座後，會whatapps給客人寫菜單，很貼心喔！食物方面，夠鑊氣 !<避風塘炒蟹>香噴噴 ，夠晒野味，避風塘炒蟹 , 蟹肉肥美 ,配合高技術嘅避風塘炒法 ,炒出香口，食過返唔到轉頭。<蒜蓉粉絲蒸蟶子皇> 好多地方都有蒜蓉粉絲蒸蟶子 ,但唔係每一個地方所煮出來 ,都有這間餐廳咁好食 。 原因好簡單？所有食材都係新鮮而且係上級食材 , 蟶子真的非常新鮮肥美 , 咬落去口感一流而且 吃到蟶子嘅新鮮味道 , 而且時間拿捏得非常好 ，唔會太乾亦都唔會太淋 。最適合和家人或朋友聚會、 餐廳是免開瓶 費和免切餅費 , 慶祝生日無難度 !

朋友介紹這間御膳私房菜😜，開左十幾年，大部分菜式都係原創，由2位到12位菜單都有，散叫小菜都得。今次我就比個budget 佢幫我設計。我what apps店主，原來可以帶壽桃，店家免費蒸。唔收開瓶費，我梗係帶埋啤酒🍻。是日菜色：🥢🍴🦞🦞🦞芙蓉海寶炒龍蝦球有驚喜，店家話哩款係新菜式，賣相真係一流，用2隻龍蝦，配搭花枝和蝦球，底係燉蛋白，好鮮味。🕊🕊🕊醬香茅台炆嫩鴿一上檯，就聞到好香，侍應就倒咗一小杯茅台酒落去，醬香四溢，食落乳鴿好入味，肉質鮮嫩，店主仲話另外仲有好多款用乳鴿做嘅新菜式。推薦🔥🦀🦀🦀避風塘炒大肉蟹朋友介紹必食之一，不能錯過，的確炒得好夠鑊氣，食完蟹，我地仲留起炸蒜繼續食。😏👍猴頭菇葯膳瘦肉湯身為湯怪嘅我，實會飲湯，哩個湯夠火喉，湯料仲另外用碟裝，俾我地睇到真材實料，不過就預定先有。🌸食得出每一道菜都用心製作，感覺係將傳統與現代結合🤝。朋友話記得食滷水鵝，可惜，店家話師傅早排研究乳鴿，暫停咗滷水鵝。下星期滷水鵝就開始有啦。搵日收工去試下，叫2個小菜，飲下啤酒。食厭咗酒樓同茶記嘅朋友值得一試。

疫境下熱鬧的市區都變得水靜鵝飛在肺炎病毒的陰霾下大家都留在家不想煮又想食家常小菜就唯有外賣從朋友口中得知這家私房菜也有外送服務今晚二人晚餐就有勞他們了眾多套餐中選了避風塘炒蟹和滷水鵝在預約好的時間不遲不早的送上兩款餸皆有保暖袋保溫打開膠盒蒸發冒出還是熱辣辣第一款滷水鵝附上兩款醬汁例牌份量不少鵝肉肥瘦相間鵝肉軟嫩不柴鵝油甘香味美避風塘炒蟹超大隻炸蒜極多肉蟹厚肉飽滿炸得非常惹味炸蒜沒苦味證明火喉剛剛好滿足地吃罷後我們已想好下次要點…

今天在觀塘工作, 無奈公司人手有限, 全日忙到九彩, 晚上已再無精力煮晚餐, 但一家几口出去食又唔方便.  解決方法:外賣回家.   心中一想到, 日頭做得如此辛苦, 就想來一個豐富的晚餐. 觀塘朋友推介附近私房菜的外賣套餐, 品質OK.  加上在美食網站得知, 通過WHATSAPP訂散點外賣有8折, 於是手機點了避風塘炒蟹, 滷水鵝, 士多啤梨骨, 炒飯, 保證足夠一家四口!  其實餐廳有外送服務, 只是自己在觀塘, 就順便自己拎外賣, 自己速遞回家.  回家打開包裝, 原來各食物盒都加了保鮮紙.  一於快快拆開, 放好筷子托和碗筷SET枱, 全家開飯了!      避風塘炒蟹    在餐廳食蟹一定要保時儀態!  但在家食蟹, 就可無拘無束地食蟹. 家中拆蟹的架生齊全, 鉗刮匙剪, 食完蟹還可以馬上洗手, 正!!!  不過街市大肉蟹盛惠几百元, 平時在家也不會浪費時間搞<避風塘做法>. 剁蒜蓉需要時間, 炸蒜&肉蟹拖油又浪費D油, 還會油花四濺. 事後又要抺廚房要洗鑊呢! 現在套餐有避風塘炒肉蟹, 還有士多啤梨骨, 感覺抵左! 由餐廳外賣回家, 雖然已隔一段時間, 但

御膳私房菜香港除了購物天堂，也是美食天堂，一落街周圍都是餐廳，各有特色。不過近年租金真係太貴，有好多好餐廳都搬到工廠大廈。我超喜歡食私房菜，能打出「私房」標籤的掌廚人絕不簡單，多數由小有成就且身懷一技的大廚領銜主理，所以我最欣賞私房菜。今日book 左一間位於觀塘的（御膳）私房菜，店內環境裝修簡單典雅幽舒服😌。我們四人來到，店員給我們一張大枱，坐得舒適，寧靜感覺很放鬆。頭盤麻辣鹵水拼盆麻辣味夠香，好入味，喜歡吃辣的會愛上他。雜菌大蜆豆腐湯湯味超級濃郁，好清甜，豆腐滑身，大蜆沒有沙，大大隻，好滿足。我們四個都食到津津有味。避風塘大肉蟹（少辣）避風塘香蒜辣椒粒甘香搶口，少少辣而不過油，味道入味，蟹肉結實鮮甜，鮮度合心，十分滿足😋😋😋。蒜香蒸蟶子皇另一種烹調手法用蒸加蒜帶出海鮮的鮮味，另一種清甜，蒜蓉味道滲入蟶子之中，而蟶子的鮮味被粉絲充份吸收，粉絲是必食。薑蔥炆龍躉龍躉肉酥炸後外脆內滑，肉質亦很彈牙沒有魚腥味，啖啖肉，口感是其他魚類無可比擬的 。花膠扒羊肚菌羊肚菌口感好特別，樣子似金錢肚，口感爽口，味道鮮味，有淡淡菇的味。士多啤梨骨肉骨好香士多啤梨，入味士多啤梨不酸，上碟精美，秀色可餐，醬

隱藏於工廠大廈的深處沒有門面沒有修飾沒有招牌提早一星期已把餐單選好先來前菜的麻辣手撕雞麻辣味配上清爽的青瓜是絕佳的開胃口前菜大肉蟹用上避風塘去炒炸蒜酥口感脆脆帶點焦香有令人有一口接一口的衝動大肉蟹巨大差不多有兩斤蟹鉗肉超飽滿沾一點香蒜入口真是天堂什菌豆腐大蜆湯有濃濃的海水味白胡椒香爆南非鮑魚有兩隻胡椒香氣在口腔內濃得化不開流沙黃金蝦緊接奉上香口惹味是非常邪惡的一道菜士多啤梨骨酸酸甜甜很醒胃三大支排骨啖啖肉吃得過癮最後是蟹油銀芽炒麵和蒜蓉炒時菜蟹油香較淡但吃得非常飽肚這晚絕對能吃得出師傅的功架

同朋友慶祝生日，約埋三五知己你試吓中式私房菜。呢間觀塘私房菜網上面都好多好評所以特登約埋呢度食啦。呢度都有好多唔同嘅餐俾人揀，有4位用，2位用、12位用...總之就有好多選擇，不過一定要提早book位，呢個就係私房菜嘅特色，因為食材係需要提早預備㗎。呢個係冷盤，全部都係麻辣，不過食落又唔係非常之辣，有少少花椒八角嘅麻味，中間係雞絲青瓜，唔食麻辣嘅就可以試吓呢個啦。我本人覺得呢個幾好食，其實都係冷盤，泰式雞翼尖最好食，有少少泰式醬但又唔會太辣，有少少甜，加埋小小凍，其實都幾醒胃。另外桂花番茄幾入味，蕃茄我覺得呢個煮法幾新鮮可以一試。魚頭湯其實都幾鮮，不過略嫌味精重，所以飲完都有少少口渴。避風塘炒蟹炸蒜就好夠辣，不過隻蟹就唔夠新鮮，蟹味唔夠，肉質唔夠鮮甜，所以都係食避風塘味為主😙好中式酒樓嘅一道菜，聖子略嫌蒸得比較老，但伴碟嘅粉絲索晒味就非常之好食啦。個汁係唔錯嘅，但係濃味得滯就遮住咗龍躉嘅鮮味啦，所以其實如果唔知係龍躉嘅話都食唔出。呢道菜其實好考功夫，個流沙黃金癡晒喺蝦殼，好入味好好食，師傅將鹹蛋壓到好碎，所以咬落去嘅時候有流沙感覺。果汁甜甜地，但食唔出係士多啤梨，不過撈埋啲排骨一齊食就

聽說現在很流行工廈私房菜，所以趁著爸爸生日決定一家人去觀塘的工業大廈試下新野！店舖門口也很低調...雖然沒有大大的招牌，但一出電梯就能發現他們由於是生日飯，當然要食好少少啦！首先是拼盤：牛肚、豬腸、涼拌青瓜雞絲每一個小食都有少少辣，但卻令人非常開胃涼拌青瓜雞絲食落很清爽，而且可以稍微中和辣味牛肚不是普通的辣，而是帶著麻辣的味道！除了口感好正之外，麻辣也為他加分不少～既然說是食好一點食豪一點，那當然要有金湯海皇翅呀！好大鍋而且超好味！避風塘炒蟹...雖然愈食愈辣，但卻超級惹味而且啖啖蟹肉，好味到無停手除了避風塘炒之外，還可以選擇胡椒炒、四川香辣炒或薑蔥炒等等....酸酸甜甜 士多啤梨骨清蒸龍躉既新鮮又足料而且肉質仲超滑超彈牙添～沙薑雞必食御膳炒飯，可以說是令我們一食難忘最後是預訂的哈密瓜布甸這個布甸真的很壯觀，一出場就吸引了我們全部人的手機和相機了不管是哈密瓜內還是擺碟，全部都是生果呢！有青提子、紅提子、士多啤梨、奇異果、藍莓、芒果等等⋯每樣都很新鮮，特別是青提子...甜到不得了呢！別因為地址在工廈就少看他們喔，因為當晚可以說是全場爆滿，再加上私房菜需要提前準備食材，所以打算去食之前最好

上星期舅父舅母係加拿大返黎，我媽咪就最開心，所以一早就叫我訂定“御膳”私房菜，因為舅父每次食完都讚不绝口今次點左好多種舅父至愛嘅菜式，當中有：大蜆湯…………非常清甜，且有海鲜鮮味，不油不腻，唔錯。舅父最重意食蟹，尤其係避風塘炒蟹相當野味且入味，蟹肉超鮮甜，啖啖蟹肉香。金華玉樹雞………雞肉不油不膩，脂肪比例相當合適，再配以金華火腿調味，幾好食。飯口果……菠蘿鳥，手工之作，水果種類多如葡萄，菠蘿，奇異果，相當新鮮且甜，但係份量多左D，食唔晒，唯有take away整體表現：食物水準：

前日係端午節，但我地一家人已經係上星期提前慶祝。今年我地想食D比較有特色中菜，所以提早預訂左觀塘敬業街嘅“御膳私房菜”。當晚御膳為我地安排左好多特色菜式：金絲翡翠鳳尾蝦蝦肉非常新鮮彈牙，好鮮甜。另外，底放翠玉瓜，清甜爽口，非常適合夏天悶熱天氣。避風塘炒蟹蟹好大隻，啖啖肉，而且炒得十分野味。细菊子魚細菊子魚係用東星班拆肉再炸，炸得非常香口，再加D柚子蜜，特别開胃醒神。不過我都係覺得魚還是清蒸係最好。“御膳”整體都唔錯，而且前一晚已經可以將所設計菜式ws给客人，確實非常貼心且可以免除好多選菜的煩惱，值得一讚。

今晚是媽媽的生日飯，往日都選擇食放題，不過食得多都有點悶。朋友介紹我來食這間私房菜，說款式價錢也不錯，最重要是味道好，尤其適合一家人來食飯！店內環境也挺不錯，看得出是新裝修，完全不覺得是置身於工廠區內。當晚以熟食為主，頭盤是麻辣鹵水拼盤，包括有金錢肚，雞絲，同椒鹽豆腐。原本拼盤有一款是大腸，但店家知道我不吃豬肉後，願意換成豆腐，so sweet~金錢肚爽口彈牙，又不會韌，鹵水汁很入味，比酒樓那些還要好吃得多！椒鹽豆腐被炸成了金黃色，未食已經聞到香噴噴了♡一咬開薄脆的外皮，嫩滑的豆腐立刻呈現眼前，有種彷如食豆花的感覺，正。很喜歡帶香濃麻辣香氣的雞絲，麻辣的香把平時食到淡得緊的雞絲變得很香又刺激！蒜蓉蒸蟶子皇$195一上枱已經香到不得了，那海鮮的甜美香氣完全淹蓋不住地湧出來，伴隨着濃郁的蒜泥芬芳，立刻食慾大增！而且蟶子真是好大隻，足足有一隻手掌的長度，皇之稱號果然當之無愧！蟶子皇鮮甜而且肥美，肉身夠厚夠爽夠彈牙，簡直是味覺大享受♡碟底還有很多粉絲，粉絲吸收了海鮮的“蒸“華，好食程度不能言語，大家都很喜歡這菜式呢！古法蒜子炒大肉蟹$399用砂鍋盛載着，蟹殼上那橙得發紅的色澤，一看就知新鮮生猛

平時我 Bel Bel 一個人的時候，總是去西餐廳，不過我食野都唔係獨沽一味的，其實都真係好耐無食過有水準的中菜了。早排有食友約了我和另外 3 個朋友，來到位於觀塘工廈的樓上中式海鮮菜食晚飯了。細心的朋友一早訂好位。來到的時候，發現所有的座位已經爆滿，可想而知這裡的人氣甚旺。我們幾個這晚叫了很多菜，每一碟的味道都不錯，不過因為叫得太多的關係，有些只能淺嚐即止，今次我把印象較深刻的跟大家 share 啦。拼盤先來一個三式拼盤：很厚肉的牛腩、麻辣手撕雞、豬腸。因為我不吃腸臟，所以只吃了牛腩和手撕雞。牛腩肉身很大塊和厚切，肉質十分 juicy 又軟淋，，還有少許麻油和芝麻的香味，很好味。麻辣手撕雞卻有少許油辣，就連涼涼、清新又爽脆的青瓜都醃了微辣的味道。我能吃一般小辣的人都能接受到，雞的肉質都很嫩滑，微辣的味道都不錯。避風塘炒蟹一隻大炒蟹放在滿滿的炒蒜蓉上，舖碟的炒蒜蓉很乾身，連蟹殼都沾了一些蒜蓉的香味，很香。侍應早已送上箝子，於是我們可以自行箝爛蟹殼，相當方便。蟹肉味道都幾鮮甜，炒蒜蓉帶點微辣而十分香脆可口，我差點吃到停唔到口。白胡椒爆炒鮑魚很大隻的鮑魚肉質相當煙靭彈牙，同時保留了一些肉汁

近年工廈大變身，昔日的工廈現今已經不止做工業咁簡單，各行各業都會進駐，包括飲食業。這夜應朋友和店方的邀請來到觀塘敬業街的御膳，在此要再次謝過，讓我有機會來個工廈內食海鮮初體驗。原來敬業街位於觀塘工廠區的最外一條街，對面就是麗港城。走進大廈後，要搭工廈的可送貨用大電梯上12樓，一出電梯就可以看到御膳。坦白說，未進餐廳之前的第一印象是很一般。不過當踏進御膳後卻感覺大大改觀。店內打理得乾淨又企理，用餐環境原來亦挺不錯。這裡只開晚市。餐牌上除了多款單點海鮮和小菜，亦有數款以海鮮菜式為主打的套餐選擇，定價大致兩百多至三百多一位。逢星期一晚更有由大廚發辦的驚喜海鮮餐，每星期只做一枱，這安排以中菜館來說幾特別呢。而我們這夜試吃的是定價＄300一位（免加一）的「芙蓉龍蝦餐」。先來麻辣鹵水拼盤，有金錢肚，豬大腸和雞絲。三者之中我較喜歡麻辣雞絲，肉質不錯，麻辣度亦剛合我口味。金錢肚和豬大腸則過於'入味'，對我來說味道偏鹹。芙蓉龍蝦球用上原隻龍蝦起球啖啖肉炒蛋白，龍蝦肉新鮮爽甜，與滑溜蛋白很夾，好吃！店方以蒸鮮鮑魚代替這日來貨不夠好的聖子。鮑魚以陳皮及蔥絲蒸，雖然蒸的時間稍為過了點火，但鮑魚味道鮮美。這套餐

朋友共聚, 試試新地方! 首先值得讚就是接電話的女士, 好有禮貌和細心安排, 傳菜單 etc...閒日來到, 客人不多!不收開瓶費, 當然帶酒來啦!麻辣鹵水拼盆大腸選位好正! 但個人不大愛吃。辣牛肚好惹味! 但太咸了!麻雞絲也太咸了!老實用來佐酒也太咸, 不推介!跟着來了流沙黃金蝦蝦肉爽口, 香脆!豆腐魚頭湯呢個就 Good! 個個都讚! 真材實料, 清甜!蒜蓉粉絲蒸蟶子皇肉質鮮甜, 又爽脆! 但鼓油又咸!冇計! 真係要出聲, 和工作人員反映後, 清蒸石斑果然有改善! 可惜到蒸魚過火, 熟過頭! 魚是新鮮又好的, 浪費了少少!避風塘炒蟹呢個超正! 全晚精髓, 膏多又香! 蟹肉入味!炒帶子正常!銀芽炒麵份量幾大、少油、不乾! 炒得很好!招牌炒飯正常!哈哈!  竟然有糖水送! Good!喳喳和紅豆沙! 豆未夠腍!總體食物新鮮, 有 heart 做, 不過還有待改善!

近年政府一直鼓吹的活化，以靈活多變的香港人而言，早已經先行一步，不單變成劏房，war game場，更有不少人活化成食肆，位於觀塘工廠大廈的「御膳」就是其中一間。店內只有五六張檯，其實不大，但以小本經營而言，差不多了；而基本上店方以套餐為主，但每逄星期一，大廚便會有神秘菜單，人均五百左右，有興趣、有信心的可以試試，不過要事先預訂。由於今次有四位食友，而事前曾看過其他食友的食評，知道可能會有魚翅，所以特意跟店方溝通，千萬不要安排魚翅餐，因為當自己每次在街市買菜，見到已經開始賣魚苗時，便知道環保的重要，就由店方安排了芙蓉龍蝦餐。麻辣鹵水併盆有三款，是牛肚、雞絲及豬腸，可說是豬牛雞組合，一向偏韌的肚跟腸都處理得相當不錯，不單沒異味，而且很腍身及入味，但辣是有，麻度就似乎欠了點勁，整體而言，是一個不錯的下酒前菜。大肉蟹一隻，可選薑蔥炒、避風塘炒或花雕蛋白雞油蒸，不過既然大家都不怕辣，就一於避風塘炒蟹，很有趣地，辣味都跑到蟹肉內，非常惹味，反而辣椒乾夾點來吃，竟然不覺辣，難道是自己口味變了？問過店方，芙蓉龍蝦球用的是美國龍蝦，而且是早已起球再煮，芙蓉蛋白夠滑及香，與龍蝦肉質亦配合，但份量偏少，不過