漁小館

营业中

休息中

每年新一季開鑼，一班好友都會搵間食肆，一路食一路吹水。今年有人極力推薦呢間食肆，於是一行八人去試試。呢個 "清酒冰鎮鮮鮑魚" 做緊優惠，只需28蚊。不過要喺伙記當面Facebook畀like才有優惠價(只限晚市)大家要記住呀！本來對"溏心皮蛋酸薑"好大期待，但係啲皮蛋唔夠味。"古法蝦籽扣柚皮"，柚皮入晒味，正！"拔絲咕嚕肉"，個人對咕嚕肉一般。"芥末脆皮豬手"，豬手肉香。"籠仔梅菜肉崧蒸芥蘭薳""酥炸脆皮牛坑腩""生啫雙蔥海參煲""籠仔金蒜蒸蟹飯"，飯香有蟹味。"杏汁白菜燉豬肺湯"，杏汁味重湯滑。"海苔脆皮墨魚餅"，"籠仔蒸斑球飯"就遜色咗啲，不及 “籠仔金蒜蒸蟹飯"，可能係我地食咗蟹飯先。總括來講，唔錯。會再幫襯佢地。