樺輝記 (已結業)

見呢間評語唔差，咪試吓囉～外脆內軟，都唔錯～推介，炸得唔油。$1嚟講都ok啦（不過我冇食鮑魚）睇相都睇到有好多瑤柱啦～普通一個菜都要7-80蚊，我寧願俾多少少。呢個相對爭D，冇乜蟹味。咁多樣入面，呢個最辣（仍可接受）真係普普通通諗住厚身嘅，點知係一條條，唔係好差亦唔係好好。仲有個樺輝記小炒皇（$108），唔記得影相。呢個我俾★★★，正常水準。連埋粥、飯、啤酒汽水，（7個人食）埋單$1036，價錢非常合理。

平時去開大排檔都會去深水埗/旺角/三坡坊嗰頭，有次見到呢間大排檔好多檯都有個大砂鍋，覺得好似幾有風味。香辣魚皮魚皮睇落好淡味冇咩特別，但係原來食落都幾辣。小食嚟講個份量都OK。一口炸饅頭 饅頭如其名真係一口嘅，饅頭係開半咁上，爭緊D，但係佢都炸得OK脆身嘅。酥炸蠔餅煎炸呢D邪惡嘢點可以唔嗌，整體炸得都好脆，蠔仔份量都可以。大盤花菜欣賞佢個花菜係有充份地燒過，睇落幾靚，再加埋D煙肉食，都幾惹味。🔥鮮甜卜卜蜆煲 (大）重點推介!!! 呢個蜆肉嘅份量多之餘，蜆肉都大隻質素OK, 個湯底更加係一流!!! 湯底係蒜蓉同辣椒炒完蜆嘅鮮甜湯汁，大家都當湯咁飲到見底!蜜椒薯仔牛柳粒平時去食小菜都會叫嘅一道菜，整得OK，牛肉都唔會話un，只係佢個蜜糖唔係平時食開嗰種，就覺得有少少怪咁。🔥潮汕砂鍋粥 (小）呢個見每一檯都有叫，就即管試下。今次加咗嘅配料有: 蠔仔、鮮雞件、黃沙豬潤同鮮魷魚。其實個砂鍋粥都唔錯，不過遲過卜卜蜆出場，立即有比較，卜卜蜆湯較濃，變相粥淡味少少就被比下去。 但平心而論，個粥底係清得嚟又夠味嘅，只係冇咁濃味，配料質素都唔錯，都算係呢間店嘅必食之選。蟹黃蟹肉炒飯上網見呢個都有D人推薦就

新年同長輩食飯 揀咗呢間中菜餐廳 餐廳舖面唔算太大 得20-30個座位左右😮 所以想食好餸就記得要book位啦 菜式主打中式小炒 潮州菜 同砂鍋粥😋酥炸蠔餅金黃色嘅外貌好吸引 蠔餅好有蛋香 蠔都有鮮味嘅 同埋唔會好油膩🦪 佢嘅調味唔會太鹹 所以如果鍾意食鹹啲 可以點埋附上嘅魚露😉黃金拼椒鹽鮮魷一碟有晒兩種味道 真係啱晒三心兩意嘅我 炸鮮魷肉質厚🦑 有黃金鮮魷同埋椒鹽鮮魷 兩款都炸到熱辣辣 送飯一流😛 喺其他餐廳食嘅炸鮮魷通常魷魚都冇味 但係呢間仲食到魷魚鮮甜嘅味道☺️樺輝記小炒皇都幾欣賞呢碟小炒皇 主要有韭菜 其他配料好豐富 有蝦乾 魚仔 腰果 魷魚 仲有脆炸芋絲😍 一齊食就啱晒啦蟹黃蟹肉炒飯完全冇諗過佢咁大碟 上枱時有少少驚訝 不過我哋幾個人分享 所以都食得晒㗎😆 除咗有蟹膏同埋蟹肉之外 仲有豬肉粒粒 炒飯好有鑊氣 又粒粒分明一口炸饅頭呢個炸饅頭外脆內軟 點埋煉奶就啱晒😛 小朋友嘅至愛啊無糖可樂如果唔係今日要揸車 一定要飲返兩罐啤酒啤啤佢😙見到網上對呢度嘅砂鍋粥讚口不絕 不過今次食得好飽 所以冇嗌到😗 呢度嘅小菜真係好有鑊氣 下次都要再嚟試吓其他餸

去大排檔鍾意食佢嘅地道風味同鑊氣，荃灣嘅樺輝記係晚上9:00 都仲仍然坐滿食客，需要在餐廳門口街邊位置再加多幾張枱。邊坐住等食期間，聞到勁香嘅鑊氣味，好有大排檔嘅風味，未開始食都已經食指大動，我地兩個人叫咗幾道菜。✨砂鍋粥 (2-3人份) $210我地叫咗個潮汕砂鍋粥(細)，足夠2-3人份，可以自選海鮮/肉類/海味，叫咗三款海鮮有鮮魷魚、海蝦、蠔仔，粥有海鮮嘅鮮甜味道，粥底黏而不稠比例啱啱好。晚上天氣涼涼地食粥夠暖胃，每人都可以分到3-4碗。芫荽同蔥會另外上呢點幾貼心，唔夠都仲可以添加。✨鮮甜卜卜蜆煲(細)$140卜卜蜆味道鮮甜全部都冇沙，蜆煲加入咗蒜蓉、辣椒、金針菇、芹菜等配料，食落味道非常惹味。✨酥炸蠔餅 $88蠔餅唔厚粉，蠔仔份量都好足冇腥味，新鮮炸起食落脆口，加少少魚露食落香脆惹味。✨啫啫石鍋芥蘭 $76有肉碎同埋蝦乾，鹹香味香濃夠惹味，芥蘭爽口冇苦澀味。