茶木‧台式休閒餐廳 (德福廣場1期)

营业中

休息中

約左好耐冇見的朋友食午餐，lunch time 不嬲都多人，唔知德福仲有咩好食，又唔想排晒大隊，於是去茶木坐低。明明仲有乾淨嘅吉台，但個店員都要我地係外面等左陣。落單時失望，舉手叫店員，同佢四目交投埋，佢居然直接走左去。於是我地再坐多幾分鐘先有另一個店員幫我地落單。叫左個酥炸雞排麵（$71）加杯熱柚子茶炸雞排係唔錯嘅，夠熱，吸油紙亦都吸到唔少油。希望佢啲炸醬可以落少啲。個麵我覺得硬左啲，仲有幾條硬到痴埋一舊舊。整體來講連鎖店都好似比較難keep住個水準，算一般。

是日同幾位好朋友聚一聚，有男又有女，食乜先適合大家口味？餓啫啫諗到R一R啫...就黎到呢間唔算好多人等位嘅茶木大大粒鮮菇，可惜口感太硬，有d難咬，而水餃就唔錯，不過同一般水餃冇乜分別，而麵嘅質地幾彈牙，可惜分量比較少朋友A嘅雞排麵，同上面一樣首先麵嘅份量唔夠，但酥炸雞排唔錯係新鮮炸起，皮脆而唔會油淋淋，呢碗算好食小弟認為咖啡係應該配薯仔先好食惹味，而用左地瓜就會有d甜，咖啡冇港式咖哩咁香，不過牛腩肉質算淋身，而有蠟祝點住keep住個溫度，不過都係整色整水之作。用上鮮菠蘿而唔係罐頭，可惜又係份量好少，但味道酸酸甜甜都ok，同咕嚕肉屬同一派系是也。追加一個炒A菜，有圖有真相，油淋淋是也！扣分扣分總結味道尚叫合格，但cp值太低，未必會返桌！

想食台灣野，但又想食得平啲，咁樣可以去試下「茶木」！今次點選了「酥炸雞排麵$54」，「台式滷水拼盤$58」，「綜合水果茶$34」。「酥炸雞排麵」既雞排同手工寬麵會分開上，咁就唔怕會比湯浸到軟身，雞排味道剛好，不太覺得油膩。手工寬麵就比較靭身，好似煮麵時間不足。「台式滷水拼盤」係較抵食既小菜，當中包括：半隻糖心蛋，兩隻雞亦，黑油鴨腎，台式醬牛肉，滷肉，滷豆腐。味道剛剛好，好有滷水的咸道，但糖心蛋只得半隻，略為失望。食左咁多野，飲返個「綜合水果茶」就好不過，混合了鳳梨汁及多種水果，令到整杯既味道都甜甜酸酸，好有消膩開胃既感覺！