ULURU

一入去就置身於畫廊及餐廳於一身，黑白交錯既畫風裝修好有特色!頭盤酥皮焗田螺，香口酥脆每粒都一口size，方便開胃主食同主菜係焦點所在:招牌京式烤鴨薄餅和西冷牛扒兩樣都好充滿肉感！肉質豐厚，性價比超高而且中西元素都集於一身，第一次嘗試烤鴨薄餅又幾驚喜，蔥香配上薄脆餅底，有一種食西式片皮鴨既感覺，強烈推薦！西冷牛排方面分量十足，如果女士們黎食就小心啦，可能要2個人合力先食得曬成塊巨型牛扒🥩而甜品方面有精緻造型既富士山🗻&森林之家🍄，森林之家係由士多啤梨朱古力 + 白朱古力搭砌出來，非常有童話氣息；富士山則是抹茶芝士蛋糕，甜度適中，而且打卡美觀，好岩中意健康既香港人！配上無酒精青檸🍋‍🟩Mjito，整頓晚飯田園綠林氣氛好強，超級Refresh~🍃生活忙碌中同屋企人放鬆下，享受下美食先可以有動力繼續努力落去…查看更多

上個月係附近食過拉麵後閒逛發現這間具有特色的cafe，位於灣仔的「ULURU」是一間手繪2D Cafe，牆身的圖畫全是人手繪製，線條細緻，全店以黑白風格設計，每一個角落都係打卡位呢！Cafe仲係寵物友善餐廳，吸引不少狗主帶同狗狗前來打卡。餐牌主打即叫即製嘅西式cafe食物，有扒類、意粉、沙律、小食同甜品等，飲品除左咖啡外，仲有茶類、mocktails同cocktails等。慢煮羊膝伴野菌意大利飯 $288羊膝肉質軟腍入味🐐，口感帶膠質感，羊羶味唔算重，野菌意大利飯味道香濃又creamy🍚，還有濃濃芝士香又酥脆的芝士脆片🧀，色香味俱全。 京式烤鴨薄餅 $148京式烤鴨薄餅以薄身餅底為基底🍕，加入秘製京醬，以及鴨肉🦆、京蔥等食材而成，食落去味道豐富，更具層次感～酥皮焗田螺 $108鬆化的酥皮包裹著田螺🐌，酥香的香草牛油滋潤螺肉，螺肉變得甘香軟滑，味道濃郁👍🏻芝士拉絲一口豆腐 $58原來豆腐配芝士🧀可以咁夾，一口咬下去長長的芝士拉絲，豆腐口感嫰滑，十分滿足🥰富士芝櫻祭 (丸久小山園抹茶Tiramisu) $118不能錯過的富士山形狀的Tiramisu，打卡一流！Tiramisu使用丸久小山園抹茶粉製作，抹茶味相當濃郁，食落唔會好甜，裡面的手指餅滲出微微酒香，整體口感輕軟。ULURU Rose Tea (熱) $52玫瑰花花茶🌹對女生身體與皮膚許多有益的優點，飲落有濃濃的玫瑰香氣，杯內亦有唔少玫瑰花瓣碎，清甜花香。Popcorn Latte (凍) $40在口感香滑的拿鐵面放上爆谷🍿，口感濃郁，每呷一口也充滿香濃爆谷味，而且甜度適中。…查看更多

Mad Pink牛一，舞友們為滿足其愛拍照嘅喜好，上網專登揀咗間打卡聖地「ULURU」開P慶生。入夜後，西餐廳隱蔽於橫行嘅門口非常光猛，不易錯過。通往一樓用餐大堂可步上梯級，或抵達時至電接線生話想搭𨋢，年輕嘅服務生都好樂意協助。店子嘅黑白二次元主題非常獨特，梳妝台、書架、鏡框等裝飾均為平面圖，置身其中彷如進入咗童話世界入面。室內面積寬廣，連走廊通道空間感都一樣咁足，洗手間好似通過機關門入返現實時空，都幾過癮。生日派對被安排入座梳化靚位。飲品餐牌共有兩頁，不過XO仔訂座前已探咗路，知悉餐廳不收分毫開瓶費，結果當然係自己帶酒啦！嘻嘻，壽星女唔洗返工，兩口子一早就帶齊架生率先狂影兼𣈱飲一番！晚市單點項目則有八頁。最後兩頁為打卡熱選嘅靚靚甜品，其中兩款粉紅色同粉藍式嘅招牌二次元蛋糕必先預早訂定。有名你叫「Mad Pink」，即為粉紅而瘋狂喎，生日梗係要有粉紅色啦，做足功課嘅小肥一定唔會令佢失望嘅！炸香脆粗直薯條配黑松露醬（$68）：歡樂時光先點咗客薯條送酒酒。薯條外脆內軟，點埋另上嘅黑松露醬即倍添芳香！煙三文魚露筍卷（$98）：三文魚卷一客只有三件，舞友們讚好新鮮，細佬自己唔係咁好煙燻味，所以只交由相機代食。酥皮焗田螺（$108）：看似為店長但不願透露身份嘅樂哥哥極力推介酥皮焗田螺，盛意拳拳一定要試啦！圓碌碌、熱辣辣嘅小食一口一件，皮層真如餸名般酥脆香口，入面嘅田螺肉軟潤彈牙，份量恰到好處，就連原本話唔食田螺嘅M王子試咗一件都話好食，咁即係掂啦，果然好介紹！阿根廷紅蝦刺身配蕃茄沙沙多士（$138）：一眾舞友緣自阿根廷探戈，因情意結關係而點黎捧捧場。金黃嘅多士底十分鬆化，蝦多士震撼地原隻大蝦連頭上，甜潤爽脆，一客兩大件其實可以四個人分享。柚子鮮蝦沙律（$78）：沙律嘅菜菜同已去殼嘅蝦仁都好爽，女仕們最欣賞混入嘅沙田柚肉好清新同個沙律汁係另上嘅，屬輕盈健美之選。白酒忌廉牛油紐西蘭半殼青口配蒜蓉包（$118）：青口鮮甜香滑，一啲餲味都冇，真心覺得高質美味過某比利時連鎖店。羊扒大蝦配新薯紅酒燒汁（$238）：半生熟嘅羊肉好軟熟，開咗邊嘅大蝦明顯冇蝦多士嗰隻咁正，不過白雪雪嘅蝦肉都好爽身。香煎美國有骨豬鞍扒伴蘋果燒汁（$258）：厚厚嘅豬鞍尚算爽口，但個人覺得偏乾咗少少，肉汁未為最豐沛。虎蝦海鮮冬陰功韓式年糕（$138）：虎蝦其實好爽彈，韓式年糕亦煙煙韌韌，不過敗筆在於調味過咸！受酒精影響下成枱人基本上係零怕醜，直接同樂哥哥反映意見，真係冇諗到佢不單意見接受，仲靜靜地加送靚靚嘅抹茶甜品，甜甜嘅心意成功擺平咗過咸嘅重口味，一眾女生都覺得誠意行動同其外表一樣低調得可愛！富士芝櫻祭 - 丸久小山園抹茶Tiramisu（$118）：呈富士山形嘅抹茶味Tiramisu外表吸睛，頂面座鳥居菂薂尤甚，微甜嘅糕身軟綿且夠潤，抹茶味芳香怡神，混埋綑邊嘅朱古力泥直令口感更有層次！粉紅色ULURU二次元立體夢幻蛋糕（$138）：招牌蛋糕嘅平面設計勁襯牆上嘅手繪壁畫，粉紅色玫瑰味厚層忌廉下嘅海綿蛋糕夾入甜甜嘅荔枝同紅莓，甜度剛剛好，感激師傅特意寫上祝福字句！夢 - 森の家（$128）：甜品嘅蘑菇造型實在逼真，取名為「森林之家」不禁令人聯想起藍精靈嘅蘑菇屋，喺二次元嘅背景下尤其趣緻夢幻！蘑菇外層乃濃甜脆脆嘅白朱古力，一層一層一層的剝開，驚喜更陸續有來！蘑菇頭入面原來係香軟嘅士多啤梨慕絲包住件蛋糕，菇柄竟然塞滿士多啤梨果蓉同果醬，連同大大粒士多啤梨及朱古力泥食落去又一啲都唔覺溜，細緻精妙得連一向咀刁嘅M王子都食個不停，讚口不絕，確真難得！花見（$98）：樂哥哥細心提點玫瑰啫喱檸檬撻內含杏仁，小肥即只准睇唔准食。灣仔打卡熱店「ULURU」光鮮開揚，輕鬆幽閒，服務生親切幽默，黑白嘅二維空間與鮮美奪目嘅魔幻甜品將二次元主題發揮得淋漓盡致！價格不高、免收開瓶費、細心體貼之情等有心舉動足以令壽星Mad Pink及舞友們樂在其中，讚嘆不已，有心食肆絕對值得支持！…查看更多